2012年4月1日 Sunday ( day 4 )
一早起身，房內有風呂，唔浸就笨。
又去番尋晚間餐廳，尋晚間個室，食早餐。
先見到呢個，比較搶眼嘅，燒帆立貝。
跟住，逐啲逐啲拎入黎。
沙律、前菜、漬物。
納豆、大粒春。
燒鱈魚、卵。
有飯、味噌汁，內有好多蜆。
呢個少見啲，大塊紫菜，好鬼脆。
因乜事用咁大個木箱去裝塊紫菜？原來內有乾坤，箱內有備長炭，用黎保持住塊紫菜乾爽，唔怪得擺咗咁耐都重咁脆。
反正唔太肚餓（唔好問點解），就等燒好隻帆立貝先，然後，影番張靚相，再慢慢食。下面，就係我一個人嘅嘢。
最後，又有咖啡、茶，同生果。
食完早餐，返房攤抖吓，執吓嘢。
因為呢度太多無料嘢飲，溫泉有樽裝鮮奶，足湯有罐裝咖啡、茶，房入面又有可樂、 Pocari 、 Aquarius 、樽裝茶，根本都飲唔哂，所以， 4 包咖啡，祇飲咗 1 包。
搞掂 check out ，喺番樓下 lobby 度等車。
又周圍乜都影吓。
我地未返札幌住，重有行程，所以，搭佢嘅無料接駁巴士，去帶廣。
途中，喺個叫「十勝岡女堂前」嘅地方停咗一陣，有間賣豆嘅專門店，叫「豆男爵の館」，入去行咗一陣。
咁都知十勝嘅名物係小倉，行開超市都見慣，大大隻字寫住十勝小倉嘅紅豆，就會貴過其他嘅一截。
我地雖然唔知買黎做乜，都買咗一包。
今日幾好天。
但唔好被晴天同陽光欺騙到，其實，超凍。
繼續行，車外景色都唔錯。
忽然，見到平原遠處，有一個落差，高達十數呎，形成一幅牆，延綿好多公哩。睇怕係好多年前某次地震整出黎嘅。
好快，就到咗帶廣駅。
已經 12 點幾，又到開餐時間。
本來諗住去古季庵，貪佢比較有特色，又多啲嘢食，但之前出 e-mail 問佢食晏開到幾多點時，佢就答話星期日唔開，好在，唔使白行。
咁我地就去咗原祖豚丼，食豚丼。
先食兩片蘿蔔。
主角出場，炭燒豚丼，我同 PM 都係食埋一樣嘅，唔使揀。
![]()
之前 plan 喺帶廣食乜嘅時候，見呢間都好出名，但食落，又唔算係特別好，有啲一般，豚肉有少少乾同略硬，喺輕井沢嘅花畑牧場 豚亭好食過佢。
咁我開始食，頭嗰兩塊都成塊食哂，跟住，發覺唔係好對路，就開始唔食個肥邊，結果 … ，呢啲，就係我冇食到嘅炭燒肥豚，唔使客氣喇。雖然，當地人可能會覺得我地暴殄天物。
食完，喺番帶廣駅周邊行吓。
咁，去緊旅行，又加上天寒地凍，冇埋由唔去 tea 吓嘅。
帶廣嘅另一名物，係六花亭嘅本店，由帶廣駅沿大街直行幾個街口就到。
佢門口有條花呢碌嘅柱，好鬼藝術。
地下係和菓子店，好多人，上一層就有間 Cafe ，就咁叫做喫茶室，細細隻字，好鬼祟。
PM 叫 waffle ，我就是但叫咗件蛋糕，都幾好食。
由樓上望番嗰條柱。
食完，緩慢行返去個駅，再由酒店嘅接駁巴士載我地返酒店，今晚，住三余庵。
其實帶廣並唔係我地嘅行程 plan 咗會停留同遊覽嘅地方，而祇係一個轉車嘅位置，所以，我地祇係喺轉車之間嘅時間，食晏，行吓個駅，同食吓 tea ，跟住，就搭酒店嘅接駁巴士，返酒店。
由帶廣駅，唔使半個鐘就到。
三余庵係十勝第一溫泉酒店嘅別館，情況有啲似之前住嘅〈鶴雅 遊久の里〉同〈鶴雅別莊 鄙の座〉咁。
但係三余庵就喺十勝第一溫泉酒店隔籬，有條有蓋走廊相連，三余庵嘅住客，可以行過去十勝第一嗰度享用佢嘅大浴場。
話說，三余庵係講究五感體驗嘅高級溫泉酒店，但我冇去顏究佢係邊五感，不過都知佢好標磅啲嘢有幾好食，咁我地就順路去試吓。
同鄙の座一樣，入去，首先要除鞋，然後，喺後面度坐底食啲嘢先做 check in 。
有呢啲嘢食。
枱面，又有朵花做擺設。
對住個重有部分積雪嘅草原仔，右邊就係十勝第一。
咁間酒店，其實係喺個平原上面。
搞掂 check in ，就喺度揀件浴衣。
跟住，帶我地返房。我地住嘅房，叫〈雪國〉，係冇咁貴嘅細房。
間房嘅 layout 係咁。
一邊有 sofa 同電視。
隔籬就係洋式大床。
對住電視嘅另一邊，有張細書枱。
去望吓個房內風呂，都 OK ，坐得落兩個人有餘。
洗面盆等設備，提供嘅洗頭水梘液等，都幾靚咁。
枱面有兩塊餅，又有沏茶嘅器具。
攤抖一陣，就去浸溫泉。
再行過出面條走廊，有個好似係做香熏嘅地方，但冇乜興趣。
我地先浸三余庵本身嘅溫泉，夜啲，先再行過去十勝第一嗰邊浸。
哈！我地，又包場。咁就又可以影吓相喇。
佢兩邊，分別係男湯同女湯，定時對掉，一邊係檜木，一邊係階磚仔。
檜木，係方形。
又有室外露天風呂。
另一邊，階磚仔，就係圓形，都係有室內同露天。
浸完溫泉，就出街行吓。
天色漸沈，但未黑，是為暮。
暮靄蒼茫中，依然係，有人掛住影相，有人自己行咗去。
但係，成條街，除咗我同 PM ，係冇其他人嘅。
行行吓，對面有間好大嘅酒店，但係，成間酒店，都係冇着燈嘅。
咁我影相嘅時候，有人就細細聲咁話，唔知返到香港再睇番，會唔會影到有燈光兼有人呢？
係冇嘅。咁我上網 check 吓，原來係咁。
咁當時都真係覺得有啲恐怖。
結果，我地行咗唔夠三個字，就回頭返酒店。
有人又細細聲咁話，你估你聽朝起身，會唔會係瞓喺荒野泥沼上面呢？咁我就話，今晚啲嘢你唔好食，分分鐘和牛係蚯蚓。
返酒店，已經開始天黑。
又經過之前 check in 嘅 lobby ，見有張搖椅，對住個冇火嘅爐， PM 就埋去坐。
跟住，有人黎加柴點火，有啲煙，我地就走喇。
重未夠鐘食飯，我地就去十勝第一嗰邊浸吓。
喺連接兩館嘅長廊中間，就見到三余庵嘅夜晚嘅樣。
十勝第一嗰邊嘅浴場就大好多，亦都有好多人，黎到十勝，到而家，先覺得有番啲人氣。
浸完，行吓，佢正門可以見到十勝川，上面，有條橋，叫做十勝川上面條橋。
總結，呢度嘅溫泉，啲水係咖啡色嘅，又有好多懸浮物，有啲污糟嘅感覺，佢好似話係由植物喺地底泥土入面腐化，再混入咗去地下嘅溫泉水而成。
好喇，係時候，返去開餐。我地今晚開餐嘅地方，叫做春秋。
話說，三余庵係講究五感體驗嘅高級溫泉酒店，而且，其中一感，係好標磅佢啲嘢有幾好食，而佢啲嘢，又大致上會跟住季節而轉變。我地見佢有個「美味少量７品懐石プラン」，但祇做到 3 月底，之後，季節嘢，春季係以野菜為主。我地都知道野菜喺日本係高檔嘢，但我地比較低俗，想要肉多過要菜，就出 e-mail 問佢，佢就答話，都做俾我地啦。
咁佢個「美味少量７品懐石プラン」，其中嘅強肴（主菜），係要二選一，分別係十勝產黑毛和牛，同炭燒蟹脚，我地諗住一人揀一樣，但又驚會每人得番好少牛，咁就又問佢，可唔可以追加和牛，係 … 得嘅，咁我地就預先經 e-mail 通知佢，我地再加一個和牛。
枱面冇乜嘢，祇有兩樽鹽，分別係 Alpine 同 Himalayan 。
餐前酒， PM 唔飲酒，俾埋我。
兩隻杯，係唔同嘅。
有人又唔生性，叫咗杯啤酒。
先黎前菜，一共有 5 樣嘢，好似好勁咁。
呢個叫做昆布籠，裏面係炸白魚，連埋個籠成個都食得。
都有野菜，又係炸。
呢舊，係叫做小鯛笹漬唔知乜卯の花，所以，應該有魚喺裏面。
呢兩舊，唔使點介紹喇，有味噌漬嘅燒豆腐。
最後，係杯物。一堆日文裏面，祇係識得蟹同埋胡瓜幾個漢字。
食完個有 5 款嘅前菜，跟住，係細細碗嘅蜆湯，好鬼鮮甜。
然後，係刺身。
呢個刺身，係冇本鮪嘅，有少少美中不足咁啦。佢有牡丹海老，活北寄貝，帆立貝（表面經輕微火炙），同淺粉紅色嘅唔知乜魚，都非常正。
然後，係燒物，係瀨戶內產甘鯛の酒粕味噌漬。簡稱，燒魚。
咁佢又燒得好正，皮脆而裏面嫩滑。
跟住，就係我地另外追加嘅和牛，原來同佢本身嗰個係唔同嘅，因 menu 寫住佢嗰個係有蓮藕煮嘅。呢個，就咁燒。
有兩兜汁，唔知係乜汁，祇知，好味。
近睇我地嘅和牛，一路寫 blog ，一路吞口水。
一片炭燒和牛，先加汁。
再去黐呢啲，正。
跟住，係本身個餐嘅強肴。呢個，係炭燒蟹脚。
唔算好大條，但都算粗壯，又勁鮮甜。
佢有跟個蟹酢，但唔使用。
呢個，係十勝產黑毛和牛，同蓮藕一齊煮。
細細舊，得兩舊，好彩我地有另外追加和牛啫！
食完強肴，有個雪芭，淡淡地，清吓啲味蕾。
跟住，食飯，有野菜天婦羅，係佢送嘅。
飯、味噌汁、漬物。
飯，係用鹿兒島產嘅筍黎煮嘅。
味噌汁，係赤味噌。
漬物，有個唔知乜芋，幾特別。
好似高級地方，都總係會提供啲成碌杉咁粗嘅牙籤俾人，印象中，記得今半、菊乃井都係咁。
最後，係甜品。
之前 book 房嘅時候，酒店可能循例問吓我地，係咪慶祝啲乜嘢， PM 就是但答話係結婚週年，所以，甜品隻碟上面，就多咗啲字。
係 menu 上所寫嘅甜品，而唔係特別送俾我地嘅。
再飲番杯綠茶。
最後，臨走，又俾個籃我地，原來係宵夜，腐皮卷，都幾好食。
食飽飽，返房攤抖吓，浸。
之後，睇電視，食宵夜。
電視不時報道，有個超強颱風，由下面過咗台灣上緊黎，我地都有啲驚，惟有小心留意新聞，見步行步啦。
Continue …
又去番尋晚間餐廳，尋晚間個室，食早餐。
先見到呢個，比較搶眼嘅，燒帆立貝。
跟住，逐啲逐啲拎入黎。
沙律、前菜、漬物。
納豆、大粒春。
燒鱈魚、卵。
有飯、味噌汁，內有好多蜆。
呢個少見啲，大塊紫菜，好鬼脆。
因乜事用咁大個木箱去裝塊紫菜？原來內有乾坤，箱內有備長炭，用黎保持住塊紫菜乾爽，唔怪得擺咗咁耐都重咁脆。
反正唔太肚餓（唔好問點解），就等燒好隻帆立貝先，然後，影番張靚相，再慢慢食。下面，就係我一個人嘅嘢。
最後，又有咖啡、茶，同生果。
食完早餐，返房攤抖吓，執吓嘢。
因為呢度太多無料嘢飲，溫泉有樽裝鮮奶，足湯有罐裝咖啡、茶，房入面又有可樂、 Pocari 、 Aquarius 、樽裝茶，根本都飲唔哂，所以， 4 包咖啡，祇飲咗 1 包。
搞掂 check out ，喺番樓下 lobby 度等車。
又周圍乜都影吓。
我地未返札幌住，重有行程，所以，搭佢嘅無料接駁巴士，去帶廣。
途中，喺個叫「十勝岡女堂前」嘅地方停咗一陣，有間賣豆嘅專門店，叫「豆男爵の館」，入去行咗一陣。
咁都知十勝嘅名物係小倉，行開超市都見慣，大大隻字寫住十勝小倉嘅紅豆，就會貴過其他嘅一截。
我地雖然唔知買黎做乜，都買咗一包。
今日幾好天。
但唔好被晴天同陽光欺騙到，其實，超凍。
繼續行，車外景色都唔錯。
忽然，見到平原遠處，有一個落差，高達十數呎，形成一幅牆，延綿好多公哩。睇怕係好多年前某次地震整出黎嘅。
好快，就到咗帶廣駅。
已經 12 點幾，又到開餐時間。
本來諗住去古季庵，貪佢比較有特色，又多啲嘢食，但之前出 e-mail 問佢食晏開到幾多點時，佢就答話星期日唔開，好在，唔使白行。
咁我地就去咗原祖豚丼，食豚丼。
先食兩片蘿蔔。
主角出場，炭燒豚丼，我同 PM 都係食埋一樣嘅，唔使揀。
之前 plan 喺帶廣食乜嘅時候，見呢間都好出名，但食落，又唔算係特別好，有啲一般，豚肉有少少乾同略硬，喺輕井沢嘅花畑牧場 豚亭好食過佢。
咁我開始食，頭嗰兩塊都成塊食哂，跟住，發覺唔係好對路，就開始唔食個肥邊，結果 … ，呢啲，就係我冇食到嘅炭燒肥豚，唔使客氣喇。雖然，當地人可能會覺得我地暴殄天物。
食完，喺番帶廣駅周邊行吓。
咁，去緊旅行，又加上天寒地凍，冇埋由唔去 tea 吓嘅。
帶廣嘅另一名物，係六花亭嘅本店，由帶廣駅沿大街直行幾個街口就到。
佢門口有條花呢碌嘅柱，好鬼藝術。
地下係和菓子店，好多人，上一層就有間 Cafe ，就咁叫做喫茶室，細細隻字，好鬼祟。
PM 叫 waffle ，我就是但叫咗件蛋糕，都幾好食。
由樓上望番嗰條柱。
食完，緩慢行返去個駅，再由酒店嘅接駁巴士載我地返酒店，今晚，住三余庵。
其實帶廣並唔係我地嘅行程 plan 咗會停留同遊覽嘅地方，而祇係一個轉車嘅位置，所以，我地祇係喺轉車之間嘅時間，食晏，行吓個駅，同食吓 tea ，跟住，就搭酒店嘅接駁巴士，返酒店。
由帶廣駅，唔使半個鐘就到。
三余庵係十勝第一溫泉酒店嘅別館，情況有啲似之前住嘅〈鶴雅 遊久の里〉同〈鶴雅別莊 鄙の座〉咁。
但係三余庵就喺十勝第一溫泉酒店隔籬，有條有蓋走廊相連，三余庵嘅住客，可以行過去十勝第一嗰度享用佢嘅大浴場。
話說，三余庵係講究五感體驗嘅高級溫泉酒店，但我冇去顏究佢係邊五感，不過都知佢好標磅啲嘢有幾好食，咁我地就順路去試吓。
同鄙の座一樣，入去，首先要除鞋，然後，喺後面度坐底食啲嘢先做 check in 。
有呢啲嘢食。
枱面，又有朵花做擺設。
對住個重有部分積雪嘅草原仔，右邊就係十勝第一。
咁間酒店，其實係喺個平原上面。
搞掂 check in ，就喺度揀件浴衣。
跟住，帶我地返房。我地住嘅房，叫〈雪國〉，係冇咁貴嘅細房。
間房嘅 layout 係咁。
一邊有 sofa 同電視。
隔籬就係洋式大床。
對住電視嘅另一邊，有張細書枱。
去望吓個房內風呂，都 OK ，坐得落兩個人有餘。
洗面盆等設備，提供嘅洗頭水梘液等，都幾靚咁。
枱面有兩塊餅，又有沏茶嘅器具。
攤抖一陣，就去浸溫泉。
再行過出面條走廊，有個好似係做香熏嘅地方，但冇乜興趣。
我地先浸三余庵本身嘅溫泉，夜啲，先再行過去十勝第一嗰邊浸。
哈！我地，又包場。咁就又可以影吓相喇。
佢兩邊，分別係男湯同女湯，定時對掉，一邊係檜木，一邊係階磚仔。
檜木，係方形。
又有室外露天風呂。
另一邊，階磚仔，就係圓形，都係有室內同露天。
浸完溫泉，就出街行吓。
天色漸沈，但未黑，是為暮。
暮靄蒼茫中，依然係，有人掛住影相，有人自己行咗去。
但係，成條街，除咗我同 PM ，係冇其他人嘅。
行行吓，對面有間好大嘅酒店，但係，成間酒店，都係冇着燈嘅。
咁我影相嘅時候，有人就細細聲咁話，唔知返到香港再睇番，會唔會影到有燈光兼有人呢？
係冇嘅。咁我上網 check 吓，原來係咁。
咁當時都真係覺得有啲恐怖。
結果，我地行咗唔夠三個字，就回頭返酒店。
有人又細細聲咁話，你估你聽朝起身，會唔會係瞓喺荒野泥沼上面呢？咁我就話，今晚啲嘢你唔好食，分分鐘和牛係蚯蚓。
返酒店，已經開始天黑。
又經過之前 check in 嘅 lobby ，見有張搖椅，對住個冇火嘅爐， PM 就埋去坐。
跟住，有人黎加柴點火，有啲煙，我地就走喇。
重未夠鐘食飯，我地就去十勝第一嗰邊浸吓。
喺連接兩館嘅長廊中間，就見到三余庵嘅夜晚嘅樣。
十勝第一嗰邊嘅浴場就大好多，亦都有好多人，黎到十勝，到而家，先覺得有番啲人氣。
浸完，行吓，佢正門可以見到十勝川，上面，有條橋，叫做十勝川上面條橋。
總結，呢度嘅溫泉，啲水係咖啡色嘅，又有好多懸浮物，有啲污糟嘅感覺，佢好似話係由植物喺地底泥土入面腐化，再混入咗去地下嘅溫泉水而成。
好喇，係時候，返去開餐。我地今晚開餐嘅地方，叫做春秋。
話說，三余庵係講究五感體驗嘅高級溫泉酒店，而且，其中一感，係好標磅佢啲嘢有幾好食，而佢啲嘢，又大致上會跟住季節而轉變。我地見佢有個「美味少量７品懐石プラン」，但祇做到 3 月底，之後，季節嘢，春季係以野菜為主。我地都知道野菜喺日本係高檔嘢，但我地比較低俗，想要肉多過要菜，就出 e-mail 問佢，佢就答話，都做俾我地啦。
咁佢個「美味少量７品懐石プラン」，其中嘅強肴（主菜），係要二選一，分別係十勝產黑毛和牛，同炭燒蟹脚，我地諗住一人揀一樣，但又驚會每人得番好少牛，咁就又問佢，可唔可以追加和牛，係 … 得嘅，咁我地就預先經 e-mail 通知佢，我地再加一個和牛。
枱面冇乜嘢，祇有兩樽鹽，分別係 Alpine 同 Himalayan 。
餐前酒， PM 唔飲酒，俾埋我。
兩隻杯，係唔同嘅。
有人又唔生性，叫咗杯啤酒。
先黎前菜，一共有 5 樣嘢，好似好勁咁。
呢個叫做昆布籠，裏面係炸白魚，連埋個籠成個都食得。
都有野菜，又係炸。
呢舊，係叫做小鯛笹漬唔知乜卯の花，所以，應該有魚喺裏面。
呢兩舊，唔使點介紹喇，有味噌漬嘅燒豆腐。
最後，係杯物。一堆日文裏面，祇係識得蟹同埋胡瓜幾個漢字。
食完個有 5 款嘅前菜，跟住，係細細碗嘅蜆湯，好鬼鮮甜。
然後，係刺身。
呢個刺身，係冇本鮪嘅，有少少美中不足咁啦。佢有牡丹海老，活北寄貝，帆立貝（表面經輕微火炙），同淺粉紅色嘅唔知乜魚，都非常正。
然後，係燒物，係瀨戶內產甘鯛の酒粕味噌漬。簡稱，燒魚。
咁佢又燒得好正，皮脆而裏面嫩滑。
跟住，就係我地另外追加嘅和牛，原來同佢本身嗰個係唔同嘅，因 menu 寫住佢嗰個係有蓮藕煮嘅。呢個，就咁燒。
有兩兜汁，唔知係乜汁，祇知，好味。
近睇我地嘅和牛，一路寫 blog ，一路吞口水。
一片炭燒和牛，先加汁。
再去黐呢啲，正。
跟住，係本身個餐嘅強肴。呢個，係炭燒蟹脚。
唔算好大條，但都算粗壯，又勁鮮甜。
佢有跟個蟹酢，但唔使用。
呢個，係十勝產黑毛和牛，同蓮藕一齊煮。
細細舊，得兩舊，好彩我地有另外追加和牛啫！
食完強肴，有個雪芭，淡淡地，清吓啲味蕾。
跟住，食飯，有野菜天婦羅，係佢送嘅。
飯、味噌汁、漬物。
飯，係用鹿兒島產嘅筍黎煮嘅。
味噌汁，係赤味噌。
漬物，有個唔知乜芋，幾特別。
好似高級地方，都總係會提供啲成碌杉咁粗嘅牙籤俾人，印象中，記得今半、菊乃井都係咁。
最後，係甜品。
之前 book 房嘅時候，酒店可能循例問吓我地，係咪慶祝啲乜嘢， PM 就是但答話係結婚週年，所以，甜品隻碟上面，就多咗啲字。
係 menu 上所寫嘅甜品，而唔係特別送俾我地嘅。
再飲番杯綠茶。
最後，臨走，又俾個籃我地，原來係宵夜，腐皮卷，都幾好食。
食飽飽，返房攤抖吓，浸。
之後，睇電視，食宵夜。
電視不時報道，有個超強颱風，由下面過咗台灣上緊黎，我地都有啲驚，惟有小心留意新聞，見步行步啦。
Continue …
沒有留言:
發佈留言