2012年4月5日 Thursday ( day 8 )
第二朝早餐，總算冇尋晚咁誇張。
但都舖滿一枱。
煮帆立貝，正。
燒魚，成條上。
豆腐，同埋有好多蜆嘅味噌汁。
我地食完早餐就即走，因為呢度返網走嘅巴士，一日得幾班。而由呢度開出嘅，其實要 7:05 am 咁早，要搭佢就連早餐都食唔到，好在酒店會車我地出去常呂巴士總站，去搭 8:30 am 由嗰度開嗰班車。
到達，常呂巴士總站。
條街，依然係咁冷清。
搭巴士途中，亦見到日本人嘅讓座精神，學生都會讓座俾其他人，唔限於老人，而學生之間，男學生又會讓俾女學生，幾鬼溫罄。
最後，啲男生企哂喺度。
去到網走駅，又見到呢個 notice ，個心一沈。
今次詳細啲睇，我地諗住搭嗰班返札幌嘅特急車，同埋全日嗰條線嘅其他所有班次，全部都取消。
我行埋去 counter ，有條 80 後，我就問：「 Sapporo ？」
佢答：「 no Sapporo 。」
我再問：「 Sapporo ？」
佢再答：「 no Sapporo 。」加交叉手勢。
我唔理佢，搵張紙出黎寫低：「網走 → 釧路 → 札幌」，再搵個大啲嘅 staff 黎問，佢即刻攞咗我張紙，然後填啲時間上去。
咁先係路嘛！雖然比我地原本坐嘅特急車慢咗兩個半鐘，但總算可以返札幌。
我唔想又話啲 80 後唔得，但唔通冇其他人要去札幌，而遇到相同問題？佢係冇理由唔知道可以經釧路返札幌嘅，我係遊客都識得咁行。
結果，又搭番呢架好嘢。
不過今次多咗個人，喺司機另一邊，打醒精神望住條路軌。
我都去望吓先。
哈！坐前面嗰位阿哥仔，好宅。
喺釧路轉車，上咗特急，就開餐。自家製蟹肉便當，啖啖蟹肉。隻膠叉，係喺飛機拎嘅。
再加啲甜品。
終於，返到札幌，安樂哂。
搭咗大半日車，先返到札幌，個肚有啲空虛，襯未到 6 點，快快上去 MotherLeaf 隊番件 waffle 先。
我今次唔飲咖啡，飲 iced tea ， PM 就飲熱茶。
可能唔啱季節，冇我致愛嘅栗，有啲忐忑。
PM 唔理三七廿一，叫紅豆綠茶雪糕。
咁我就叫咗個 salted caramel ，哈！超正，有焦糖嘅焦而唔太甜，又有兩球雲呢拿雪糕，啱哂我。
返酒店放低個篋，然後搭車出薄野，天已黑，而且幾凍，行一陣，就去開餐。
呢餐，去牛のいしざき食 Sukiyaki 。
我地得兩個人，都有間個室仔。
一壺醬油，一壺水。
呢間店話採用但馬系黑毛和牛，壽喜燒嘅 menu 祇得 3 樣，分別係極上霜降り、松、竹。
我地都知道，食 sukiyaki 係唔使揀最靚嗰個嘅，因為會好肥，而瘦少少嘅都一樣係咁冧，所以都一齊揀個松，可以冇咁肥，又平啲。
先擺呢碟落黎我面前，正。
但後面近 PM 嗰碟，好似 …
所以，我決定撈埋一齊煮，唔使分邊碟打邊碟。
呢碟菜，就已經係二人份。
至於前菜，就慘被冷待，祇係間唔中夾吓，攝吓場。
有人又唔生性，叫咗個啤酒。
咁有人都唔執輸，叫番個凍烏龍茶。
開波，先燒啲牛肉，再慢慢煮菜。
正！
嗰舊好似年輪蛋糕嘅嘢，係舊好似麵筋咁嘅嘢，索哂啲汁，好鬼正。
食完，好滿足，但點都要同我地嘅至愛人形町今半比較吓。呢度都好好，但總覺得今半係最好嘅。
而其中一個分別係，呢度，冇飯。
於是，有人就乘機喺條天寒地凍嘅薄野街上，在寒風中，好瑟縮咁講，冇飯到肚，差咗啲。（佢又唔敢講話唔飽，祇話差咗啲。）
PM 就話，想食寿司就去食啦，食幾碟好喇。
咁既然有人開到聲，就去食幾碟啦。我地就好緩慢咁行去活一鲜。
講多無謂，先黎，一人一件，大卜口。
當我影緊我嗰件嘅時候，聽到啲聲，好似話兩件都一樣，唔使影，咁另一件就消失咗。好快，好似從未存在過，祇有空碟為証。
祇食幾碟，要重點出擊，海胆、海老、北寄貝。
重有，呢條用火燒緊嘅。
好長嘅，海鰻。
收工，一共 6 碟。
聽日，繼續食。
Continue …
但都舖滿一枱。
煮帆立貝，正。
燒魚，成條上。
豆腐，同埋有好多蜆嘅味噌汁。
我地食完早餐就即走，因為呢度返網走嘅巴士，一日得幾班。而由呢度開出嘅，其實要 7:05 am 咁早，要搭佢就連早餐都食唔到，好在酒店會車我地出去常呂巴士總站，去搭 8:30 am 由嗰度開嗰班車。
到達，常呂巴士總站。
條街，依然係咁冷清。
搭巴士途中，亦見到日本人嘅讓座精神，學生都會讓座俾其他人，唔限於老人，而學生之間，男學生又會讓俾女學生，幾鬼溫罄。
最後，啲男生企哂喺度。
去到網走駅，又見到呢個 notice ，個心一沈。
今次詳細啲睇，我地諗住搭嗰班返札幌嘅特急車，同埋全日嗰條線嘅其他所有班次，全部都取消。
我行埋去 counter ，有條 80 後，我就問：「 Sapporo ？」
佢答：「 no Sapporo 。」
我再問：「 Sapporo ？」
佢再答：「 no Sapporo 。」加交叉手勢。
我唔理佢，搵張紙出黎寫低：「網走 → 釧路 → 札幌」，再搵個大啲嘅 staff 黎問，佢即刻攞咗我張紙，然後填啲時間上去。
咁先係路嘛！雖然比我地原本坐嘅特急車慢咗兩個半鐘，但總算可以返札幌。
我唔想又話啲 80 後唔得，但唔通冇其他人要去札幌，而遇到相同問題？佢係冇理由唔知道可以經釧路返札幌嘅，我係遊客都識得咁行。
結果，又搭番呢架好嘢。
不過今次多咗個人，喺司機另一邊，打醒精神望住條路軌。
我都去望吓先。
哈！坐前面嗰位阿哥仔，好宅。
喺釧路轉車，上咗特急，就開餐。自家製蟹肉便當，啖啖蟹肉。隻膠叉，係喺飛機拎嘅。
再加啲甜品。
終於，返到札幌，安樂哂。
搭咗大半日車，先返到札幌，個肚有啲空虛，襯未到 6 點，快快上去 MotherLeaf 隊番件 waffle 先。
我今次唔飲咖啡，飲 iced tea ， PM 就飲熱茶。
可能唔啱季節，冇我致愛嘅栗，有啲忐忑。
PM 唔理三七廿一，叫紅豆綠茶雪糕。
咁我就叫咗個 salted caramel ，哈！超正，有焦糖嘅焦而唔太甜，又有兩球雲呢拿雪糕，啱哂我。
返酒店放低個篋，然後搭車出薄野，天已黑，而且幾凍，行一陣，就去開餐。
呢餐，去牛のいしざき食 Sukiyaki 。
我地得兩個人，都有間個室仔。
一壺醬油，一壺水。
呢間店話採用但馬系黑毛和牛，壽喜燒嘅 menu 祇得 3 樣，分別係極上霜降り、松、竹。
我地都知道，食 sukiyaki 係唔使揀最靚嗰個嘅，因為會好肥，而瘦少少嘅都一樣係咁冧，所以都一齊揀個松，可以冇咁肥，又平啲。
先擺呢碟落黎我面前，正。
但後面近 PM 嗰碟，好似 …
所以，我決定撈埋一齊煮，唔使分邊碟打邊碟。
呢碟菜，就已經係二人份。
至於前菜，就慘被冷待，祇係間唔中夾吓，攝吓場。
有人又唔生性，叫咗個啤酒。
咁有人都唔執輸，叫番個凍烏龍茶。
開波，先燒啲牛肉，再慢慢煮菜。
正！
嗰舊好似年輪蛋糕嘅嘢，係舊好似麵筋咁嘅嘢，索哂啲汁，好鬼正。
食完，好滿足，但點都要同我地嘅至愛人形町今半比較吓。呢度都好好，但總覺得今半係最好嘅。
而其中一個分別係，呢度，冇飯。
於是，有人就乘機喺條天寒地凍嘅薄野街上，在寒風中，好瑟縮咁講，冇飯到肚，差咗啲。（佢又唔敢講話唔飽，祇話差咗啲。）
PM 就話，想食寿司就去食啦，食幾碟好喇。
咁既然有人開到聲，就去食幾碟啦。我地就好緩慢咁行去活一鲜。
講多無謂，先黎，一人一件，大卜口。
當我影緊我嗰件嘅時候，聽到啲聲，好似話兩件都一樣，唔使影，咁另一件就消失咗。好快，好似從未存在過，祇有空碟為証。
祇食幾碟，要重點出擊，海胆、海老、北寄貝。
重有，呢條用火燒緊嘅。
好長嘅，海鰻。
收工，一共 6 碟。
聽日，繼續食。
Continue …
沒有留言:
發佈留言