2012年4月3日 Tuesday ( day 6 )
今日離開釧路，上去網走。酒店有簡單早餐，食少少，然後 check out ，因為呢程車冇得指定席，所以預早啲去個駅度等車，以免冇位坐，要企幾個鐘。
架車係快速，原來，都祇係咁。
結果，冇乜人搭，大把位。
開車。
中途嘅駅多數都冇 JR 職員亦冇售票機，上落車嘅運作好似巴士咁，由司機負責 check 飛或收錢。
離開釧路後，越行越荒蕪，好似唔知會去邊咁，有啲地老天荒。
有時，入隧道，就更加詭祕。
忽然間，列車緊急剎掣，兼响安，原來，路軌旁有幾隻鹿。
終於，見到個海喇。
然後，見到北浜駅，一陣間食完飯先再黎。
網走駅，到達。
搭完呢程車，我就有啲明白，點解北海道嘅 JR 會貴啲。頭先嗰程車，得十幾兜友搭，分明冇錢賺，都未計要喺冰天雪地度 check 同維修條路軌，但條線都要繼續做，唯有拉上補下，咁呢次我地搭過佢，就覺得抵番啲喇。
雖然網走駅係一個大站，但其實唔係好大個。
我地徒步行去比較市中心嘅位置，去食寿司安。
可能我地去得晏，冇其他人，我地又包場。
我地唔坐 bar 枱，坐呢啲除鞋包廂。
我同 PM 都唔揀，就叫咗最大嗰個寿司定食。
呢舊黑色唔知乜春，幾特別。
白身魚、北寄貝、帆立貝，都好食。
呢舊深紅色嘅，佢話係鯨魚。
我地都覺得，唔應該捉啲鯨魚黎食，但既然佢已經整咗喺度，咁我地都試吓。
一啲都唔好食，又韌，又有啲腥（所以要加咁多薑），完全冇意思，唔知為乜，點解重要去捉？
食完，搭番車去北浜駅，再去行濤沸湖。
因為呢條釧網本線嘅班次好疏，隔個幾鐘至兩三個鐘先有一班車，所以時間要計得好準。因為咁，去到北浜駅，就先去行濤沸湖，然後再行北浜駅，就唔怕會 miss 咗架車。
由北浜駅，行一陣，就到濤沸湖。
雖然大部分湖面都冰封積雪，都重有好多雀。
北浜駅，因為電影「非誠勿擾」而紅起黎，但呢套戲有幾好睇，就真係見仁見智，我錄電視，揸住搖控，包埋飛廣告，用咗唔使三個字睇完。不過唔好理套戲，個駅都好特別，佢好近個海，而家又有雪，就好靚。
北浜駅，正面。
之後，影背面嗰時，有飄雪，好鬼浪漫。
駅內候車室，貼滿咭片。
有我地熟悉嘅 5 號仔，不過，係簡體字。
但見到有咁大張旅行社 logo ，就覺得，幾討厭。
個駅度有個觀景台。
上到去，佢話睇到知床連山。
我睇到嘅，係咁。
不過，可以遠眺吓條路軌，都幾靚。如果有海角天涯，呢度都應該幾近喇。
佢又叫人唔好行落路軌。
咁我係後生仔，會反叛，就行咗落去。
終於，車黎喇。
再見啦，北浜駅。
返到網走駅，時間啱啱好，去呢個電話亭，就有酒店嘅車，接我地返去。
由網走駅唔使半個鐘就到酒店，今晚住北天之丘。
正門嘅左邊，好似個城堡咁，係佢嘅餐廳，嗰條尖塔，係個足湯。
望遠啲，係雪景，冇落雪，但好大風。
入到去， counter 有舊好大舊嘅疑似水晶。
但我地冇喺 counter 度做 check in ，而係入去裏面坐低先。
我地坐咗埋去個火爐度，不過，係冇火嘅。
PM 填嘢搞 check in ，我就周圍影。
呢度都係鶴雅個 group 嘅，佢似鶴雅別莊 鄙の座多過似鶴雅 遊久の里，不過，就唔使除鞋。
後面，有個圖書館仔。
周圍，又有好多木雕，佢都話明係北の大地抱乜鬼大鷲乜舞。
返房，都算 OK 大間，如果同東京新宿嘅比，睇怕冇呢度三份之一。
都有啲山景。
間房度又有啲零食，幾款豆，同埋梅。
我地黎到都接近 6 點， check in 完就差唔多食晚飯，所以，要再夜啲先去浸，而家，就落去大堂行吓，夠鐘就去食飯。
地下大堂，除咗之前講嗰個火爐位，旁邊重有個偏廳，所以，我話佢似鄙の座。
入到去，真係有套同喺鄙の座度一樣嘅 hi-fi 。
呢度好多櫈，但冇兩張係一樣嘅，幾過引。
（最後嗰張，有人，又玩 iPhone ，因為呢度有 wi-fi 。）
呢對公仔，熟口熟面，鶴雅 遊久の里嗰度都有對幾似嘅。
呢個黐喺牆上面嘅，之前就冇見過。
偏廳旁，又有個長 bar 枱。
哈！ bar 枱後面，收埋一對強勁後級。
我地又去睇吓嗰個尖塔足湯。
咁睇冇乜嘢。
用閃光燈，就見到，好大雪。
佢個入口上面，有個火把，可以睇到，有幾大風。
我重未影得切個入口嘅 close-up ，有人（喺左手邊）就快速標咗埋去。
入面，係咁嘅，足湯裏面，有三盞射燈向上，加上霧氣，好詭祕。
向上望，又好科幻。
我地開餐嘅地方，叫 Cota 。
呢餐會席料理，又係，非常豐富。
首先，有好多前菜小鉢各樣。
有沙律、海苔、軟骨、同埋通常都好食嘅一舊波。
刺身，有赤身、白身魚、北寄貝、海老。
有個蟹鍋，係個紙鍋。
製成品，係咁。
有個燒牛肉。
製成品，係咁。
又有大舊燒魚。
斧飯，香噴噴。
熄咗火之後，再焗多一陣。
揭盅，好香。
佢都知食咁多嘢，就算唔滯都會好飽，所以，個甜品幾 refreshing 。
食飽飯，攤抖吓，夜啲，就去浸溫泉。
Continue …
架車係快速，原來，都祇係咁。
結果，冇乜人搭，大把位。
開車。
中途嘅駅多數都冇 JR 職員亦冇售票機，上落車嘅運作好似巴士咁，由司機負責 check 飛或收錢。
離開釧路後，越行越荒蕪，好似唔知會去邊咁，有啲地老天荒。
有時，入隧道，就更加詭祕。
忽然間，列車緊急剎掣，兼响安，原來，路軌旁有幾隻鹿。
終於，見到個海喇。
然後，見到北浜駅，一陣間食完飯先再黎。
網走駅，到達。
搭完呢程車，我就有啲明白，點解北海道嘅 JR 會貴啲。頭先嗰程車，得十幾兜友搭，分明冇錢賺，都未計要喺冰天雪地度 check 同維修條路軌，但條線都要繼續做，唯有拉上補下，咁呢次我地搭過佢，就覺得抵番啲喇。
雖然網走駅係一個大站，但其實唔係好大個。
我地徒步行去比較市中心嘅位置，去食寿司安。
可能我地去得晏，冇其他人，我地又包場。
我地唔坐 bar 枱，坐呢啲除鞋包廂。
我同 PM 都唔揀，就叫咗最大嗰個寿司定食。
呢舊黑色唔知乜春，幾特別。
白身魚、北寄貝、帆立貝，都好食。
呢舊深紅色嘅，佢話係鯨魚。
我地都覺得，唔應該捉啲鯨魚黎食，但既然佢已經整咗喺度，咁我地都試吓。
一啲都唔好食，又韌，又有啲腥（所以要加咁多薑），完全冇意思，唔知為乜，點解重要去捉？
食完，搭番車去北浜駅，再去行濤沸湖。
因為呢條釧網本線嘅班次好疏，隔個幾鐘至兩三個鐘先有一班車，所以時間要計得好準。因為咁，去到北浜駅，就先去行濤沸湖，然後再行北浜駅，就唔怕會 miss 咗架車。
由北浜駅，行一陣，就到濤沸湖。
雖然大部分湖面都冰封積雪，都重有好多雀。
北浜駅，因為電影「非誠勿擾」而紅起黎，但呢套戲有幾好睇，就真係見仁見智，我錄電視，揸住搖控，包埋飛廣告，用咗唔使三個字睇完。不過唔好理套戲，個駅都好特別，佢好近個海，而家又有雪，就好靚。
北浜駅，正面。
之後，影背面嗰時，有飄雪，好鬼浪漫。
駅內候車室，貼滿咭片。
有我地熟悉嘅 5 號仔，不過，係簡體字。
但見到有咁大張旅行社 logo ，就覺得，幾討厭。
個駅度有個觀景台。
上到去，佢話睇到知床連山。
我睇到嘅，係咁。
不過，可以遠眺吓條路軌，都幾靚。如果有海角天涯，呢度都應該幾近喇。
佢又叫人唔好行落路軌。
咁我係後生仔，會反叛，就行咗落去。
終於，車黎喇。
再見啦，北浜駅。
返到網走駅，時間啱啱好，去呢個電話亭，就有酒店嘅車，接我地返去。
由網走駅唔使半個鐘就到酒店，今晚住北天之丘。
正門嘅左邊，好似個城堡咁，係佢嘅餐廳，嗰條尖塔，係個足湯。
望遠啲，係雪景，冇落雪，但好大風。
入到去， counter 有舊好大舊嘅疑似水晶。
但我地冇喺 counter 度做 check in ，而係入去裏面坐低先。
我地坐咗埋去個火爐度，不過，係冇火嘅。
PM 填嘢搞 check in ，我就周圍影。
呢度都係鶴雅個 group 嘅，佢似鶴雅別莊 鄙の座多過似鶴雅 遊久の里，不過，就唔使除鞋。
後面，有個圖書館仔。
周圍，又有好多木雕，佢都話明係北の大地抱乜鬼大鷲乜舞。
返房，都算 OK 大間，如果同東京新宿嘅比，睇怕冇呢度三份之一。
都有啲山景。
間房度又有啲零食，幾款豆，同埋梅。
我地黎到都接近 6 點， check in 完就差唔多食晚飯，所以，要再夜啲先去浸，而家，就落去大堂行吓，夠鐘就去食飯。
地下大堂，除咗之前講嗰個火爐位，旁邊重有個偏廳，所以，我話佢似鄙の座。
入到去，真係有套同喺鄙の座度一樣嘅 hi-fi 。
呢度好多櫈，但冇兩張係一樣嘅，幾過引。
（最後嗰張，有人，又玩 iPhone ，因為呢度有 wi-fi 。）
呢對公仔，熟口熟面，鶴雅 遊久の里嗰度都有對幾似嘅。
呢個黐喺牆上面嘅，之前就冇見過。
偏廳旁，又有個長 bar 枱。
哈！ bar 枱後面，收埋一對強勁後級。
我地又去睇吓嗰個尖塔足湯。
咁睇冇乜嘢。
用閃光燈，就見到，好大雪。
佢個入口上面，有個火把，可以睇到，有幾大風。
我重未影得切個入口嘅 close-up ，有人（喺左手邊）就快速標咗埋去。
入面，係咁嘅，足湯裏面，有三盞射燈向上，加上霧氣，好詭祕。
向上望，又好科幻。
我地開餐嘅地方，叫 Cota 。
呢餐會席料理，又係，非常豐富。
首先，有好多前菜小鉢各樣。
有沙律、海苔、軟骨、同埋通常都好食嘅一舊波。
刺身，有赤身、白身魚、北寄貝、海老。
有個蟹鍋，係個紙鍋。
製成品，係咁。
有個燒牛肉。
製成品，係咁。
又有大舊燒魚。
斧飯，香噴噴。
熄咗火之後，再焗多一陣。
揭盅，好香。
佢都知食咁多嘢，就算唔滯都會好飽，所以，個甜品幾 refreshing 。
食飽飯，攤抖吓，夜啲，就去浸溫泉。
Continue …
沒有留言:
發佈留言