2012年4月2日 Monday ( day 5 )
起身，又浸吓房內嗰個風呂，陽光由窗口透入黎，今日，繼續係好好天。
浸完，然後，先去食早餐。我地又去番尋晚開餐嘅地方，坐番同一張枱，望番同一個草原。
雖然係風和日麗，不過，今朝睇電視，嗰個超強台風，其實繼續上緊黎，又近咗。
餐廳門口放咗咁樣嘅擺設。
呢舊岩鹽，唔知係 Alpine 定 Himalayan ，冇顏究。
但呢樽嘢，就有顏究，因為係呢度嘅名物之一，蜜柑汁，有得飲。
早餐可以揀和式或者洋式，我地一人揀一樣，就試齊哂。
另外，又有啲係自助嘅，主要係飲品同沙律。
生果有幾樣，貴精不貴多，其中，有松籽，正。
又有各款飲品。
哈，睇番上面張 pan 埋去嘅相，個蜜柑汁就放喺上面呢兩樣之間，有個桶用冰鎮住，但唔知點解，冇影到蜜柑汁嘅相。而我地其實又淨係飲佢，飲咗好多杯，又唔知點解冇影到喎。
佢重有青汁（即係草汁？），同埋酢，都冇興趣。
又有呢兜嘢，係新鮮 yogurt ，好似冇人掂過佢。
好喇，先黎兩盤嘢，似係和式，但都冇必要去深究，總之，黎乜就食乜。
先試少少麵包，唔錯，夠新鮮。
跟住，又有卵物、煙肉香腸等洋式食物。
逐樣睇吓：
奄列卵、茄汁。
炒蛋卵，又係茄汁。
咁要補充吓，佢個茄汁，唔係由樽倒出黎嘅一般 ketchup ，一啲都唔酸，蕃茄味又夠，兼內有大量蕃茄肉，就算冇卵用，都可以就咁食，超正。
呢啲，就唔使點用喇。
煙肉香腸，當然，我地又暴殄天物，將煙肉白色部分切除，手起刀落，毫不留情。
呢兩兜，喺出面自助攞嘅，西柚、菠蘿、士多啤梨都超正，一再追加。
但我又鍾意食松籽，咁佢又勁香脆。
其他嘢，有鮭嘅沙律。
有大粒春嘅浸菜。
呢個豆腐， menu 上叫做鍋物，音更產 大袖振大豆使用 湯豆腐，勁。出哂煙，唔係扮鍋。
又有另一個豆腐？應該呢個係屬於洋式嗰邊嘅。
煮嘢，又有豬，又有雞。
燒物，正。
靚嘅豆，就咁食就已經好正。咁呢度係十勝，梗係有靚豆啦。
早餐又有 coffee & tea ，我飲咖啡。
PM 飲茶，加檸檬。
食完好豐富嘅早餐，返房執嘢， check out ，又去番尋日嗰個位。
隔籬，有張長枱，擺咗好多嘢，又有其他擺設。
有人又掛住影相，有人就發現，枱上面，有「大人氣 … お試」呢幾個字。
原來係提子汁同埋青提子汁，有得試飲。
咁佢叫到，我地咪試吓囉。
又幾好飲喎。青提子汁好飲啲，追加，就出事喇。
酒店啲人見我地追加，就即刻做嘢，以接近光速飛奔拎啲茶埋黎俾我地，明嘅，又唔見佢喺我地坐低時就俾茶我地。
三余庵同鶴雅別莊 鄙の座個 style 都好相似，都係一間溫泉酒店嘅高檔版別館，而且，都係要 … 入館除鞋。
咁我地一先一後咁住，少不免要比較吓。
感覺上，鄙の座係一間溫泉酒店（阿媽係女人），啲嘢食係傳統和食，好正，房好大間（即使我地揀嘅係平房），所有嘢都好舒服（大量無料飲品，房內外都有，雖然都係打番條數，但就可以令人無牽掛咁享用），環境、擺設都好幽雅，服務又殷勤。
致於三余庵，就感覺似間餐廳多過似溫泉酒店（一間有得留宿同浸溫泉嘅餐廳），啲嘢食冇咁傳統和食，話係懷石但更似西餐又有啲 fusion 咁，都係好食嘅，房就冇咁大間（我地都係揀平嘅房），所有嘢都感覺得好似有啲做作，有啲啲扮上菜，但房內風呂又冇人咁大。
雖然都係揀平嘅房，三余庵就比鄙の座貴一截。我同 PM 都覺得鄙の座贏哂。
但之前 research 時，見到有其他 blog 友鍾意三余庵鍾意到住齊哂佢咁多間房，可見感覺係好主觀嘅。咁話哂係貴嘢，都望多兩眼，先走。
我地 check out 後，又坐番佢車去帶廣駅，再搭特急上去釧路。
喺個駅度行咗一陣，有呢間，都幾出名，可以買個便當上車食，不過都係冇買到。
呢架，就係我地會搭嘅特急嘅樣（佢喺對面線去札幌方向），幾靚仔。
我地搭嗰班車，岩重 delay ，話 11:35 ，但已經過咗兩個幾字都未到。同強颱風有關？
架車行到海邊，見到，好大浪。
去到釧路。
一行出個駅，就望到我地今晚落脚嘅 Comfort Hotel ，住咗幾晚溫泉酒店，今晚簡單啲，齋瞓。
徒步由駅行過去，唔使 10 分鐘，先放低嘢，再去醫肚。
間房個 view 係街景，呢張相係食完嘢返黎 check in 後影嘅。
我地又唔係好肚餓，就沿路行咗去幣舞橋，據說，係北海道嘅三大名橋之一，橋嘅兩邊立有 4 座優美嘅人體雕塑，喺夕陽嘅映照之下，會好鬼優雅云云。
咁依家日光日白，冇夕陽，就求其周圍影吓算。
呢條 … 唔係幣舞橋，係我企喺幣舞橋上面，影隔籬嗰條橋。
呢條先係幣舞橋，上面有人體雕塑，不過，好似頭先嗰條靚啲。
周圍影吓，再行。
其實，周圍都冇乜人氣，雖然有啲車，但感覺幾荒凉。
我地行去和商市場，食勝手丼，都算係釧路嘅名物。
入到去，又係，幾鬼冷清。
中間，俾人即買即食嘅枱櫈，都係得一位小姐坐緊喺度。
既來之，則安之。我地去咗呢間度買飯，又買咗塊炸物，同蟹湯。
然後，喺呢間度買餸。
其間， PM 被個香港人阿毛不停推撞，好撚煩。大把貨冇人買，有乜好爭？
我地揀餸，中卜口、牡丹海老、海胆、北寄貝、帆立貝、同埋唔知乜白身魚，用手指指吓就得。
完成品，一兜飯，兩份食。
其實，係 OK 嘅，雖然一啲都唔平。睇個蝦頭有幾大，就知啲蝦幾大隻，可惜，冇得燒埋黎食。
食完，都行咗陣，先走，但就唔太吸引。
離開和商市場，返酒店，有 wi-fi ，上一陣網，個超強台風又近咗。
又出街行吓，但真係冇乜嘢好行，搵到間 100 円店，都消磨到啲時間。
其實條街度好凍，就早啲去食飯。今晚，去食另一個釧路名物，阿婆爐端燒。
入到去，冇其他人，我地又包場。
有漬物，又有隻帆立貝嘅殼，用黎裝垃圾？
未落單時，阿婆正在入定，好整以暇。
落咗單，阿婆就開工。
味噌魷魚，用隻鐵夾箝實，先再上爐。
其他嘢，陸逐上爐。
我地唔係食咗好多嘢，一來，喺和商食完冇耐，二來，呢度啲嘢，幾貴。
我地食咗魷魚、銀鱈魚、北寄貝、同帆立貝。
魷魚 750 ，銀鱈魚 1290 ，北寄貝 1050 ，帆立貝 850 ，可樂 200 ，烏龍茶 250 ，咁就四千幾，如果唔係食完和商冇耐，邊會飽？睇怕食成皮嘢都未飽。
食完，呢度又幾近幣舞橋，又已經黃昏，有啲夕陽，再加上冇其他地方好去，就再行過去條橋度影吓相。
幣舞橋上面嘅人體雕塑，而家就喺夕陽嘅映照之下，我地行嘅呢邊，見到有秋同冬，但就冇乜意欲去行埋另一邊。
周圍，重有其他雕塑。
入夜，越黎越凍，走人。
話哂釧路係北海道東北面地區嘅大漁港城市，冇諗過係咁悶，又冇厘人氣，我地祇係轉車駁腳，半日食兩餐，都好似冇乜地方好去，名物如和商市場、阿婆爐端燒，都唔太吸引。
釧路，總算去過。
Continue …
浸完，然後，先去食早餐。我地又去番尋晚開餐嘅地方，坐番同一張枱，望番同一個草原。
雖然係風和日麗，不過，今朝睇電視，嗰個超強台風，其實繼續上緊黎，又近咗。
餐廳門口放咗咁樣嘅擺設。
呢舊岩鹽，唔知係 Alpine 定 Himalayan ，冇顏究。
但呢樽嘢，就有顏究，因為係呢度嘅名物之一，蜜柑汁，有得飲。
早餐可以揀和式或者洋式，我地一人揀一樣，就試齊哂。
另外，又有啲係自助嘅，主要係飲品同沙律。
生果有幾樣，貴精不貴多，其中，有松籽，正。
又有各款飲品。
哈，睇番上面張 pan 埋去嘅相，個蜜柑汁就放喺上面呢兩樣之間，有個桶用冰鎮住，但唔知點解，冇影到蜜柑汁嘅相。而我地其實又淨係飲佢，飲咗好多杯，又唔知點解冇影到喎。
佢重有青汁（即係草汁？），同埋酢，都冇興趣。
又有呢兜嘢，係新鮮 yogurt ，好似冇人掂過佢。
好喇，先黎兩盤嘢，似係和式，但都冇必要去深究，總之，黎乜就食乜。
先試少少麵包，唔錯，夠新鮮。
跟住，又有卵物、煙肉香腸等洋式食物。
逐樣睇吓：
奄列卵、茄汁。
炒蛋卵，又係茄汁。
咁要補充吓，佢個茄汁，唔係由樽倒出黎嘅一般 ketchup ，一啲都唔酸，蕃茄味又夠，兼內有大量蕃茄肉，就算冇卵用，都可以就咁食，超正。
呢啲，就唔使點用喇。
煙肉香腸，當然，我地又暴殄天物，將煙肉白色部分切除，手起刀落，毫不留情。
呢兩兜，喺出面自助攞嘅，西柚、菠蘿、士多啤梨都超正，一再追加。
但我又鍾意食松籽，咁佢又勁香脆。
其他嘢，有鮭嘅沙律。
有大粒春嘅浸菜。
呢個豆腐， menu 上叫做鍋物，音更產 大袖振大豆使用 湯豆腐，勁。出哂煙，唔係扮鍋。
又有另一個豆腐？應該呢個係屬於洋式嗰邊嘅。
煮嘢，又有豬，又有雞。
燒物，正。
靚嘅豆，就咁食就已經好正。咁呢度係十勝，梗係有靚豆啦。
早餐又有 coffee & tea ，我飲咖啡。
PM 飲茶，加檸檬。
食完好豐富嘅早餐，返房執嘢， check out ，又去番尋日嗰個位。
隔籬，有張長枱，擺咗好多嘢，又有其他擺設。
有人又掛住影相，有人就發現，枱上面，有「大人氣 … お試」呢幾個字。
原來係提子汁同埋青提子汁，有得試飲。
咁佢叫到，我地咪試吓囉。
又幾好飲喎。青提子汁好飲啲，追加，就出事喇。
酒店啲人見我地追加，就即刻做嘢，以接近光速飛奔拎啲茶埋黎俾我地，明嘅，又唔見佢喺我地坐低時就俾茶我地。
三余庵同鶴雅別莊 鄙の座個 style 都好相似，都係一間溫泉酒店嘅高檔版別館，而且，都係要 … 入館除鞋。
咁我地一先一後咁住，少不免要比較吓。
感覺上，鄙の座係一間溫泉酒店（阿媽係女人），啲嘢食係傳統和食，好正，房好大間（即使我地揀嘅係平房），所有嘢都好舒服（大量無料飲品，房內外都有，雖然都係打番條數，但就可以令人無牽掛咁享用），環境、擺設都好幽雅，服務又殷勤。
致於三余庵，就感覺似間餐廳多過似溫泉酒店（一間有得留宿同浸溫泉嘅餐廳），啲嘢食冇咁傳統和食，話係懷石但更似西餐又有啲 fusion 咁，都係好食嘅，房就冇咁大間（我地都係揀平嘅房），所有嘢都感覺得好似有啲做作，有啲啲扮上菜，但房內風呂又冇人咁大。
雖然都係揀平嘅房，三余庵就比鄙の座貴一截。我同 PM 都覺得鄙の座贏哂。
但之前 research 時，見到有其他 blog 友鍾意三余庵鍾意到住齊哂佢咁多間房，可見感覺係好主觀嘅。咁話哂係貴嘢，都望多兩眼，先走。
我地 check out 後，又坐番佢車去帶廣駅，再搭特急上去釧路。
喺個駅度行咗一陣，有呢間，都幾出名，可以買個便當上車食，不過都係冇買到。
呢架，就係我地會搭嘅特急嘅樣（佢喺對面線去札幌方向），幾靚仔。
我地搭嗰班車，岩重 delay ，話 11:35 ，但已經過咗兩個幾字都未到。同強颱風有關？
架車行到海邊，見到，好大浪。
去到釧路。
一行出個駅，就望到我地今晚落脚嘅 Comfort Hotel ，住咗幾晚溫泉酒店，今晚簡單啲，齋瞓。
徒步由駅行過去，唔使 10 分鐘，先放低嘢，再去醫肚。
間房個 view 係街景，呢張相係食完嘢返黎 check in 後影嘅。
我地又唔係好肚餓，就沿路行咗去幣舞橋，據說，係北海道嘅三大名橋之一，橋嘅兩邊立有 4 座優美嘅人體雕塑，喺夕陽嘅映照之下，會好鬼優雅云云。
咁依家日光日白，冇夕陽，就求其周圍影吓算。
呢條 … 唔係幣舞橋，係我企喺幣舞橋上面，影隔籬嗰條橋。
呢條先係幣舞橋，上面有人體雕塑，不過，好似頭先嗰條靚啲。
周圍影吓，再行。
其實，周圍都冇乜人氣，雖然有啲車，但感覺幾荒凉。
我地行去和商市場，食勝手丼，都算係釧路嘅名物。
入到去，又係，幾鬼冷清。
中間，俾人即買即食嘅枱櫈，都係得一位小姐坐緊喺度。
既來之，則安之。我地去咗呢間度買飯，又買咗塊炸物，同蟹湯。
然後，喺呢間度買餸。
其間， PM 被個香港人阿毛不停推撞，好撚煩。大把貨冇人買，有乜好爭？
我地揀餸，中卜口、牡丹海老、海胆、北寄貝、帆立貝、同埋唔知乜白身魚，用手指指吓就得。
完成品，一兜飯，兩份食。
其實，係 OK 嘅，雖然一啲都唔平。睇個蝦頭有幾大，就知啲蝦幾大隻，可惜，冇得燒埋黎食。
食完，都行咗陣，先走，但就唔太吸引。
離開和商市場，返酒店，有 wi-fi ，上一陣網，個超強台風又近咗。
又出街行吓，但真係冇乜嘢好行，搵到間 100 円店，都消磨到啲時間。
其實條街度好凍，就早啲去食飯。今晚，去食另一個釧路名物，阿婆爐端燒。
入到去，冇其他人，我地又包場。
有漬物，又有隻帆立貝嘅殼，用黎裝垃圾？
未落單時，阿婆正在入定，好整以暇。
落咗單，阿婆就開工。
味噌魷魚，用隻鐵夾箝實，先再上爐。
其他嘢，陸逐上爐。
我地唔係食咗好多嘢，一來，喺和商食完冇耐，二來，呢度啲嘢，幾貴。
我地食咗魷魚、銀鱈魚、北寄貝、同帆立貝。
魷魚 750 ，銀鱈魚 1290 ，北寄貝 1050 ，帆立貝 850 ，可樂 200 ，烏龍茶 250 ，咁就四千幾，如果唔係食完和商冇耐，邊會飽？睇怕食成皮嘢都未飽。
食完，呢度又幾近幣舞橋，又已經黃昏，有啲夕陽，再加上冇其他地方好去，就再行過去條橋度影吓相。
幣舞橋上面嘅人體雕塑，而家就喺夕陽嘅映照之下，我地行嘅呢邊，見到有秋同冬，但就冇乜意欲去行埋另一邊。
周圍，重有其他雕塑。
入夜，越黎越凍，走人。
話哂釧路係北海道東北面地區嘅大漁港城市，冇諗過係咁悶，又冇厘人氣，我地祇係轉車駁腳，半日食兩餐，都好似冇乜地方好去，名物如和商市場、阿婆爐端燒，都唔太吸引。
釧路，總算去過。
Continue …
沒有留言:
發佈留言