2012年9月29日 Saturday ( day 3 )
開始寫呢個 trip 時，話明唔想被人話個 Blog 淨係得食嘢，所以，今日去逛美術館，就啱哂。
我地今日去 Miho Museum。
起身食早餐，尋晚買咗麵包，我再追加尋日朝喺神戶 Sogo 買嗰個紅豆煎餅。
今日天色唔算好，雖然未落雨，但又有個颱風由台灣上緊黎，冇咁黑仔掛？上次去北海道已經斷正，今次又黎？
呢個波波，夜晚會有燈光繞住個紅圈轉。
要去 Miho Museum，要先去石山駅，再轉巴士上山。
去到石山駅，重有幾個字時間，喺個駅嘅周邊逛吓。
我地搭最早 09:10 發嘅巴士，帝産巴士。
上到山，天氣好番啲，多雲但總算天晴。
落車後經過停車場，哈！有少少紅葉，好過冇，反正本來都冇諗過會有。
前面，就係 Reception，去嗰度買飛。
樓梯旁，有 poster 介紹佢而家嘅展品，係啲土偶。
呢度係間 Museum，中文叫美術館，本來應該係俾人欣賞佢展出品嘅地方，但我唔知其他人係咪咁，我地黎就係想睇間 Museum，多過想睇佢嘅展品，而事實上喺黎之前我地都冇理佢係展啲乜。都幾無奈地喧賓奪主，起碼我地當年去羅浮宮時，都覺得一定要睇吓蒙娜麗莎同大衛像，而唔係將同樣係貝聿銘設計嘅玻璃金字塔當主角。
我地買咗飛，然後採取「逆向」遊覽法，即係人羣去呢度，我地就去嗰度。
當大多數人買完飛都喺 Reception 度影相，我地即刻上車閃，係架電動車，冇污染。
由呢條路上山。
穿過隧道，就見到間 Museum。
喺 Museum 前嘅空地落車，趁未有其他人，可以影靚相。
然後返轉頭，影吓條吊橋同隧道。
欄杆同地面都好靚。
睇佢短片介紹，美術館嘅設計係滲入咗桃花源嘅概念，所以要有條隧道，以形做世外嘅感覺。
但喺我專心咁感受緊條隧道嘅時空感嘅時候，就出現咗 … 路人甲。
其他人冇坐電動車嘅，都開始經隧道行上黎，我地就走頭，上去 Museum。
哈！樓梯旁，又有一棵樹有紅葉。
上！
由正門入去，再望番轉頭，有對稱美。
入館後，首先見到棵松樹同埋張長凳，都係呢度嘅名物。
由棵松樹望去對面山，好似係教堂同鐘。
我地周圍行，又去睇片，係條介紹佢建築嘅短片。
睇完條短片，就知有錢使得鬼推磨嘅道埋。
地方，揀個遠離煩囂嘅山，所以要自己起埋條路上山，建築材料又要山長水遠運上黎，而且要喺山坡上做工程。而概念，要桃花源，要世外，所以要開山劈石做條隧道，再起條吊橋，跨過山谷。最後，建築，要融入山野，先掘起山坡表面，將館嘅大部分藏喺山坡裏面，再舖番泥種番樹。
一年四季，一日早晚，都有唔同嘅景色。
而我地，祇喺呢一日嘅呢一段時間，睇到佢呢一個樣貌。
睇完片，我就留意佢，用料同細節，一條木、一口螺絲，都咁靚。
繼續行，呢個笑臉像，都係呢度嘅名物。
雖然間館好靚，但點喧賓奪主，都要去欣賞吓佢嘅展品嘅。
展覽廳內禁止攝影，但係我影咗幾張先知，所以，都 show 一張出黎啦。
我同 PM 有行哂佢所有展覽廳，而喺唔同嘅地方，我地分別見到兩個自己友，一男一女，都係香港黎嘅，係館內負責介紹展品嘅職員。
而估唔到係，我地一心黎呢度，山長水遠，滿腔熱誠，為咗睇美術館，睇貝聿銘嘅建築，呢個咁高尚咁優雅嘅活動，會因為遇到呢兩個香港人而變質。
我地先遇到港女。（純粹簡稱，並無貶義。）
女：「你地都係香港黎？記得食埋嘢先走，一定要試吓個豆腐，同埋個意粉。」
然後，再遇到港男。（都係簡稱，並無貶義。）
男：「呢度個意粉好好食，甜品都唔好錯過。」
呢度有間餐廳，叫 Peach Valley，喺下面 Reception 處，又有間 Café，叫 Pine View，喺館內。我地問清楚時間地點，幾時有 lunch 食，同幾時有 tea 食，就做嘢。
搭番架電動車落去。
睇個樣，好似學校嘅飯堂咁。
Peach Valley
我叫個意粉，唔使揀，得一味，野菜。
意粉，非常彈牙，野菜，非常鮮甜。以致佢冇肉，我都俾滿分佢。
諗番最近（係去完返黎而家寫 Blog 嘅最近），我喺間好高（高過一百層樓）嘅高級意大利餐廳食意粉，我見個意粉未熟透，個蕊重係硬嘅，問佢，佢就話係專登唔煮熟，以增加 al dante，而佢講嘅時候，甚至好似有啲擔心並懷疑我可能會唔識佢講嘅係乜咁。佢係高級餐廳我唔同佢 argue，但我喺呢度好似飯堂咁嘅地方就食過個煮熟但依然彈牙到極嘅意粉，所以對佢所講嘅嘢更加不以為然兼冇反應，而佢就更加覺得我唔知佢講乜。
講番呢度，個麵包都唔錯，好高水準。
PM 就叫咗個野菜天婦羅烏冬，再加單品豆腐。
先講個豆腐，簡單講，豆腐有豆味，但我地都從來冇食過咁濃豆味嘅豆腐，甚至冇諗過豆腐可以濃味到咁嘅地步，我有啲擔心，以後重點去面對其他豆腐？
野菜天婦羅，鮮甜唔使講，炸得亦有水準。
個烏冬又係超彈牙。我冇顏究過，烏冬好似大概分粗（讚岐）同幼（稻庭）兩種，食過佐藤養助（東京 / 九龍站圓方）就知稻庭烏冬有幾彈牙，反而好似從來冇食過彈牙嘅粗烏冬，以致一直以為粗烏冬唔彈牙，例如茶餐廳嘅豬扒炒烏冬咁。今日先知，粗烏冬都可以咁彈牙。
好意外嘅一餐，好有臥虎藏龍嘅感覺。
食完，PM 搭電動車上返去。
我就徒步，去感受吓尋找桃花源。
隧道裏，一切，都變得好虛幻，而且遙遠。
惟有欣賞吓建築師喺微細處都用心嘅功架，先感覺到一啲實在。
架車又返落黎，來來回回間，好似十年如一日，好似一切都唔會改變，好似時間停頓咗。
見到盡頭，見到出口，彷彿那裏，真的「不知有漢，無論魏、晉。」
回頭，望向隧道，又有種世外嘅感覺。
有別於嗰啲搭車嘅人，我係行上黎，頭先嗰餐，就去得七七八八。行多一陣，就食甜品。
館內間 Café，一樣係似間學校嘅飯堂咁。
Pine View
我地坐近窗，窗外有庭園，真係有松景，好靚。
PM 食個日式甜品。
有個黑糖，自己加。
有兩片昆布，鹹嘅，以鹹甜相間，感受味覺嘅變化。
杯茶唔錯，隻杯亦好靚。
我就食西式，無花果 tart 加凍檸茶，都係，正。
好無奈咁，諗咗幾年，先決定，同拿出決心，黎行呢個美術館，最終，又變成係食，天意如此，惟有食個痛快。
走得，搭返電動車落去，再等巴士落山。
又望吓棵有紅葉嘅樹。
咦？樹下面，好似係草地嘅，原來，唔係！
我走埋去，烏低身，睇真啲，唔係草，係好靚嘅 唔 知 乜 。
再黎個鳥瞰 close up，睇大師嘅嘢，真係要小心地仔細，唔係，可能會錯過好多嘢。
行完 Miho Museum，搭番巴士落山，再搭 JR 返京都駅。
行吓京都駅，買吓和菓子。
之前買過呢個豆腐，幾好食，雖然冇辦法同頭先喺 Miho 食嗰個比，但都買啦。
買完，就去宇治，行出個駅，轉個彎，就到我地嘅目的地。
中村藤吉 本店
呢餐係一早 plan 咗，雖然頗意外地喺 Miho 食咗個甜品，但都唔應該影響到原先嘅計劃。
撥開塊布簾，行入去，前面係舖，後面係喫茶室。
經過個舖，再行入去，有個庭園，然後就係喫茶室。
有室外嘅位，對住庭園，但幾凍。
我地坐室內。
未有得食，我去門口影吓。
PM 叫咗呢個，抹茶 mix 雲呢拿軟雪糕，加一劈紅豆，同埋幾粒糯米糍。
我就食呢個，有綠茶雪糕、紅豆、糯米糍，重有抹茶啫喱，同埋一杯凍綠茶。
用個竹筒裝住，有隔熱作用，雪糕同啫喱都保持住低溫。
個啫喱好正。
但冇諗到，喺日本，喺間咁老字號嘅舖，menu 同實物會差咁遠。
雖然，有少少敗筆，但都係超正。
食完，沿大街行過去宇治川嗰邊。街上，有無數茶店。
宇治川旁，有條平等院表參道。
呢度都有間中村藤吉，平等院店，但收咗舖。
又有呢個成日見嘅綠茶牌子。
我地搭 JR 黎，行去搭京阪宇治線走，單方向唔使行回頭路，好快行完平等院表參道，就過橋。
我地搭京阪宇治線，啲車同車廂裏面都係綠色，襯番宇治嘅名物，綠茶。
我地去蹴上，去到，已經天黑，徒步行去南禪寺，去食豆腐。
途中，喺路旁見到有條荒廢咗嘅鐵路，當時唔知係乜，返黎香港後 check 番，原來叫做傾斜鐵路，係賞櫻嘅好地方，有機會都要黎呢度賞吓櫻。
行唔使 10 分鐘，就到。
順正
入去，轉幾個彎，再經過一個庭園，庭園後面就係個食堂。
個食堂，係咁樣。
我地黎呢度係想食個湯葉鍋，就叫咗個有湯葉鍋嘅 set。
先黎呢堆嘢。
飲杯豆漿。
再食呢啲。
重有呢舊，鯖魚寿司。
然後，有刺身。
跟住，係今日主角，湯葉鍋，放落黎，點火。
有張英文說明書，教人點整。
好快，就開始有蒸汽，豆漿表面開始凝結。
呢個時候，有個靚仔走埋黎，真人表演，即席示範，用竹籤繞鍋邊兜個圈，將凝結喺豆漿表面嘅薄膜切離鍋邊，再用竹籤輕巧咁將塊膜（佢地叫湯葉，我地叫腐竹皮）挑起。
原整，好大塊。
然後，將塊湯葉放落個柚子汁裏面，就即刻變凍，食得，正！
有別於我地平時食嘅冇味腐竹（主要功用係放喺羊腩煲入面去索啲汁），呢個湯葉有豆味，好滑，配柚子汁超正。
有人（唔講邊個）就話：咁好易啫。
然後，拎起枝竹籤，照做。
然後，再接再厲。
然後，就話：放落個柚子汁度咪一樣。
其間，繼續有其他嘢食。
呢隻碗好靚。
又有魚、茄子、蘿蔔。
呢兩條燒豆腐，一個似豆卜，配赤味噌，一個就煙韌，配黃味噌，燒到香口，兩個都咁好食。
個湯葉鍋，搞到見底，都依然重係咁 …
茶碗蒸，好滑。
最後，有飯、漬物、味噌汁。
飯，有栗子。味噌汁，好濃。
我地趁冇人，揭起個鍋睇吓，裏面有水，隔水去蒸上面嘅豆漿。
其實個豆漿大約得 1 cm 深，佢話可以造 5 至 6 塊湯葉，好心佢咪咁孤寒，俾多啲人唔使死。
我地又望吓其他人，有枱 3 個人，唔知水深係咪一樣呢？係就唔抵啦。
甜品，有生果、啫喱、豆腐。
都係嗰句，好心俾多啲啫喱啦。
呢餐，都唔錯，自製湯葉，亦好特別，值得一試。食完，就返歸。
←Last Day ●● Other ●● Next Day→
開始寫呢個 trip 時，話明唔想被人話個 Blog 淨係得食嘢，所以，今日去逛美術館，就啱哂。
我地今日去 Miho Museum。
起身食早餐，尋晚買咗麵包，我再追加尋日朝喺神戶 Sogo 買嗰個紅豆煎餅。
今日天色唔算好，雖然未落雨，但又有個颱風由台灣上緊黎，冇咁黑仔掛？上次去北海道已經斷正，今次又黎？
呢個波波，夜晚會有燈光繞住個紅圈轉。
要去 Miho Museum，要先去石山駅，再轉巴士上山。
去到石山駅，重有幾個字時間，喺個駅嘅周邊逛吓。
我地搭最早 09:10 發嘅巴士，帝産巴士。
上到山，天氣好番啲，多雲但總算天晴。
落車後經過停車場，哈！有少少紅葉，好過冇，反正本來都冇諗過會有。
前面，就係 Reception，去嗰度買飛。
樓梯旁，有 poster 介紹佢而家嘅展品，係啲土偶。
呢度係間 Museum，中文叫美術館，本來應該係俾人欣賞佢展出品嘅地方，但我唔知其他人係咪咁，我地黎就係想睇間 Museum，多過想睇佢嘅展品，而事實上喺黎之前我地都冇理佢係展啲乜。都幾無奈地喧賓奪主，起碼我地當年去羅浮宮時，都覺得一定要睇吓蒙娜麗莎同大衛像，而唔係將同樣係貝聿銘設計嘅玻璃金字塔當主角。
我地買咗飛，然後採取「逆向」遊覽法，即係人羣去呢度，我地就去嗰度。
當大多數人買完飛都喺 Reception 度影相，我地即刻上車閃，係架電動車，冇污染。
由呢條路上山。
穿過隧道，就見到間 Museum。
喺 Museum 前嘅空地落車，趁未有其他人，可以影靚相。
然後返轉頭，影吓條吊橋同隧道。
欄杆同地面都好靚。
睇佢短片介紹，美術館嘅設計係滲入咗桃花源嘅概念，所以要有條隧道，以形做世外嘅感覺。
但喺我專心咁感受緊條隧道嘅時空感嘅時候，就出現咗 … 路人甲。
其他人冇坐電動車嘅，都開始經隧道行上黎，我地就走頭，上去 Museum。
哈！樓梯旁，又有一棵樹有紅葉。
上！
由正門入去，再望番轉頭，有對稱美。
入館後，首先見到棵松樹同埋張長凳，都係呢度嘅名物。
由棵松樹望去對面山，好似係教堂同鐘。
我地周圍行，又去睇片，係條介紹佢建築嘅短片。
睇完條短片，就知有錢使得鬼推磨嘅道埋。
地方，揀個遠離煩囂嘅山，所以要自己起埋條路上山，建築材料又要山長水遠運上黎，而且要喺山坡上做工程。而概念，要桃花源，要世外，所以要開山劈石做條隧道，再起條吊橋，跨過山谷。最後，建築，要融入山野，先掘起山坡表面，將館嘅大部分藏喺山坡裏面，再舖番泥種番樹。
一年四季，一日早晚，都有唔同嘅景色。
而我地，祇喺呢一日嘅呢一段時間，睇到佢呢一個樣貌。
睇完片，我就留意佢，用料同細節，一條木、一口螺絲，都咁靚。
繼續行，呢個笑臉像，都係呢度嘅名物。
雖然間館好靚，但點喧賓奪主，都要去欣賞吓佢嘅展品嘅。
展覽廳內禁止攝影，但係我影咗幾張先知，所以，都 show 一張出黎啦。
我同 PM 有行哂佢所有展覽廳，而喺唔同嘅地方，我地分別見到兩個自己友，一男一女，都係香港黎嘅，係館內負責介紹展品嘅職員。
而估唔到係，我地一心黎呢度，山長水遠，滿腔熱誠，為咗睇美術館，睇貝聿銘嘅建築，呢個咁高尚咁優雅嘅活動，會因為遇到呢兩個香港人而變質。
我地先遇到港女。（純粹簡稱，並無貶義。）
女：「你地都係香港黎？記得食埋嘢先走，一定要試吓個豆腐，同埋個意粉。」
然後，再遇到港男。（都係簡稱，並無貶義。）
男：「呢度個意粉好好食，甜品都唔好錯過。」
呢度有間餐廳，叫 Peach Valley，喺下面 Reception 處，又有間 Café，叫 Pine View，喺館內。我地問清楚時間地點，幾時有 lunch 食，同幾時有 tea 食，就做嘢。
搭番架電動車落去。
睇個樣，好似學校嘅飯堂咁。
Peach Valley
我叫個意粉，唔使揀，得一味，野菜。
意粉，非常彈牙，野菜，非常鮮甜。以致佢冇肉，我都俾滿分佢。
諗番最近（係去完返黎而家寫 Blog 嘅最近），我喺間好高（高過一百層樓）嘅高級意大利餐廳食意粉，我見個意粉未熟透，個蕊重係硬嘅，問佢，佢就話係專登唔煮熟，以增加 al dante，而佢講嘅時候，甚至好似有啲擔心並懷疑我可能會唔識佢講嘅係乜咁。佢係高級餐廳我唔同佢 argue，但我喺呢度好似飯堂咁嘅地方就食過個煮熟但依然彈牙到極嘅意粉，所以對佢所講嘅嘢更加不以為然兼冇反應，而佢就更加覺得我唔知佢講乜。
講番呢度，個麵包都唔錯，好高水準。
PM 就叫咗個野菜天婦羅烏冬，再加單品豆腐。
先講個豆腐，簡單講，豆腐有豆味，但我地都從來冇食過咁濃豆味嘅豆腐，甚至冇諗過豆腐可以濃味到咁嘅地步，我有啲擔心，以後重點去面對其他豆腐？
野菜天婦羅，鮮甜唔使講，炸得亦有水準。
個烏冬又係超彈牙。我冇顏究過，烏冬好似大概分粗（讚岐）同幼（稻庭）兩種，食過佐藤養助（東京 / 九龍站圓方）就知稻庭烏冬有幾彈牙，反而好似從來冇食過彈牙嘅粗烏冬，以致一直以為粗烏冬唔彈牙，例如茶餐廳嘅豬扒炒烏冬咁。今日先知，粗烏冬都可以咁彈牙。
好意外嘅一餐，好有臥虎藏龍嘅感覺。
食完，PM 搭電動車上返去。
我就徒步，去感受吓尋找桃花源。
隧道裏，一切，都變得好虛幻，而且遙遠。
惟有欣賞吓建築師喺微細處都用心嘅功架，先感覺到一啲實在。
架車又返落黎，來來回回間，好似十年如一日，好似一切都唔會改變，好似時間停頓咗。
見到盡頭，見到出口，彷彿那裏，真的「不知有漢，無論魏、晉。」
回頭，望向隧道，又有種世外嘅感覺。
有別於嗰啲搭車嘅人，我係行上黎，頭先嗰餐，就去得七七八八。行多一陣，就食甜品。
館內間 Café，一樣係似間學校嘅飯堂咁。
Pine View
我地坐近窗，窗外有庭園，真係有松景，好靚。
PM 食個日式甜品。
有個黑糖，自己加。
有兩片昆布，鹹嘅，以鹹甜相間，感受味覺嘅變化。
杯茶唔錯，隻杯亦好靚。
我就食西式，無花果 tart 加凍檸茶，都係，正。
好無奈咁，諗咗幾年，先決定，同拿出決心，黎行呢個美術館，最終，又變成係食，天意如此，惟有食個痛快。
走得，搭返電動車落去，再等巴士落山。
又望吓棵有紅葉嘅樹。
咦？樹下面，好似係草地嘅，原來，唔係！
我走埋去，烏低身，睇真啲，唔係草，係好靚嘅 唔 知 乜 。
再黎個鳥瞰 close up，睇大師嘅嘢，真係要小心地仔細，唔係，可能會錯過好多嘢。
行完 Miho Museum，搭番巴士落山，再搭 JR 返京都駅。
行吓京都駅，買吓和菓子。
之前買過呢個豆腐，幾好食，雖然冇辦法同頭先喺 Miho 食嗰個比，但都買啦。
買完，就去宇治，行出個駅，轉個彎，就到我地嘅目的地。
中村藤吉 本店
呢餐係一早 plan 咗，雖然頗意外地喺 Miho 食咗個甜品，但都唔應該影響到原先嘅計劃。
撥開塊布簾，行入去，前面係舖，後面係喫茶室。
經過個舖，再行入去，有個庭園，然後就係喫茶室。
有室外嘅位，對住庭園，但幾凍。
我地坐室內。
未有得食，我去門口影吓。
PM 叫咗呢個，抹茶 mix 雲呢拿軟雪糕，加一劈紅豆，同埋幾粒糯米糍。
我就食呢個，有綠茶雪糕、紅豆、糯米糍，重有抹茶啫喱，同埋一杯凍綠茶。
用個竹筒裝住，有隔熱作用，雪糕同啫喱都保持住低溫。
個啫喱好正。
但冇諗到，喺日本，喺間咁老字號嘅舖，menu 同實物會差咁遠。
雖然，有少少敗筆，但都係超正。
食完，沿大街行過去宇治川嗰邊。街上，有無數茶店。
宇治川旁，有條平等院表參道。
呢度都有間中村藤吉，平等院店，但收咗舖。
又有呢個成日見嘅綠茶牌子。
我地搭 JR 黎，行去搭京阪宇治線走，單方向唔使行回頭路，好快行完平等院表參道，就過橋。
我地搭京阪宇治線，啲車同車廂裏面都係綠色，襯番宇治嘅名物，綠茶。
我地去蹴上，去到，已經天黑，徒步行去南禪寺，去食豆腐。
途中，喺路旁見到有條荒廢咗嘅鐵路，當時唔知係乜，返黎香港後 check 番，原來叫做傾斜鐵路，係賞櫻嘅好地方，有機會都要黎呢度賞吓櫻。
行唔使 10 分鐘，就到。
順正
入去，轉幾個彎，再經過一個庭園，庭園後面就係個食堂。
個食堂，係咁樣。
我地黎呢度係想食個湯葉鍋，就叫咗個有湯葉鍋嘅 set。
先黎呢堆嘢。
飲杯豆漿。
再食呢啲。
重有呢舊，鯖魚寿司。
然後，有刺身。
跟住，係今日主角，湯葉鍋，放落黎，點火。
有張英文說明書，教人點整。
好快，就開始有蒸汽，豆漿表面開始凝結。
呢個時候，有個靚仔走埋黎，真人表演，即席示範，用竹籤繞鍋邊兜個圈，將凝結喺豆漿表面嘅薄膜切離鍋邊，再用竹籤輕巧咁將塊膜（佢地叫湯葉，我地叫腐竹皮）挑起。
原整，好大塊。
然後，將塊湯葉放落個柚子汁裏面，就即刻變凍，食得，正！
有別於我地平時食嘅冇味腐竹（主要功用係放喺羊腩煲入面去索啲汁），呢個湯葉有豆味，好滑，配柚子汁超正。
有人（唔講邊個）就話：咁好易啫。
然後，拎起枝竹籤，照做。
然後，再接再厲。
然後，就話：放落個柚子汁度咪一樣。
其間，繼續有其他嘢食。
呢隻碗好靚。
又有魚、茄子、蘿蔔。
呢兩條燒豆腐，一個似豆卜，配赤味噌，一個就煙韌，配黃味噌，燒到香口，兩個都咁好食。
個湯葉鍋，搞到見底，都依然重係咁 …
茶碗蒸，好滑。
最後，有飯、漬物、味噌汁。
飯，有栗子。味噌汁，好濃。
我地趁冇人，揭起個鍋睇吓，裏面有水，隔水去蒸上面嘅豆漿。
其實個豆漿大約得 1 cm 深，佢話可以造 5 至 6 塊湯葉，好心佢咪咁孤寒，俾多啲人唔使死。
我地又望吓其他人，有枱 3 個人，唔知水深係咪一樣呢？係就唔抵啦。
甜品，有生果、啫喱、豆腐。
都係嗰句，好心俾多啲啫喱啦。
呢餐，都唔錯，自製湯葉，亦好特別，值得一試。食完，就返歸。
←Last Day ●● Other ●● Next Day→
沒有留言:
發佈留言