2012年4月4日 Wednesday ( day 7 )
起身， 7 點幾，去食早餐先，定係去浸先？都係決定食早餐先，因為呢度嘅早餐有自己製作味噌汁，有人黎之前已經做足 research ，知道係呢度嘅名物，如果浸完先食，驚會唔夠時間玩。
我地又去番尋晚嗰間餐廳， Cota ，尋晚坐樓上嘅個室，今日就坐樓下大堂。
天色都唔錯，窗外有雪景。
早餐係 buffet ，呢張咭用黎表示食緊定食完。上面兩條橡筋繩，用黎紮住兩隻衫袖，幾細心。
入到去，枱面已經有隻瓦煲，有一球味噌，同埋有張味噌汁嘅圖解製作方法。
咁嗰啲本身就好鍾意味噌汁嘅人，即刻就兩眼放光，標咗去攞整味噌汁嘅材料。（佢個湯字嘅英文吋法咁特別？）
有一大兜味噌，鍾意落幾多都得。
有人，攞咗咁多嘢。
本身嗰一球味噌，梗係唔夠，攞多球，再加豆腐。
然後，蟹同蜆。蟹冇乜肉，主要係煲啲蟹味出黎，蜆就好大隻，應該會幾正。
再加啲菇、葱、洋葱、海苔、同埋豆卜皮。
準備好，也母料理長出馬。
煮味噌汁需時，我就先去食 buffet 早餐。老實講，雖然食物唔算好多，但呢個朝食，都好似唔差過多地方嘅夕食。
卵都有幾款，分別係炒卵、奄列卵、同埋太陽卵。
呢個豆，正。
有我鍾意嘅銀鱈魚。
又有，佢話喺近海捉到嘅秋刀魚。
又有呢個，舊年喺名古屋駅要成廿蚊個嘅炸牛肉波，去得好快。
魚餅，有兩款，一款有菜，一款有南瓜，又擺個爐喺度，放上去燒，一陣轉頭（重喺度嘅話）返黎攞。
以下影嘅，都係我食嘅。
日本嘅牛角包永遠都好食，追加銀鱈魚、魚餅、牛肉波嘅時候，都追加咗隻。
蕃茄、卵、魚、金時豆。
最後，一再追加銀鱈魚。
呢個時候，味噌汁亦已經煲好。
超甜，冇嘢講。因為幾飽，所以，蜆就食哂，蟹就祇揀啲有舊肉嘅，然後，食咗大部分嘅菇，同小部分嘅豆腐。湯，就當然全部 KO 哂。
結果，我地都冇去浸，亦好在冇去浸咗先，唔係就未必有充足時間去慢慢玩呢個自製味噌汁。
日光日白，個尖塔足湯冇厘詭祕。
又見番嗰對木雕公仔。
臨走，先發現後面有間咁嘅嘢，唔知係乜，但都冇時間去睇吓。尋晚可能黑，冇留意到佢。
食完早餐， check out ，再搭番酒店車離開，途中經過天都山，就去吓網走監獄。
一般情況下，對呢類人工擺設式旅遊景點，都冇乜大興趣，但反正網走好似冇乜嘢好行，又有時間，又咁啱順路，就去吓。
一時間，又好大雪。
咁行去監獄歷史館，睇室內嘢。
冇雪喇，又行番出黎，有呢啲。
跟住，行過去大倉。
入面，係咁。
咁都得？
有人話，呢間房，啱我。點解呢？
又有浴場，但全部背向我地，唔知道有冇？？
做戲做全套，有監獄亦有法庭。
走得，好似 … 離開監獄咁。
拖住隻篋，行舖滿雪嘅斜路落山，都幾吃力。
終於，落到下面條大路。
路旁，有條河，有人去等車，有人去影相。
條河，叫做網走川。
睇番啲相，冇乜嘢，但其實係好大風，企喺度唔郁都要用啲力。
其實，呢幾日都有留意嗰個超強颱風，已經上到黎，而家喺稚內嗰邊，即係北海道嘅左上角，向俄羅斯方向移動。亦即係，而家，個超強颱風好近我地。
好在，呢度就算落都係落雪，而唔係雨，對我地嘅影響冇咁大。
我地嘅 plan 係先出番網走駅，搵個 locker 鎖埋隻篋，今晚輕便咁去船長之家。
搞掂隻篋後，就見到個駅嘅告示板，有啲嘢。
我地唔識日文，但黎咗咁多次，都勉強大概估到知佢講乜：
低氣壓接近 … 運休 … 石北線 … 修復緊 … 好似未決定幾時會再開番。
都冇辦法，祇有見步行步。
我地呢餐諗住去食鮨かっぽう花のれん。
但係，有人冇留意時間，唔知道要好趕，再加上睇見 JR 運休，就少不免望多兩眼，到醒起要趕嘅時候，雪地又唔行得快，終於，我地踏正兩點鐘到，但佢話已過咗 last order 時間，冇得食。
有人黎之前已經 research 哂，呢間嘅名物，係 kinki 魚，其中，醬油煮喜知次，超正， TVB 都介紹過。
好唔開心，我地今晚去常呂住船長の家，聽朝一早就走，而去常呂嘅巴士好疏，時間所限，冇得再黎補番食佢，除非 … 我甚至諗到如果我地因冇 JR 搭而走唔到，被困網走，就可以去食喇。
之後，好似行屍走肉咁喺條街度是但搵嘢食，是但四圍行，等夠鐘，就搭車返酒店。
我地要搭 16:05 嗰班車，先可以直去到酒店門口。
未夠鐘，喺條街度四圍行，行過 Lawson ，見到呢張嘢，就入去玩吓。
話說，有人有舖去 Sanrio 抽獎嘅引，喺東京都會去有樂町或者池袋嘅 Sanrio 度抽，每次 500 円面不改容，雖然次次都係抽埋啲較後面位置嘅獎仔。
今次，由我出手，哈！ C 獎！總共得一份，都被我抽到。
實物，都咁靚仔。
搭巴士去常呂，今晚，住船長の家。
入到去，見到老闆釣到條大魚嘅相。
其他擺設，都幾有趣。
搞 check in ，過條橋，再穿過走廊，上一層，返房。
間房，幾簡單，一貫民宿風格。
返房放低嘢，襯未天黑，出去行吓。
條街好冷清，超凍，所以，係冇人嘅。
對面有個魚市場，已閉店。
我地去睇吓個サロマ湖，不過，都預咗佢係冰封咗。
天寒地凍，返去開餐。
黎之前都睇過人地嘅 blog ，知道呢餐勁多嘢食，果然，好震撼。
首先，比較搶眼嘅，係兩隻毛蟹，活嘅。
啱啱好兩隻一齊放落個煲度， fit 哂。
呢兩隻毛蟹，又鮮甜，又多膏，正。
另一主角，當然係鱈場蟹。份量，亦好重量級。
隻箝，都唔細。
當然，都有松葉蟹，嘅腳， shabu-shabu 食。
又有，炭燒蟹腳。
其他嘢，一樣，係勁多，所以，祇影低部分較主要啲嘅項目。
呢個，係 jelly fish 頭，但爽得黎都幾硬，似乎我地香港人整海蜇高明啲。
清酒煮蜆，好大隻蜆，好大舊蜆肉。
呢隻咁大隻，唔係普通蜆，係北寄貝。
呢兜，好多螺肉，啖啖肉。
當然，都有啲魚。
帆立貝，炭燒。
御飯，都有兩款，一個蟹肉，一個海鰻。
再加個蟹湯。
其實係正常人冇可能食得哂嘅份量。我地早有準備，帶咗個膠盒黎，留起啲鱈場蟹，又襯呢度有鉸剪，先起定肉。由酒店幫我地放喺雪櫃，聽日 check out 後先拎走，上火車食。
今日好攰，食完，睇一陣電視，就瞓。
Continue …
我地又去番尋晚嗰間餐廳， Cota ，尋晚坐樓上嘅個室，今日就坐樓下大堂。
天色都唔錯，窗外有雪景。
早餐係 buffet ，呢張咭用黎表示食緊定食完。上面兩條橡筋繩，用黎紮住兩隻衫袖，幾細心。
入到去，枱面已經有隻瓦煲，有一球味噌，同埋有張味噌汁嘅圖解製作方法。
咁嗰啲本身就好鍾意味噌汁嘅人，即刻就兩眼放光，標咗去攞整味噌汁嘅材料。（佢個湯字嘅英文吋法咁特別？）
有一大兜味噌，鍾意落幾多都得。
有人，攞咗咁多嘢。
本身嗰一球味噌，梗係唔夠，攞多球，再加豆腐。
然後，蟹同蜆。蟹冇乜肉，主要係煲啲蟹味出黎，蜆就好大隻，應該會幾正。
再加啲菇、葱、洋葱、海苔、同埋豆卜皮。
準備好，也母料理長出馬。
煮味噌汁需時，我就先去食 buffet 早餐。老實講，雖然食物唔算好多，但呢個朝食，都好似唔差過多地方嘅夕食。
卵都有幾款，分別係炒卵、奄列卵、同埋太陽卵。
呢個豆，正。
有我鍾意嘅銀鱈魚。
又有，佢話喺近海捉到嘅秋刀魚。
又有呢個，舊年喺名古屋駅要成廿蚊個嘅炸牛肉波，去得好快。
魚餅，有兩款，一款有菜，一款有南瓜，又擺個爐喺度，放上去燒，一陣轉頭（重喺度嘅話）返黎攞。
以下影嘅，都係我食嘅。
日本嘅牛角包永遠都好食，追加銀鱈魚、魚餅、牛肉波嘅時候，都追加咗隻。
蕃茄、卵、魚、金時豆。
最後，一再追加銀鱈魚。
呢個時候，味噌汁亦已經煲好。
超甜，冇嘢講。因為幾飽，所以，蜆就食哂，蟹就祇揀啲有舊肉嘅，然後，食咗大部分嘅菇，同小部分嘅豆腐。湯，就當然全部 KO 哂。
結果，我地都冇去浸，亦好在冇去浸咗先，唔係就未必有充足時間去慢慢玩呢個自製味噌汁。
日光日白，個尖塔足湯冇厘詭祕。
又見番嗰對木雕公仔。
臨走，先發現後面有間咁嘅嘢，唔知係乜，但都冇時間去睇吓。尋晚可能黑，冇留意到佢。
食完早餐， check out ，再搭番酒店車離開，途中經過天都山，就去吓網走監獄。
一般情況下，對呢類人工擺設式旅遊景點，都冇乜大興趣，但反正網走好似冇乜嘢好行，又有時間，又咁啱順路，就去吓。
一時間，又好大雪。
咁行去監獄歷史館，睇室內嘢。
冇雪喇，又行番出黎，有呢啲。
跟住，行過去大倉。
入面，係咁。
咁都得？
有人話，呢間房，啱我。點解呢？
又有浴場，但全部背向我地，唔知道有冇？？
做戲做全套，有監獄亦有法庭。
走得，好似 … 離開監獄咁。
拖住隻篋，行舖滿雪嘅斜路落山，都幾吃力。
終於，落到下面條大路。
路旁，有條河，有人去等車，有人去影相。
條河，叫做網走川。
睇番啲相，冇乜嘢，但其實係好大風，企喺度唔郁都要用啲力。
其實，呢幾日都有留意嗰個超強颱風，已經上到黎，而家喺稚內嗰邊，即係北海道嘅左上角，向俄羅斯方向移動。亦即係，而家，個超強颱風好近我地。
好在，呢度就算落都係落雪，而唔係雨，對我地嘅影響冇咁大。
我地嘅 plan 係先出番網走駅，搵個 locker 鎖埋隻篋，今晚輕便咁去船長之家。
搞掂隻篋後，就見到個駅嘅告示板，有啲嘢。
我地唔識日文，但黎咗咁多次，都勉強大概估到知佢講乜：
低氣壓接近 … 運休 … 石北線 … 修復緊 … 好似未決定幾時會再開番。
都冇辦法，祇有見步行步。
我地呢餐諗住去食鮨かっぽう花のれん。
但係，有人冇留意時間，唔知道要好趕，再加上睇見 JR 運休，就少不免望多兩眼，到醒起要趕嘅時候，雪地又唔行得快，終於，我地踏正兩點鐘到，但佢話已過咗 last order 時間，冇得食。
有人黎之前已經 research 哂，呢間嘅名物，係 kinki 魚，其中，醬油煮喜知次，超正， TVB 都介紹過。
好唔開心，我地今晚去常呂住船長の家，聽朝一早就走，而去常呂嘅巴士好疏，時間所限，冇得再黎補番食佢，除非 … 我甚至諗到如果我地因冇 JR 搭而走唔到，被困網走，就可以去食喇。
之後，好似行屍走肉咁喺條街度是但搵嘢食，是但四圍行，等夠鐘，就搭車返酒店。
我地要搭 16:05 嗰班車，先可以直去到酒店門口。
未夠鐘，喺條街度四圍行，行過 Lawson ，見到呢張嘢，就入去玩吓。
話說，有人有舖去 Sanrio 抽獎嘅引，喺東京都會去有樂町或者池袋嘅 Sanrio 度抽，每次 500 円面不改容，雖然次次都係抽埋啲較後面位置嘅獎仔。
今次，由我出手，哈！ C 獎！總共得一份，都被我抽到。
實物，都咁靚仔。
搭巴士去常呂，今晚，住船長の家。
入到去，見到老闆釣到條大魚嘅相。
其他擺設，都幾有趣。
搞 check in ，過條橋，再穿過走廊，上一層，返房。
間房，幾簡單，一貫民宿風格。
返房放低嘢，襯未天黑，出去行吓。
條街好冷清，超凍，所以，係冇人嘅。
對面有個魚市場，已閉店。
我地去睇吓個サロマ湖，不過，都預咗佢係冰封咗。
天寒地凍，返去開餐。
黎之前都睇過人地嘅 blog ，知道呢餐勁多嘢食，果然，好震撼。
首先，比較搶眼嘅，係兩隻毛蟹，活嘅。
啱啱好兩隻一齊放落個煲度， fit 哂。
呢兩隻毛蟹，又鮮甜，又多膏，正。
另一主角，當然係鱈場蟹。份量，亦好重量級。
隻箝，都唔細。
當然，都有松葉蟹，嘅腳， shabu-shabu 食。
又有，炭燒蟹腳。
其他嘢，一樣，係勁多，所以，祇影低部分較主要啲嘅項目。
呢個，係 jelly fish 頭，但爽得黎都幾硬，似乎我地香港人整海蜇高明啲。
清酒煮蜆，好大隻蜆，好大舊蜆肉。
呢隻咁大隻，唔係普通蜆，係北寄貝。
呢兜，好多螺肉，啖啖肉。
當然，都有啲魚。
帆立貝，炭燒。
御飯，都有兩款，一個蟹肉，一個海鰻。
再加個蟹湯。
其實係正常人冇可能食得哂嘅份量。我地早有準備，帶咗個膠盒黎，留起啲鱈場蟹，又襯呢度有鉸剪，先起定肉。由酒店幫我地放喺雪櫃，聽日 check out 後先拎走，上火車食。
今日好攰，食完，睇一陣電視，就瞓。
Continue …
沒有留言:
發佈留言