2012年12月25-28日 ( 4 days )
話說，舊年（2011）去完新加坡，都話有排都唔會再去。
今年去馬爾代夫時，又純粹過境地去咗一次，又再講多次話有排都唔會再去。
點知，話口未完，見有 $990 機票，聖誕又冇地方去，就諗，嗰度有個新開嘅 SEA Aquarium，就平平地飛過去逛吓，順便食吓蟹。
乘凌晨機，前一晚去機場 check in，哈！無啦啦，又變 B Class。真係冇諗過，平機票都會被 upgrade，正！
我地懷住興奮嘅心情，去食魚蛋粉。
同 1314 嗰啲比，係天與地。
準備上機。
嘩！勁多人今晚飛。
以為大機嘅 B Class 個位有得瞓低，原來唔係。
凌晨機，起飛冇耐，就開餐。
睇吓個 Menu 先。
先黎蒜蓉包、沙律。
主菜，我地揀咗雞同魚，都唔錯。
食完主菜，飽 ed，就爭取時間，眠。咖啡、茶、甜品、生果、雪糕、朱古力等，全免。
去到新加坡，入境，再落去搭 MRT，重未夠 6 點，未開，個個企哂喺度等，等入閘。
然後呢，入咗閘，等頭班車。
先返去酒店，去放低啲嘢先。今次，住呢間 Oasia，喺 MRT 嘅 Novena 駅。
由 MRT 出閘，就有地下通道直去到酒店地庫，可以搭電梯返房，好方便。
我地先擺低個篋，問佢幾點可以 check in，佢話 10 點，吓？有冇咁早？
而家重未夠 7 點，我地又去食個肉骨茶，當早餐，由呢度去，搭巴士好快就到。
黃亞細肉骨茶
兩個招牌排骨湯，唔使爭。
食完，喺條街行一陣，就返酒店 check in，有人搞手續，有人周圍影。
呢間酒店幾新派，亦都幾靚。
搭上樓，一出，就見到有個泳池，喺下面平台，幾靚。
間房都唔錯，簡單而舒適。
窗外，天色麻麻，好似隨時都會落雨，我地決定，眠，瞓番兩粒鐘，先再去搵食。
第一餐，就去食蟹。
我地去番 Clark Quay，點解，係泥水？
Jumbo
我地叫咗白胡椒蟹，同蒜蓉蒸開邊蝦。
起肉怪，又出動。
我地諗住唔食咁多嘢，一陣再食 tea。
咁話說叫咗呢兩樣嘢之後，我就行出門口影吓相。返黎，有人話，見到隔籬枱個辣椒蟹 chilli crab 好鬼正，就叫咗個。
再加兩個饅頭，去點啲汁。
隻箝，一樣咁大。（起肉怪去咗邊？）
我地上兩次黎新加坡，都冇試過 chilli crab，因為有人（唔講邊個）怕辣。今次，食得辣嗰個，趁有人行開，就叫黎食。
唓！原來唔係好辣，反而有啲甜。
兩個饅頭原來太少，想追加，又過咗 last order 時間，對住啲汁，心諗，有個一丁撈就超正。
結果，第一餐就食咗兩隻蟹。
食完，就喺 Clark Quay 逛吓。
見到呢個，有人（唔講邊個）就話，條脷重有啲辣 …
Häagen-Dazs
過返烏節路行街 shopping，結果梗係冇食 tea 啦。
夜晚，早早地，去地道嘅熟食中心開餐。
睇其他人嘅 blog，呢度有好鬼大隻嘅蝦，好似好正咁，我地上兩次都有考慮過黎唔黎，今次住得近，離酒店一個駅，就黎食。
Newton Food Centre
但係，見到枱面咁樣寫，就有啲 … 特別感覺。要小心。
我地巡一個圈，搵間啲蝦夠大隻嘅。
如果要形容呢個蝦，一個字：大。
味道呢？肉質呢？新鮮呢？頭先 Jumbo 啲中蝦贏哂。
呢隻大蝦，每隻約 100 蚊港幣，老實講，可以有更好選擇。我地冇再食其他嘢，就極速走咗，尋晚坐凌晨機，今晚早啲瞓。
第二日，去 SEA Aquarium 睇魚。其實我地都有考慮過去環球影城，不過，見到咁多人，算。
SEA Aquarium 都多人，不過人流順住入，都算快。
我地冇理佢點分 zone 同埋邊度有乜睇，總之，跟住行，有乜睇乜，乜都影吓。
一路行，去完一區又一區。
呢度，好多啫喱魚，不過，好難影。
呢隻，炭燒應該唔錯。
跟住呢個，係全館最正嘅，最大嘅池，大到裏面嘅魚群，可以整群有隊形咁游來游去。
由細魚組成嘅魚群，好似個影飄來飄去。
可能因為深水，光線透到落黎就變成藍色。
大條嘅魔鬼魚，喺細魚嘅魚群間穿插。
睇住啲魚群喺身邊游來游去，真係好正，而我地喺呢度逗留得最耐。
跟住，有番啲淺水啲嘅，冇咁藍，可以影多啲魚。
呢堆魚，喺度高速自轉，好似洗衣機咁。
呢條海鰻，好鬼祟。
重有呢啲，都幾特別。
最後，鯊魚館。
係時候開飯，行過去 food court。
Malaysian Food Street
我地幫襯咗呢幾間。
食咗一個煲仔飯，一碟炒麵，同埋幾串沙爹。
見到張智霖，咁好直覺地以為長頭髮嘅係佢老婆，咦？乜啲背肌咁勁嘅？
我地食完飯，諗住再入返去 SEA Aquarium 兜番轉，當散步，但已經勁多人排隊，算數。
咁惟有周圍行吓。
又去咗海灘嗰邊。
玩 Luge？諗都唔好諗，超多人。
又去睇吓人地玩大風吹。
行咗咁上下，就食啲嘢。
鼎泰豐
蟹粉小籠包、脆皮蝦醬雞（唔講真係食唔出）、同埋芝麻包。
不要說台灣，比香港的，也差很多。
過返去 Vivo City 度逛，行吓超市，shopping 吓。
到夜晚，就又去食蟹。
無招牌
自從尋日食咗隻 chilli crab 覺得正，就好惆悵，食白胡椒好，定係 chilli 好？
呢度白胡椒好過 Jumbo 同 Seafood Republic ，但 chilli 未試過，可能重好？
結果，白胡椒蟹，叫 ed。
咁 chilli crab，都要試吓，先知邊度好食啲。
今次叫咗 4 隻饅頭。
比較之下，尋日 Jumbo 嘅 chilli crab 好啲。
另外，都食咗個中蝦。
起肉怪，又出動。
兩日，就食咗 4 隻蟹，好似，有啲變態。
第三日，記得尋日發現酒店隔籬商場有間舊街場，今日去食早餐。
舊街場 咖啡館
黎到舊街場，我飲白咖啡，PM 就繼續飲凍檸茶。
一個花生醬多士，一個咖哩雞拼薄餅。
好 很 辣 ，otherwise 係唔錯嘅。
食完早餐，出去 Marina Bay 嗰邊，先去逛吓 St. Andrew’s Cathedral，影吓相。
可以入去，就入去影吓。
逛一陣，走得。
未夠鐘開飯，漫步去榴槤嗰邊。
入便有 Visual Arts 展品，係紅色嘅貓狗。
夠鐘開飯，行返去 Swissotel，上 70 樓。
JAAN
我地坐番上次嗰張枱，又對住 Marina Bay 同埋 Sands 開餐。
餐前小吃，依然係咁大陣仗，不過同上次有少少唔同。
呢個，有 3 樣嘢。
包括有炸波波，上次都有。
同上次都有嘅超好食嘅扮「寿司」，上面係啫喱，下面係舊魚。
重有個米餅，同一個醬。
唔知乜醬，有啲似味噌。
跟住，又有個咖啡壺壓搾野菇湯。
超正，冇嘢講。
麵包，我要咗呢兩個。
PM 就要咗呢兩個。
牛油同鹽。
Appetizer，我揀咗呢個，卵。
55’ ROSEMARY SMOKED ORGANIC EGG
SMOKED RATTES, AUTUMN MUSHROOMS, CHORIZO IBERICO, BUCKWHEAT
呢隻出哂煙嘅卵，放低喺枱面俾我影張相，然後極速倒落去個兜度。
個兜裏面有啲唔知乜草燒緊，少少煙滲出來，好似令蛋更好味。
PM 就揀三文魚他他。
SCOTTISH SALMON TARTAR
HORSERADISH, PICKLED KOHLRABI, AQUITAINE CAVIAR
簡單，好食，有兩條多士棍。
Main Course，我搶住叫魚。
LINE CAUGHT JOHN DORY
ROMANESCO TEXTURES, COQUILLAGES, CRAYFISH BISQUE
舊魚，當然正。
配菜，都一樣咁正。
PM 就食野味，係鹿肉。
VENISON SADDLE
BLOOD ORANGE, CELERIAC, ‘GRAND VENEUR’
都唔錯，並無任何羶或其他怪味，亦夠冧。
配菜，都正。
Desert，PM 揀朱古力。
CHRISTMAS CHOCONUTS
SABLE BRETON, TEXTURES OF WHITE, MILK AND DARK CHOCOLATE
當然，話就係 PM 揀，但其實大部分都落咗我個肚，儲喺我腰間。
咁我見有栗，就唔揀埋一樣。
CHESTNUT ‘GOURMANDISE’
SPECULOS, MERINGUE, EGLANTINE
老實講，啲字我係唔識解嘅，黎到，先知係乜。都好，有一大劈栗子雪糕。
最後，有嘢飲，因為呢個窗口位都有啲熱，就一齊飲凍檸茶。
一邊飲嘢，一邊欣賞吓 Marina Bay 嘅景色。
咦？榴槤旁邊，海上面，有啲乜？
走喇，去返後面等，望落去，見到今朝逛嘅教堂。
搭 MRT 去 Gardens by the Bay。
回頭望，Sands 喺後面。
望過去 Flyer 嗰邊，個 view 都幾靚。
行埋去啲怪樹嗰邊睇吓。
上面條 Aerial Walkway 有好多人。
上去要俾 $5 坡幣，喺下面影吓算。
繼續行，呢舊嘢，咪以為係舊枯木或爛石。
行埋去，係個大蟻竇。
又有呢隻嘢，記得以前喺日本見過有賣過十萬円一隻嘅（當然靚好多），傻仔。
連貓都有隻，好鬼快，影唔切。
繼續行吓影吓。
算係兜咗個圈，然後走，有條天橋穿過 Sands 去到個 Mall。
行到攰攰地，就搵地方坐吓。
TWG Tea
喺水道上面，底下不時會有艇駛過。
飲杯茶，食件餅。
個糖好靚，但無用武之地。
抖咗陣，就逛吓個 Mall。
當然，都去 LV 行吓。
其實，主要係去佢個俾人坐對住 Marina Bay 嘅露台，有無敵景。
頭先喺 JAAN 見到喺水面嘅，係啲白波。
夜晚，再去食蟹。
Mellben Seafood 龍海鮮螃蟹王
好在有得訂枱，6 點已經咁多人排。
經過上次經驗，今次獨孤一味，砂煲米粉蟹，要隻最大嘅，其他乜都唔叫。
其實唔使等咁耐。
主角，大 蟹 箝 。
有幾大？隻手咁大。
撈埋另一隻，影張合照。
起肉怪，出動。
食咗下面嗰舊，起肉怪已經起埋另一隻，再黎合照。
大蟹箝湯米，究極の食味。
都有好多蟹羔，正。
最後，都係食唔哂啲米粉，不過湯就一滴不剩。
超滿足。
走喇，排隊嘅人，重多過頭先。
第四日，頂！永遠都係臨走先出太陽。
早餐，再去酒店隔籬商場嘅舊街場。
舊街場 咖啡館
繼續飲白咖啡、凍檸茶。
花生醬多士 OK 唔錯，再食。
不過今次唔食咖哩喇，改食咗個西多，都幾正，雖然肥咗少少。
今日冇行程景點，主要係逛吓烏節路 shopping 吓，然後食餐飯，就走。
日本嘅 Sanrio 就行得多，呢度嘅 Hello Kitty … 果然特別啲。
連東急手都有？
今日早啲開餐，去食呢間網上講到好掂嘅餐廳，食西餐。
Les Amis
點知，入到去，連埋我地，一共先得 3 枱人。
麵包，普通。
餐前小吃，係個煙三文魚，唔錯。
前菜，PM 揀咗個有海老嘅，結果，for 影相 purpose 係可以嘅。
我揀咗個鰻魚，煮法 … 好特別，但係特別唔代表好食。
主菜，我叫魚。
總算個魚本身係 OK 嘅，雖然搵啲湯去浸住佢都係有啲怪。
PM 食呢個，都係好睇多過好食。
甜品，我叫咗個 Lemon Tart，上枱，即使用好多想像力，都係冇忽似。
唔知咁算唔算係份子料理，原來將一堆嘢一齊放入口，就會似食緊個檸檬撻。
PM 食呢個，就餅有餅樣。
咖啡、茶，啲糖，靚，但有點兒扮嘢。
小菓子，反而幾好食喎。
其中，呢個 Cannelés 最正。
食完，再過番 ION 嗰邊逛。
臨走，都要 …
好運燒烤
去到機場，去咗個叫 Rainforest 嘅候機室。
睇吓有乜食先。
嘩！海南雞飯，重有杰撻撻嘅黑醬油。
我攞咗勁多雞。
有人（唔講邊個）落咗大量黑汁，同一大劈薑蓉。
橙汁、西柚汁。
走得。再講多次（講住先啦）：應該有排都唔黎啦。
（起碼，Easter 就 plan 咗返鄉下睇櫻花。）
END
話說，舊年（2011）去完新加坡，都話有排都唔會再去。
今年去馬爾代夫時，又純粹過境地去咗一次，又再講多次話有排都唔會再去。
點知，話口未完，見有 $990 機票，聖誕又冇地方去，就諗，嗰度有個新開嘅 SEA Aquarium，就平平地飛過去逛吓，順便食吓蟹。
乘凌晨機，前一晚去機場 check in，哈！無啦啦，又變 B Class。真係冇諗過，平機票都會被 upgrade，正！
我地懷住興奮嘅心情，去食魚蛋粉。
同 1314 嗰啲比，係天與地。
準備上機。
嘩！勁多人今晚飛。
以為大機嘅 B Class 個位有得瞓低，原來唔係。
凌晨機，起飛冇耐，就開餐。
睇吓個 Menu 先。
先黎蒜蓉包、沙律。
主菜，我地揀咗雞同魚，都唔錯。
食完主菜，飽 ed，就爭取時間，眠。咖啡、茶、甜品、生果、雪糕、朱古力等，全免。
去到新加坡，入境，再落去搭 MRT，重未夠 6 點，未開，個個企哂喺度等，等入閘。
然後呢，入咗閘，等頭班車。
先返去酒店，去放低啲嘢先。今次，住呢間 Oasia，喺 MRT 嘅 Novena 駅。
由 MRT 出閘，就有地下通道直去到酒店地庫，可以搭電梯返房，好方便。
我地先擺低個篋，問佢幾點可以 check in，佢話 10 點，吓？有冇咁早？
而家重未夠 7 點，我地又去食個肉骨茶，當早餐，由呢度去，搭巴士好快就到。
黃亞細肉骨茶
兩個招牌排骨湯，唔使爭。
食完，喺條街行一陣，就返酒店 check in，有人搞手續，有人周圍影。
呢間酒店幾新派，亦都幾靚。
搭上樓，一出，就見到有個泳池，喺下面平台，幾靚。
間房都唔錯，簡單而舒適。
窗外，天色麻麻，好似隨時都會落雨，我地決定，眠，瞓番兩粒鐘，先再去搵食。
第一餐，就去食蟹。
我地去番 Clark Quay，點解，係泥水？
Jumbo
我地叫咗白胡椒蟹，同蒜蓉蒸開邊蝦。
起肉怪，又出動。
我地諗住唔食咁多嘢，一陣再食 tea。
咁話說叫咗呢兩樣嘢之後，我就行出門口影吓相。返黎，有人話，見到隔籬枱個辣椒蟹 chilli crab 好鬼正，就叫咗個。
再加兩個饅頭，去點啲汁。
隻箝，一樣咁大。（起肉怪去咗邊？）
我地上兩次黎新加坡，都冇試過 chilli crab，因為有人（唔講邊個）怕辣。今次，食得辣嗰個，趁有人行開，就叫黎食。
唓！原來唔係好辣，反而有啲甜。
兩個饅頭原來太少，想追加，又過咗 last order 時間，對住啲汁，心諗，有個一丁撈就超正。
結果，第一餐就食咗兩隻蟹。
食完，就喺 Clark Quay 逛吓。
見到呢個，有人（唔講邊個）就話，條脷重有啲辣 …
Häagen-Dazs
過返烏節路行街 shopping，結果梗係冇食 tea 啦。
夜晚，早早地，去地道嘅熟食中心開餐。
睇其他人嘅 blog，呢度有好鬼大隻嘅蝦，好似好正咁，我地上兩次都有考慮過黎唔黎，今次住得近，離酒店一個駅，就黎食。
Newton Food Centre
但係，見到枱面咁樣寫，就有啲 … 特別感覺。要小心。
我地巡一個圈，搵間啲蝦夠大隻嘅。
如果要形容呢個蝦，一個字：大。
味道呢？肉質呢？新鮮呢？頭先 Jumbo 啲中蝦贏哂。
呢隻大蝦，每隻約 100 蚊港幣，老實講，可以有更好選擇。我地冇再食其他嘢，就極速走咗，尋晚坐凌晨機，今晚早啲瞓。
第二日，去 SEA Aquarium 睇魚。其實我地都有考慮過去環球影城，不過，見到咁多人，算。
SEA Aquarium 都多人，不過人流順住入，都算快。
我地冇理佢點分 zone 同埋邊度有乜睇，總之，跟住行，有乜睇乜，乜都影吓。
一路行，去完一區又一區。
呢度，好多啫喱魚，不過，好難影。
呢隻，炭燒應該唔錯。
跟住呢個，係全館最正嘅，最大嘅池，大到裏面嘅魚群，可以整群有隊形咁游來游去。
由細魚組成嘅魚群，好似個影飄來飄去。
可能因為深水，光線透到落黎就變成藍色。
大條嘅魔鬼魚，喺細魚嘅魚群間穿插。
睇住啲魚群喺身邊游來游去，真係好正，而我地喺呢度逗留得最耐。
跟住，有番啲淺水啲嘅，冇咁藍，可以影多啲魚。
呢堆魚，喺度高速自轉，好似洗衣機咁。
呢條海鰻，好鬼祟。
重有呢啲，都幾特別。
最後，鯊魚館。
係時候開飯，行過去 food court。
Malaysian Food Street
我地幫襯咗呢幾間。
食咗一個煲仔飯，一碟炒麵，同埋幾串沙爹。
見到張智霖，咁好直覺地以為長頭髮嘅係佢老婆，咦？乜啲背肌咁勁嘅？
我地食完飯，諗住再入返去 SEA Aquarium 兜番轉，當散步，但已經勁多人排隊，算數。
咁惟有周圍行吓。
又去咗海灘嗰邊。
玩 Luge？諗都唔好諗，超多人。
又去睇吓人地玩大風吹。
行咗咁上下，就食啲嘢。
鼎泰豐
蟹粉小籠包、脆皮蝦醬雞（唔講真係食唔出）、同埋芝麻包。
不要說台灣，比香港的，也差很多。
過返去 Vivo City 度逛，行吓超市，shopping 吓。
到夜晚，就又去食蟹。
無招牌
自從尋日食咗隻 chilli crab 覺得正，就好惆悵，食白胡椒好，定係 chilli 好？
呢度白胡椒好過 Jumbo 同 Seafood Republic ，但 chilli 未試過，可能重好？
結果，白胡椒蟹，叫 ed。
咁 chilli crab，都要試吓，先知邊度好食啲。
今次叫咗 4 隻饅頭。
比較之下，尋日 Jumbo 嘅 chilli crab 好啲。
另外，都食咗個中蝦。
起肉怪，又出動。
兩日，就食咗 4 隻蟹，好似，有啲變態。
第三日，記得尋日發現酒店隔籬商場有間舊街場，今日去食早餐。
舊街場 咖啡館
黎到舊街場，我飲白咖啡，PM 就繼續飲凍檸茶。
一個花生醬多士，一個咖哩雞拼薄餅。
好 很 辣 ，otherwise 係唔錯嘅。
食完早餐，出去 Marina Bay 嗰邊，先去逛吓 St. Andrew’s Cathedral，影吓相。
可以入去，就入去影吓。
逛一陣，走得。
未夠鐘開飯，漫步去榴槤嗰邊。
入便有 Visual Arts 展品，係紅色嘅貓狗。
夠鐘開飯，行返去 Swissotel，上 70 樓。
JAAN
我地坐番上次嗰張枱，又對住 Marina Bay 同埋 Sands 開餐。
餐前小吃，依然係咁大陣仗，不過同上次有少少唔同。
呢個，有 3 樣嘢。
包括有炸波波，上次都有。
同上次都有嘅超好食嘅扮「寿司」，上面係啫喱，下面係舊魚。
重有個米餅，同一個醬。
唔知乜醬，有啲似味噌。
跟住，又有個咖啡壺壓搾野菇湯。
超正，冇嘢講。
麵包，我要咗呢兩個。
PM 就要咗呢兩個。
牛油同鹽。
Appetizer，我揀咗呢個，卵。
55’ ROSEMARY SMOKED ORGANIC EGG
SMOKED RATTES, AUTUMN MUSHROOMS, CHORIZO IBERICO, BUCKWHEAT
呢隻出哂煙嘅卵，放低喺枱面俾我影張相，然後極速倒落去個兜度。
個兜裏面有啲唔知乜草燒緊，少少煙滲出來，好似令蛋更好味。
PM 就揀三文魚他他。
SCOTTISH SALMON TARTAR
HORSERADISH, PICKLED KOHLRABI, AQUITAINE CAVIAR
簡單，好食，有兩條多士棍。
Main Course，我搶住叫魚。
LINE CAUGHT JOHN DORY
ROMANESCO TEXTURES, COQUILLAGES, CRAYFISH BISQUE
舊魚，當然正。
配菜，都一樣咁正。
PM 就食野味，係鹿肉。
VENISON SADDLE
BLOOD ORANGE, CELERIAC, ‘GRAND VENEUR’
都唔錯，並無任何羶或其他怪味，亦夠冧。
配菜，都正。
Desert，PM 揀朱古力。
CHRISTMAS CHOCONUTS
SABLE BRETON, TEXTURES OF WHITE, MILK AND DARK CHOCOLATE
當然，話就係 PM 揀，但其實大部分都落咗我個肚，儲喺我腰間。
咁我見有栗，就唔揀埋一樣。
CHESTNUT ‘GOURMANDISE’
SPECULOS, MERINGUE, EGLANTINE
老實講，啲字我係唔識解嘅，黎到，先知係乜。都好，有一大劈栗子雪糕。
最後，有嘢飲，因為呢個窗口位都有啲熱，就一齊飲凍檸茶。
一邊飲嘢，一邊欣賞吓 Marina Bay 嘅景色。
咦？榴槤旁邊，海上面，有啲乜？
走喇，去返後面等，望落去，見到今朝逛嘅教堂。
搭 MRT 去 Gardens by the Bay。
回頭望，Sands 喺後面。
望過去 Flyer 嗰邊，個 view 都幾靚。
行埋去啲怪樹嗰邊睇吓。
上面條 Aerial Walkway 有好多人。
上去要俾 $5 坡幣，喺下面影吓算。
繼續行，呢舊嘢，咪以為係舊枯木或爛石。
行埋去，係個大蟻竇。
又有呢隻嘢，記得以前喺日本見過有賣過十萬円一隻嘅（當然靚好多），傻仔。
連貓都有隻，好鬼快，影唔切。
繼續行吓影吓。
算係兜咗個圈，然後走，有條天橋穿過 Sands 去到個 Mall。
行到攰攰地，就搵地方坐吓。
TWG Tea
喺水道上面，底下不時會有艇駛過。
飲杯茶，食件餅。
個糖好靚，但無用武之地。
抖咗陣，就逛吓個 Mall。
當然，都去 LV 行吓。
其實，主要係去佢個俾人坐對住 Marina Bay 嘅露台，有無敵景。
頭先喺 JAAN 見到喺水面嘅，係啲白波。
夜晚，再去食蟹。
Mellben Seafood 龍海鮮螃蟹王
好在有得訂枱，6 點已經咁多人排。
經過上次經驗，今次獨孤一味，砂煲米粉蟹，要隻最大嘅，其他乜都唔叫。
其實唔使等咁耐。
主角，大 蟹 箝 。
有幾大？隻手咁大。
撈埋另一隻，影張合照。
起肉怪，出動。
食咗下面嗰舊，起肉怪已經起埋另一隻，再黎合照。
大蟹箝湯米，究極の食味。
都有好多蟹羔，正。
最後，都係食唔哂啲米粉，不過湯就一滴不剩。
超滿足。
走喇，排隊嘅人，重多過頭先。
第四日，頂！永遠都係臨走先出太陽。
早餐，再去酒店隔籬商場嘅舊街場。
舊街場 咖啡館
繼續飲白咖啡、凍檸茶。
花生醬多士 OK 唔錯，再食。
不過今次唔食咖哩喇，改食咗個西多，都幾正，雖然肥咗少少。
今日冇行程景點，主要係逛吓烏節路 shopping 吓，然後食餐飯，就走。
日本嘅 Sanrio 就行得多，呢度嘅 Hello Kitty … 果然特別啲。
連東急手都有？
今日早啲開餐，去食呢間網上講到好掂嘅餐廳，食西餐。
Les Amis
點知，入到去，連埋我地，一共先得 3 枱人。
麵包，普通。
餐前小吃，係個煙三文魚，唔錯。
前菜，PM 揀咗個有海老嘅，結果，for 影相 purpose 係可以嘅。
我揀咗個鰻魚，煮法 … 好特別，但係特別唔代表好食。
主菜，我叫魚。
總算個魚本身係 OK 嘅，雖然搵啲湯去浸住佢都係有啲怪。
PM 食呢個，都係好睇多過好食。
甜品，我叫咗個 Lemon Tart，上枱，即使用好多想像力，都係冇忽似。
唔知咁算唔算係份子料理，原來將一堆嘢一齊放入口，就會似食緊個檸檬撻。
PM 食呢個，就餅有餅樣。
咖啡、茶，啲糖，靚，但有點兒扮嘢。
小菓子，反而幾好食喎。
其中，呢個 Cannelés 最正。
食完，再過番 ION 嗰邊逛。
臨走，都要 …
好運燒烤
去到機場，去咗個叫 Rainforest 嘅候機室。
睇吓有乜食先。
嘩！海南雞飯，重有杰撻撻嘅黑醬油。
我攞咗勁多雞。
有人（唔講邊個）落咗大量黑汁，同一大劈薑蓉。
橙汁、西柚汁。
走得。再講多次（講住先啦）：應該有排都唔黎啦。
（起碼，Easter 就 plan 咗返鄉下睇櫻花。）
END
沒有留言:
發佈留言