2012年3月31日 Saturday ( day 3 )
起身，先食少少嘢，係喺札幌大丸嘅 Le TAO 度買嘅，一隻手，同一個蛋糕仔。
咁當然都有用佢個自助咖啡機沖番杯黎飲吓，佢一共有兩包咖啡粉，無料提供，唔飲就笨。
食少少嘢，跟住，就去浸溫泉。呢個時候，男女湯已經對掉， PM 上去八階，我就去一階。
浸完溫泉，再去食早餐。
餐廳有湖景，係一片白茫茫。
早餐係自助，好 standard 嘅日式和食，不過都有啲少見嘅嘢，例如蕃茄煮蛋，又有啲地道嘅， e.g. 波波豆腐。
以下所示，全部都係我食嘅。
哈！呢碟嘢，有麵包、炒蛋、粟米、雜菌、西蘭花，我都好鬼健康。
又有呢兜蕃茄煮蛋，幾有童年回憶 feel ，因為細個嗰時屋企成日煮。
又有煎蛋，我揀兩面煎。
當然唔少得，飲佢大量橙汁，浸完溫泉就啱哂喇。再加新鮮蕃茄，正。
食食吓， PM 拎咗個波波返黎，放喺隻碟上面，彈彈吓。
又有一張說朋書，上面有枝牙籤。
咁我又唔識睇日文，見有枝牙籤，就用黎篤吓個波。結果 …
咁我決定自己去睇吓。
原來有個專為個波波豆腐而設嘅兜。嗰啲人又唔攞個兜返黎，搧 ed 。
將個波波放落隻兜度，再用牙籤去篤，加醬汁，即成。
有溫泉蛋，食。
又有半熟蛋，都有少少溏心。
我食咗好多蛋，日文就係卵，包括炒蛋、蕃茄煮蛋、煎蛋、溫泉蛋、半熟蛋，所以，好鬼多卵。如果要俾我一個稱呼，英文就 Mr. Egg ，中文，係蛋先生，日文，就係「卵樣」。
食完早餐，出去行吓。重係好大雪，原本諗住去行佢湖邊嘅 Nature Path ，都係去唔到，結果，兩個人一把遮，好瑟縮咁行去個湖嗰度睇吓。
真係好大雪。
呢度，係觀光船嘅碼頭。
行過啲，同個湖景影番張靚相先。
回頭望，我地間酒店。
都有啲湖上活動，有雪上電單車，同鑽個洞釣魚。
行番上馬路，但呢條冰樓梯，好似好濕滑，我地決定兜路。重後生嗰時，一定有理冇理衝上去算。
上到馬路，有間遊客中心。
沿番條街行返去酒店嗰邊，尋晚都見過佢。
行上少少山坡，去個叫愛努部落嘅地方，原來主要都係條商店街。
呢間木工房，啲木雕好靚，但都好貴。
再向上行，有呢啲。
差唔多又係開餐時候喇，天寒地凍行來行去，好鬼易肚餓。落山，返酒店。
PM 一個人在雪中。
因為好大雪，是但喺酒店裏面搵間餐廳算喇。
入面，都幾靚。
PM 又叫牛。
我就食天婦羅。
個餐又有沙律。
食完 ed 。
因為 check out 嗰時，俾咗兩張 coupon 我地，但餐廳又唔用得，就去番嗰條商店街行吓。
原來喺 1 階商店街行到尾，可以出去，之後 check 番，係個叫做「中庭」嘅地方。
有條橋，行出去湖岸邊。
有個石碑，叫做「野口雨情歌碑」。
好大雪，佢又叫人唔好行咁出，所以，係咁咦影張相就算。
如果唔係咁大雪，都諗住由鶴雅 遊久の里徒步行過去鶴雅別莊 鄙の座，街頭行去街尾，今朝行到去嗰間遊客中心，都幾乎行到喇。
但實在太大雪，所以，就問吓酒店啲人，有冇車過去，咁酒店啲人就車咗我地過去，重幫我地拎埋行李。
好鬼大雪，到達。
![]()
一入去，就見到有呢張櫈，之後喺房度有本案內，都有介紹佢。
入到酒店，首先要除鞋，然後全酒店內都係唔着鞋嘅，要外出，先着番對鞋，或者着佢提供嘅拖鞋。
跟住，喺呢度坐低，對住雪景，辦理 check in 手續。
對面兩張木櫈好鬼勁，但未必夠我地呢便嘅舒服。
我地坐喺度等嘅期間，哈！又有嘢食。
係一杯柚子蜜，同埋一兜布丁，正。
呢個算係大堂嘅地方，都幾靚。
搞掂 check in ，就喺呢度揀浴袍。
跟住，上去我地間房。
出，走廊，都係木造，幾幽雅。
開門，入去我地間房，真係，幾鬼眼前一亮。
右邊，係榻榻米，中間有個茶几。
茶几上面，又有嘢食。（其中，牙籤係唔食得嘅。）
個角落位，都好靚。
左邊，有枱有櫈，有按摩椅，同洗面盆等等。
呢個係梳洗位，隔籬門口出去，就係花洒位，再出去，就係房內嘅風呂。
呢度都有尋晚嗰架咖啡機，重有 4 包咖啡粉，正。
有兩個雪櫃，呢啲，全部無料，任飲。
又有兩杯雪糕，都係無料。
但另一個雪櫃呢啲含酒精飲品，就有料。
去睇吓個房內風呂，先有呢個花洒位。
再行出去，個風呂都幾夠大，唔錯。
風呂隔籬，係個露台，又有兩張櫈。
湖景房好貴，又有再大啲嘅房內風呂，我地嘅就對住內街山景，向下望，又有間 Lawson ，一陣去行吓。
好喇， settle down 之後，我地決定先去佢個浴場度浸，襯而家 3 點零，應該冇乜人。
酒店內唔着鞋，就着佢提供嘅忍者襪。
又有個袋仔，方便我地拎少少嘢去浸溫泉。呢個袋仔係可以帶走作紀念，我地亦當然唔客氣。
果然，男湯由我一個人包場。咁冇其他人，就影番張相先。
PM 話女湯嗰邊都有幾個人，主要係做岩盤浴，舖塊毛巾瞓喺塊熱石上面，煎到自己出哂汗，唔知乜鬼新陳代謝同埋活發美肌云云。
咁我夜啲先再去試。
呢度嘅溫泉浴場，有無料鮮奶提供，由客人自由享用。有人就攞咗樽返落房，坐低慢慢嘆。
話說，原本諗住去行條喺湖邊嘅 Nature Path ，因為大雪冇去到，所以時間好鬆動，咁亦都好，可以有多啲時間去享受吓酒店裏面嘅設施。
咁我地先落番下面大堂度行吓。
除咗頭先等 check in 嗰個好大嘅 area ，傍邊，又有間房，放咗套 hi-fi 。
祇要對 hi-fi 有少少認識，都知呢個牌子，係好嘢。
號角式揚聲器。
可惜，冇播緊嘢。
另一邊，重有個鋼琴。
對出，就係張好長嘅 bar 枱。
跟住，出去行吓，去 Lawson 買雪糕。
出咗酒店，行幾步，又發現有間咁嘢。
開門入去，係冇人嘅，但又似乎係俾人自由出入參觀嘅。
去完 Lawson 返黎，個人凍冰冰，就去浸吓佢個足湯。其實就喺我地等 check in 嗰度對住。
推過兩道玻璃門，又由溫暖出番去冰冷。
哈！呢度又有熱嘅罐裝茶同咖啡，無料供應，咁我就飲番罐咖啡， PM 就飲茶。
飲住熱嘢浸凍腳。
頭先買咗嘅雪糕，唔使怕，擺去旁邊就已經凍過雪櫃喇。
足湯隔籬，又有個阿寒百年水，行埋去就有聲同着燈，條龍個口就有水出，有紙杯俾人裝黎飲，咁我都飲咗杯。
好喇，返房，又沖杯咖啡，食雪糕。頭先買咗個 Haagen Dazs 嘅軟皮雪糕批，唔多夠喉，再追加房內無料提供嘅南瓜雪糕。
呢度又好似之前住過嘅星のや咁，有啲輕音樂，俾人去洗滌心靈。咁我就播寫住個 Lake 字嗰隻。
喺我用緊雪糕同音樂去洗滌心靈嘅時候，有人已經走咗去浸個房內風呂。
咁我都唔執輸喇。
根據之前影嘅相，啲水有 43 度，夠哂熱。
既然啲水咁熱，呢度又係自己間房，不如咁喇。
正呀！
浸到出哂汗，就出黎過吓冷河，然後，好鬼凍，又浸過。
浸完，出咗好多汗，哈！又有呢個去補充番。
搞搞吓，又到開餐時間。
有人，嘗試跟住呢張嘢去着嗰件浴衣。
但唔成功，於是，求其打個結綁實，就去食飯。
佢個案內都有介紹呢度嘅食事處，叫做料理茶屋，又有提到佢好似係個藏鹽嘅地方。
果然，入口處有好多鹽，一袋袋叠起。
哈！今餐，有個室。
枱面已經放咗個好正嘅窩物，係 kinki 魚。
啲鐵器都係「 dup 」出黎嘅，好靚。
先放番個蓋落去個窩度，由得佢煲吓先。
斟番杯茶先，又可以欣賞吓佢啲好靚嘅茶壺同茶杯。
慢慢嘆，先飲餐前酒， PM 又唔飲，俾埋我。
先 KO 呢啲前菜。
雖然係前菜，一啲都唔馬虎。
呢個，係春野菜，有味噌同酢。
左邊，係一隻青酒煮蜆，右邊，有條公魚一夜干。
隻蜆都幾大隻，條菜又幾特別。
嗰條公魚一夜干下面，有兩塊肉，睇番 menu ，係蝦夷鹿肉。另外，又有兩粒豆，豆重大過魚。
當然，有造里，即係刺生。
有本鮪，牡丹海老，同埋有白身魚，睇 menu ，寫住唔識睇嘅日文，同英文 hucho perryi ，上網 check ，就係之前喺鶴雅 遊久の里見到嗰條「魚鬼」，係淡水魚，原產於釧路濕原，喺阿寒湖養殖，係呢度嘅名物。
燒魚，可以揀 king salmon 或者 oilfish ，我地一人揀一樣。
點解三文魚燒到咁鬼黃？真係咁，並唔係燈光或白平衡問題，不過都幾好食。
個油魚，真係好油，但因為咁，好鬼滑。
燒魚之後，有煮物，可以揀 stewed abalone 或者 simmered rockfish ，我地諗咗一陣，然後一齊都揀鮑魚。
頂！唔係成隻，係得一舊仔。
差唔多，係時候食窩物，喜之次，湯甜魚滑，正到冇嘢講。
然後，係強肴，即係主菜，唔使揀，和牛。
佢碟上有呢啲，就搽落去，一齊食。正！
最後，斧飯，係蟹肉御飯。
食飯，當然又有漬物同味噌汁。漬物，有個好靚嘅盒裝住。
哈！重有咖啡，同甜品。
又估佢唔到，個甜品，幾西式。
好鬼正嘅一餐。
食完，返房，已經幫我地喺榻榻米上面舖好床被。
攤抖吓，就去浴場，主要係試吓個岩盤浴。到咗呢個時候，男女湯已經對掉。
哈！男湯，我又包場。
講真，就算我唔怕黑，都覺得呢度幾陰森。
岩盤浴，喺間黑房入面，更加陰森。相機係傻瓜，自動調節咗暴光，睇落先好似唔係好黑咁，其實係好黑嘅。地上一格格，舖塊大毛巾瞓落去。
其實唔係好熱，舖咗塊大毛巾，有排都未熱到出汗。
Continue …
咁當然都有用佢個自助咖啡機沖番杯黎飲吓，佢一共有兩包咖啡粉，無料提供，唔飲就笨。
食少少嘢，跟住，就去浸溫泉。呢個時候，男女湯已經對掉， PM 上去八階，我就去一階。
浸完溫泉，再去食早餐。
餐廳有湖景，係一片白茫茫。
早餐係自助，好 standard 嘅日式和食，不過都有啲少見嘅嘢，例如蕃茄煮蛋，又有啲地道嘅， e.g. 波波豆腐。
以下所示，全部都係我食嘅。
哈！呢碟嘢，有麵包、炒蛋、粟米、雜菌、西蘭花，我都好鬼健康。
又有呢兜蕃茄煮蛋，幾有童年回憶 feel ，因為細個嗰時屋企成日煮。
又有煎蛋，我揀兩面煎。
當然唔少得，飲佢大量橙汁，浸完溫泉就啱哂喇。再加新鮮蕃茄，正。
食食吓， PM 拎咗個波波返黎，放喺隻碟上面，彈彈吓。
又有一張說朋書，上面有枝牙籤。
咁我又唔識睇日文，見有枝牙籤，就用黎篤吓個波。結果 …
咁我決定自己去睇吓。
原來有個專為個波波豆腐而設嘅兜。嗰啲人又唔攞個兜返黎，搧 ed 。
將個波波放落隻兜度，再用牙籤去篤，加醬汁，即成。
有溫泉蛋，食。
又有半熟蛋，都有少少溏心。
我食咗好多蛋，日文就係卵，包括炒蛋、蕃茄煮蛋、煎蛋、溫泉蛋、半熟蛋，所以，好鬼多卵。如果要俾我一個稱呼，英文就 Mr. Egg ，中文，係蛋先生，日文，就係「卵樣」。
食完早餐，出去行吓。重係好大雪，原本諗住去行佢湖邊嘅 Nature Path ，都係去唔到，結果，兩個人一把遮，好瑟縮咁行去個湖嗰度睇吓。
真係好大雪。
呢度，係觀光船嘅碼頭。
行過啲，同個湖景影番張靚相先。
回頭望，我地間酒店。
都有啲湖上活動，有雪上電單車，同鑽個洞釣魚。
行番上馬路，但呢條冰樓梯，好似好濕滑，我地決定兜路。重後生嗰時，一定有理冇理衝上去算。
上到馬路，有間遊客中心。
沿番條街行返去酒店嗰邊，尋晚都見過佢。
行上少少山坡，去個叫愛努部落嘅地方，原來主要都係條商店街。
呢間木工房，啲木雕好靚，但都好貴。
再向上行，有呢啲。
差唔多又係開餐時候喇，天寒地凍行來行去，好鬼易肚餓。落山，返酒店。
PM 一個人在雪中。
因為好大雪，是但喺酒店裏面搵間餐廳算喇。
入面，都幾靚。
PM 又叫牛。
我就食天婦羅。
個餐又有沙律。
食完 ed 。
因為 check out 嗰時，俾咗兩張 coupon 我地，但餐廳又唔用得，就去番嗰條商店街行吓。
原來喺 1 階商店街行到尾，可以出去，之後 check 番，係個叫做「中庭」嘅地方。
有條橋，行出去湖岸邊。
有個石碑，叫做「野口雨情歌碑」。
好大雪，佢又叫人唔好行咁出，所以，係咁咦影張相就算。
如果唔係咁大雪，都諗住由鶴雅 遊久の里徒步行過去鶴雅別莊 鄙の座，街頭行去街尾，今朝行到去嗰間遊客中心，都幾乎行到喇。
但實在太大雪，所以，就問吓酒店啲人，有冇車過去，咁酒店啲人就車咗我地過去，重幫我地拎埋行李。
好鬼大雪，到達。
一入去，就見到有呢張櫈，之後喺房度有本案內，都有介紹佢。
入到酒店，首先要除鞋，然後全酒店內都係唔着鞋嘅，要外出，先着番對鞋，或者着佢提供嘅拖鞋。
跟住，喺呢度坐低，對住雪景，辦理 check in 手續。
對面兩張木櫈好鬼勁，但未必夠我地呢便嘅舒服。
我地坐喺度等嘅期間，哈！又有嘢食。
係一杯柚子蜜，同埋一兜布丁，正。
呢個算係大堂嘅地方，都幾靚。
搞掂 check in ，就喺呢度揀浴袍。
跟住，上去我地間房。
出，走廊，都係木造，幾幽雅。
開門，入去我地間房，真係，幾鬼眼前一亮。
右邊，係榻榻米，中間有個茶几。
茶几上面，又有嘢食。（其中，牙籤係唔食得嘅。）
個角落位，都好靚。
左邊，有枱有櫈，有按摩椅，同洗面盆等等。
呢個係梳洗位，隔籬門口出去，就係花洒位，再出去，就係房內嘅風呂。
呢度都有尋晚嗰架咖啡機，重有 4 包咖啡粉，正。
有兩個雪櫃，呢啲，全部無料，任飲。
又有兩杯雪糕，都係無料。
但另一個雪櫃呢啲含酒精飲品，就有料。
去睇吓個房內風呂，先有呢個花洒位。
再行出去，個風呂都幾夠大，唔錯。
風呂隔籬，係個露台，又有兩張櫈。
湖景房好貴，又有再大啲嘅房內風呂，我地嘅就對住內街山景，向下望，又有間 Lawson ，一陣去行吓。
好喇， settle down 之後，我地決定先去佢個浴場度浸，襯而家 3 點零，應該冇乜人。
酒店內唔着鞋，就着佢提供嘅忍者襪。
又有個袋仔，方便我地拎少少嘢去浸溫泉。呢個袋仔係可以帶走作紀念，我地亦當然唔客氣。
果然，男湯由我一個人包場。咁冇其他人，就影番張相先。
PM 話女湯嗰邊都有幾個人，主要係做岩盤浴，舖塊毛巾瞓喺塊熱石上面，煎到自己出哂汗，唔知乜鬼新陳代謝同埋活發美肌云云。
咁我夜啲先再去試。
呢度嘅溫泉浴場，有無料鮮奶提供，由客人自由享用。有人就攞咗樽返落房，坐低慢慢嘆。
話說，原本諗住去行條喺湖邊嘅 Nature Path ，因為大雪冇去到，所以時間好鬆動，咁亦都好，可以有多啲時間去享受吓酒店裏面嘅設施。
咁我地先落番下面大堂度行吓。
除咗頭先等 check in 嗰個好大嘅 area ，傍邊，又有間房，放咗套 hi-fi 。
祇要對 hi-fi 有少少認識，都知呢個牌子，係好嘢。
號角式揚聲器。
可惜，冇播緊嘢。
另一邊，重有個鋼琴。
對出，就係張好長嘅 bar 枱。
跟住，出去行吓，去 Lawson 買雪糕。
出咗酒店，行幾步，又發現有間咁嘢。
開門入去，係冇人嘅，但又似乎係俾人自由出入參觀嘅。
去完 Lawson 返黎，個人凍冰冰，就去浸吓佢個足湯。其實就喺我地等 check in 嗰度對住。
推過兩道玻璃門，又由溫暖出番去冰冷。
哈！呢度又有熱嘅罐裝茶同咖啡，無料供應，咁我就飲番罐咖啡， PM 就飲茶。
飲住熱嘢浸凍腳。
頭先買咗嘅雪糕，唔使怕，擺去旁邊就已經凍過雪櫃喇。
足湯隔籬，又有個阿寒百年水，行埋去就有聲同着燈，條龍個口就有水出，有紙杯俾人裝黎飲，咁我都飲咗杯。
好喇，返房，又沖杯咖啡，食雪糕。頭先買咗個 Haagen Dazs 嘅軟皮雪糕批，唔多夠喉，再追加房內無料提供嘅南瓜雪糕。
呢度又好似之前住過嘅星のや咁，有啲輕音樂，俾人去洗滌心靈。咁我就播寫住個 Lake 字嗰隻。
喺我用緊雪糕同音樂去洗滌心靈嘅時候，有人已經走咗去浸個房內風呂。
咁我都唔執輸喇。
根據之前影嘅相，啲水有 43 度，夠哂熱。
既然啲水咁熱，呢度又係自己間房，不如咁喇。
正呀！
浸到出哂汗，就出黎過吓冷河，然後，好鬼凍，又浸過。
浸完，出咗好多汗，哈！又有呢個去補充番。
搞搞吓，又到開餐時間。
有人，嘗試跟住呢張嘢去着嗰件浴衣。
但唔成功，於是，求其打個結綁實，就去食飯。
佢個案內都有介紹呢度嘅食事處，叫做料理茶屋，又有提到佢好似係個藏鹽嘅地方。
果然，入口處有好多鹽，一袋袋叠起。
哈！今餐，有個室。
枱面已經放咗個好正嘅窩物，係 kinki 魚。
啲鐵器都係「 dup 」出黎嘅，好靚。
先放番個蓋落去個窩度，由得佢煲吓先。
斟番杯茶先，又可以欣賞吓佢啲好靚嘅茶壺同茶杯。
慢慢嘆，先飲餐前酒， PM 又唔飲，俾埋我。
先 KO 呢啲前菜。
雖然係前菜，一啲都唔馬虎。
呢個，係春野菜，有味噌同酢。
左邊，係一隻青酒煮蜆，右邊，有條公魚一夜干。
隻蜆都幾大隻，條菜又幾特別。
嗰條公魚一夜干下面，有兩塊肉，睇番 menu ，係蝦夷鹿肉。另外，又有兩粒豆，豆重大過魚。
當然，有造里，即係刺生。
有本鮪，牡丹海老，同埋有白身魚，睇 menu ，寫住唔識睇嘅日文，同英文 hucho perryi ，上網 check ，就係之前喺鶴雅 遊久の里見到嗰條「魚鬼」，係淡水魚，原產於釧路濕原，喺阿寒湖養殖，係呢度嘅名物。
燒魚，可以揀 king salmon 或者 oilfish ，我地一人揀一樣。
點解三文魚燒到咁鬼黃？真係咁，並唔係燈光或白平衡問題，不過都幾好食。
個油魚，真係好油，但因為咁，好鬼滑。
燒魚之後，有煮物，可以揀 stewed abalone 或者 simmered rockfish ，我地諗咗一陣，然後一齊都揀鮑魚。
頂！唔係成隻，係得一舊仔。
差唔多，係時候食窩物，喜之次，湯甜魚滑，正到冇嘢講。
然後，係強肴，即係主菜，唔使揀，和牛。
佢碟上有呢啲，就搽落去，一齊食。正！
最後，斧飯，係蟹肉御飯。
食飯，當然又有漬物同味噌汁。漬物，有個好靚嘅盒裝住。
哈！重有咖啡，同甜品。
又估佢唔到，個甜品，幾西式。
好鬼正嘅一餐。
食完，返房，已經幫我地喺榻榻米上面舖好床被。
攤抖吓，就去浴場，主要係試吓個岩盤浴。到咗呢個時候，男女湯已經對掉。
哈！男湯，我又包場。
講真，就算我唔怕黑，都覺得呢度幾陰森。
岩盤浴，喺間黑房入面，更加陰森。相機係傻瓜，自動調節咗暴光，睇落先好似唔係好黑咁，其實係好黑嘅。地上一格格，舖塊大毛巾瞓落去。
其實唔係好熱，舖咗塊大毛巾，有排都未熱到出汗。
Continue …
沒有留言:
發佈留言