2013年3月29日 Friday ( day 0 )
呢個 trip，好耐之前就 plan 咗，因為有哩數就到期，而上次去京阪又比較短，唔多夠喉，就一早用哩數換定 Easter 嘅機票，再去大阪。
另外，因為國泰周不時都有 $990 或 $1290 機票去東京或大阪，所以，用 30000 哩換張 E Class 好似唔係好抵，就索性用 50000 哩換張 B Class，感覺會抵啲。
以為好早（多過半年前） book，但都已經冇哂早機去嘅機票，結果又要被迫搭凌晨機，而且 28 日晚出發嘅亦已經 full 咗，所以今晚先飛，而長假後星期日嘅機票亦一早 full 哂，所以 4 月 8 日星期一先返。
好少喺機場影相，但其實我地嘅機場係好靚嘅。
今次，可以去國泰嘅候機室，所以，之前 5 點幾去太興食個 tea，然後晚飯都唔使食，就出機場，10 點未夠就到。
咁，話說，我地去國泰嘅 Counter 出登機證同埋做行李寄倉時，嗰位阿哥仔同我地講，話呢班機嘅機票有 over book 情況，如果我地願意讓出我地嘅兩張機票，可以每人獲得 1000 蚊補償，同埋有聽朝最早飛大阪嘅頭等機票。
我地都覺得，1000 蚊實在唔算吸引，但頭等機票就幾吸引，因為一般情況下我地係唔會坐頭等，而抱住人一世物一世嘅心態都想試吓，反正我地本來就唔係好想坐凌晨機。但當我地表示有興趣時，阿哥仔就話，如果我地 OK 嘅話，佢就會安排我地去佢禁區外嘅候機室度 standby，然後喺嗰度等到約一點，睇吓係咪所有買咗呢班機嘅機票嘅人都 show up，如果係，我地就每人有 1000 蚊同埋聽朝嘅早機嘅頭等機票，但如果有人 no show 而結果班機夠位，我地就可以飛。
唔 … 該哂啦，拜拜！
之後諗番，相信係我地太早到（未夠 10 點），所以佢出手先咁低，越近起飛時間越多人到佢應該會俾越好嘅 offer，不過，唔能夠即時 confirm，返屋企瞓覺，而要 standby 到 1 點，就始終都係 deal breaker。
有別於之前 upgrade 去 B Class，今次係自己買嘅，就有兩張 Invitation 去佢嘅候機室。
我地先去 The Pier 玉衡堂，都幾遠。
入到去，有個好長嘅 bar，同有個廚房仔。
但係，啲位就唔算舒服。
二話不說，開餐。
我食雲吞麵，雲吞都唔錯，當然，個湯預咗係淡啲。
PM 要咗個味噌牛肉拉麵，奇奇怪怪咁，果然，都係淡。
然後，我追加咗個淨雲吞。
PM 再接再厲，要咗個担担麵，依然係，淡。
有別於 The Traveler’s Lounge，呢度可以無料飲酒，就攞番杯 Champagne。
見識過呢個玉衡堂，當然都要返去 The Traveler’s Lounge 度食魚蛋粉（走粉），頭先啲麵細細碗，唔會影響到我地嘅食力。
先黎，一人一碗，淨。依然係，正。
有人（唔講邊個）又手多，見啲雞幾靚，就攞咗兩舊。
到差唔多 12 點，就去走多轉，果然廚房已收檔，擺咗最後幾碗已做好嘅魚蛋粉喺度俾人攞，其中，重有一碗係淨，極速攞 ed。
呢碗兩份食，然後，去埋隔籬冇遠嘅國泰候機室睇吓。
呢度啲位幾特別，尤其下面嗰啲，好舒服。
呢度冇乜嘢食，攞咗啲燒賣試吓。
呢度坐得舒服，喺度坐到夠鐘出發。
上機，今次，又係冇瞓覺位。
先飲杯嘢，然後，好快，又開餐。
重幾飽，食少少算。
個魚，麻麻地，但有好多蒜子，就好正，揀哂黎食。
然後，其他咖啡、茶、甜品、生果、雪糕、朱古力等，全免，爭取時間，即瞓。
Continue …
呢個 trip，好耐之前就 plan 咗，因為有哩數就到期，而上次去京阪又比較短，唔多夠喉，就一早用哩數換定 Easter 嘅機票，再去大阪。
另外，因為國泰周不時都有 $990 或 $1290 機票去東京或大阪，所以，用 30000 哩換張 E Class 好似唔係好抵，就索性用 50000 哩換張 B Class，感覺會抵啲。
以為好早（多過半年前） book，但都已經冇哂早機去嘅機票，結果又要被迫搭凌晨機，而且 28 日晚出發嘅亦已經 full 咗，所以今晚先飛，而長假後星期日嘅機票亦一早 full 哂，所以 4 月 8 日星期一先返。
好少喺機場影相，但其實我地嘅機場係好靚嘅。
今次，可以去國泰嘅候機室，所以，之前 5 點幾去太興食個 tea，然後晚飯都唔使食，就出機場，10 點未夠就到。
咁，話說，我地去國泰嘅 Counter 出登機證同埋做行李寄倉時，嗰位阿哥仔同我地講，話呢班機嘅機票有 over book 情況，如果我地願意讓出我地嘅兩張機票，可以每人獲得 1000 蚊補償，同埋有聽朝最早飛大阪嘅頭等機票。
我地都覺得，1000 蚊實在唔算吸引，但頭等機票就幾吸引，因為一般情況下我地係唔會坐頭等，而抱住人一世物一世嘅心態都想試吓，反正我地本來就唔係好想坐凌晨機。但當我地表示有興趣時，阿哥仔就話，如果我地 OK 嘅話，佢就會安排我地去佢禁區外嘅候機室度 standby，然後喺嗰度等到約一點，睇吓係咪所有買咗呢班機嘅機票嘅人都 show up，如果係，我地就每人有 1000 蚊同埋聽朝嘅早機嘅頭等機票，但如果有人 no show 而結果班機夠位，我地就可以飛。
唔 … 該哂啦，拜拜！
之後諗番，相信係我地太早到（未夠 10 點），所以佢出手先咁低，越近起飛時間越多人到佢應該會俾越好嘅 offer，不過，唔能夠即時 confirm，返屋企瞓覺，而要 standby 到 1 點，就始終都係 deal breaker。
有別於之前 upgrade 去 B Class，今次係自己買嘅，就有兩張 Invitation 去佢嘅候機室。
我地先去 The Pier 玉衡堂，都幾遠。
入到去，有個好長嘅 bar，同有個廚房仔。
但係，啲位就唔算舒服。
二話不說，開餐。
我食雲吞麵，雲吞都唔錯，當然，個湯預咗係淡啲。
PM 要咗個味噌牛肉拉麵，奇奇怪怪咁，果然，都係淡。
然後，我追加咗個淨雲吞。
PM 再接再厲，要咗個担担麵，依然係，淡。
有別於 The Traveler’s Lounge，呢度可以無料飲酒，就攞番杯 Champagne。
見識過呢個玉衡堂，當然都要返去 The Traveler’s Lounge 度食魚蛋粉（走粉），頭先啲麵細細碗，唔會影響到我地嘅食力。
先黎，一人一碗，淨。依然係，正。
有人（唔講邊個）又手多，見啲雞幾靚，就攞咗兩舊。
到差唔多 12 點，就去走多轉，果然廚房已收檔，擺咗最後幾碗已做好嘅魚蛋粉喺度俾人攞，其中，重有一碗係淨，極速攞 ed。
呢碗兩份食，然後，去埋隔籬冇遠嘅國泰候機室睇吓。
呢度啲位幾特別，尤其下面嗰啲，好舒服。
呢度冇乜嘢食，攞咗啲燒賣試吓。
呢度坐得舒服，喺度坐到夠鐘出發。
上機，今次，又係冇瞓覺位。
先飲杯嘢，然後，好快，又開餐。
重幾飽，食少少算。
個魚，麻麻地，但有好多蒜子，就好正，揀哂黎食。
然後，其他咖啡、茶、甜品、生果、雪糕、朱古力等，全免，爭取時間，即瞓。
Continue …
沒有留言:
發佈留言