2011年10月14日 Friday ( day 3 )
住咗兩晚 Sentosa 嘅硬石酒店，今朝 check out ，然後轉移去 Marina Bay Sands ，又住兩晚。
入黎 Sentosa 可以搭地鐵加行路，但去 MBS 就離地鐵站遠啲，而且，呢度搭 Sentosa Express 兩個站出番個島都唔平，就索性搭的士（佢地叫德士）直去 MBS 。一路坐，一路四圍望，車內有收費表，咦？乜繁忙時間會貴啲？重貴成 35% 咁多！繁忙時間到 9 點半完，睇吓錶， 9 點 4 個字過啲啲。頂，又中伏。
到咗 MBS ，未夠鐘 check in ，就先放低兩隻背囊，然後輕身上路，去食早餐。
由 MBS 搭巴士去黃亞細肉骨茶嘅本店，落咗車重要行兩三個字，雖然係朝早，都幾晒。
我地坐喺條窄巷。
PM 叫 menu 上嗰個招牌排骨湯，係最貴嘅項目。咁我唔叫埋同一樣，就叫咗個招牌肉骨湯，撈亂食，就等於兩個混合，但咁樣平啲。
招牌排骨湯，超正。
招牌肉骨湯，嘅骨位冇咁靚，但個湯係一樣嘅。
又叫咗兜油炸鬼，但係冧嘅。
近睇舊貴啲嘅排骨，幾樣好。
又有個杰撻撻黑色甜豉油，原來唔止點海南雞同早兩日點蝦正，點豬骨肉都咁正，定係，其實佢點乜都咁正。
食完，飲番幾杯茶，先走。
之後，喺 MBS 嘅 food court 度嘅黃亞細，都食咗碗肉骨茶做宵夜，比較之下，本店正好多，不枉我地長途跋涉去到咁遠去食佢嘅本店。
食完肉骨茶，搭番車過近 Clarke Quay 嗰邊周圍行，無乜目的地，行到夠鐘食 lunch 。
跟住呢餐，去 Raffles ，一間有過百年歷史嘅酒店，嘅 Long Bar Steakhouse 鋸扒。
酒店好矮，中間有內園。
入到去，又包場？有啲不妙。
好似重有另一邊，而廚房亦有做緊嘢，睇怕係有其他人嘅。
先黎麵包，吓？乜咁一般，樓下 Outback 都好食過佢。
PM 叫牛，咁我就食魚囉。
牛扒，算 OK ，不過不失。
有 3 款芥辣可以揀。
我舊魚，好似 … 有啲乾， over 咗。
以喺西餐廳（唔計高唔高級）食嘅魚黎講，呢舊，都算難食，又乾又柴皮，而且冇乜味。又中伏。
到甜品，我祇能夠話，係非常之普通以致覺得佢冇誠意甚至幾求其。
就算冇包場，以我地所見，佢都係得幾丁友幫襯。
其實間酒店有啲陰沈，我諗，夜晚會幾恐怖。
食完 Long Bar Steakhouse ，由酒店後面落番街，繼續四圍行。
之前，有諗過去逸群食海南雞飯，係蔡瀾「人生必去的餐廳」之一，但上網 check 又好似麻麻，唔食都去睇吓。
果然，幾唔吸引。
兜咗個圈，又行番去 Raffles 嘅正門嗰邊。
行吓行吓，突然間，就落雨。返酒店先。
返到酒店， check in ，返房，都幾大，不過係向外海，而唔係向內灣嘅 city view 。
天色依然麻麻，不過停咗雨，行得。
搭巴士出烏節路，四圍行，搵 tea 食。
到達。
呢間 jewels artisan chocolate ，有唔少書介紹，上網 check ，又好勁咁，攞乜獎物獎，睇佢 display ，又幾 high 。
咁我地就叫個 tea set 食吓啦。
其實，又唔係特別好食。當然，係好食嘅，不過未致於講到咁勁，喺香港 high tea 食到嘅，都唔差過佢。
食完，繼續喺烏節路行商場。
嘩！厲害。
行行吓，見到呢間亞坤，係名物，雖然係連所店，都要試吓，而且行到幾口渴，都想坐低飲杯嘢。
先黎大杯 iced tea ，再加一件咖央多，兩分食。
坐一陣，又繼續行。
呢個 Visitors Centre ，幾樣好。
夜晚，去老巴剎食串燒。
先入去裏面兜吓。
入面有隊 band ，有啲嘈。
而且想食嘅串燒，喺出面，就出番去。出面，都多人啲。
PM 話黎之前顏究過， 7 同 8 號舖最多人幫襯，我地就去食佢。
佢地一路燒，一路笑，睇得出真係開心咁燒。
但又係認真用心做，冇求其，唔係玩。
我地食個有肉有蝦嘅 set
再追加雞翼，同蝦。
食完，行過 Fullerton Hotel 嗰邊，影吓相。
旁邊，有條橋，藍色嘅。
跟住，行番過 Marina Bay 嗰邊，去獅城嘅地標嗰度。
咁佢又真係幾細隻。後面，遠處，係榴槤劇院。
內灣對面，就係我地住嘅 Sands Hotel 。
左邊係嗰朵嘢，同埋摩天輪。
到咗約 11 點，就有好似我地嘅幻彩 fing 香江。
Close up 影，嗰朵嘢。
Continue …
入黎 Sentosa 可以搭地鐵加行路，但去 MBS 就離地鐵站遠啲，而且，呢度搭 Sentosa Express 兩個站出番個島都唔平，就索性搭的士（佢地叫德士）直去 MBS 。一路坐，一路四圍望，車內有收費表，咦？乜繁忙時間會貴啲？重貴成 35% 咁多！繁忙時間到 9 點半完，睇吓錶， 9 點 4 個字過啲啲。頂，又中伏。
到咗 MBS ，未夠鐘 check in ，就先放低兩隻背囊，然後輕身上路，去食早餐。
由 MBS 搭巴士去黃亞細肉骨茶嘅本店，落咗車重要行兩三個字，雖然係朝早，都幾晒。
我地坐喺條窄巷。
PM 叫 menu 上嗰個招牌排骨湯，係最貴嘅項目。咁我唔叫埋同一樣，就叫咗個招牌肉骨湯，撈亂食，就等於兩個混合，但咁樣平啲。
招牌排骨湯，超正。
招牌肉骨湯，嘅骨位冇咁靚，但個湯係一樣嘅。
又叫咗兜油炸鬼，但係冧嘅。
近睇舊貴啲嘅排骨，幾樣好。
又有個杰撻撻黑色甜豉油，原來唔止點海南雞同早兩日點蝦正，點豬骨肉都咁正，定係，其實佢點乜都咁正。
食完，飲番幾杯茶，先走。
之後，喺 MBS 嘅 food court 度嘅黃亞細，都食咗碗肉骨茶做宵夜，比較之下，本店正好多，不枉我地長途跋涉去到咁遠去食佢嘅本店。
食完肉骨茶，搭番車過近 Clarke Quay 嗰邊周圍行，無乜目的地，行到夠鐘食 lunch 。
跟住呢餐，去 Raffles ，一間有過百年歷史嘅酒店，嘅 Long Bar Steakhouse 鋸扒。
酒店好矮，中間有內園。
入到去，又包場？有啲不妙。
好似重有另一邊，而廚房亦有做緊嘢，睇怕係有其他人嘅。
先黎麵包，吓？乜咁一般，樓下 Outback 都好食過佢。
PM 叫牛，咁我就食魚囉。
牛扒，算 OK ，不過不失。
有 3 款芥辣可以揀。
我舊魚，好似 … 有啲乾， over 咗。
以喺西餐廳（唔計高唔高級）食嘅魚黎講，呢舊，都算難食，又乾又柴皮，而且冇乜味。又中伏。
到甜品，我祇能夠話，係非常之普通以致覺得佢冇誠意甚至幾求其。
就算冇包場，以我地所見，佢都係得幾丁友幫襯。
其實間酒店有啲陰沈，我諗，夜晚會幾恐怖。
食完 Long Bar Steakhouse ，由酒店後面落番街，繼續四圍行。
之前，有諗過去逸群食海南雞飯，係蔡瀾「人生必去的餐廳」之一，但上網 check 又好似麻麻，唔食都去睇吓。
果然，幾唔吸引。
兜咗個圈，又行番去 Raffles 嘅正門嗰邊。
行吓行吓，突然間，就落雨。返酒店先。
返到酒店， check in ，返房，都幾大，不過係向外海，而唔係向內灣嘅 city view 。
天色依然麻麻，不過停咗雨，行得。
搭巴士出烏節路，四圍行，搵 tea 食。
到達。
呢間 jewels artisan chocolate ，有唔少書介紹，上網 check ，又好勁咁，攞乜獎物獎，睇佢 display ，又幾 high 。
咁我地就叫個 tea set 食吓啦。
其實，又唔係特別好食。當然，係好食嘅，不過未致於講到咁勁，喺香港 high tea 食到嘅，都唔差過佢。
食完，繼續喺烏節路行商場。
嘩！厲害。
行行吓，見到呢間亞坤，係名物，雖然係連所店，都要試吓，而且行到幾口渴，都想坐低飲杯嘢。
先黎大杯 iced tea ，再加一件咖央多，兩分食。
坐一陣，又繼續行。
呢個 Visitors Centre ，幾樣好。
夜晚，去老巴剎食串燒。
先入去裏面兜吓。
入面有隊 band ，有啲嘈。
而且想食嘅串燒，喺出面，就出番去。出面，都多人啲。
PM 話黎之前顏究過， 7 同 8 號舖最多人幫襯，我地就去食佢。
佢地一路燒，一路笑，睇得出真係開心咁燒。
但又係認真用心做，冇求其，唔係玩。
我地食個有肉有蝦嘅 set
再追加雞翼，同蝦。
食完，行過 Fullerton Hotel 嗰邊，影吓相。
旁邊，有條橋，藍色嘅。
跟住，行番過 Marina Bay 嗰邊，去獅城嘅地標嗰度。
咁佢又真係幾細隻。後面，遠處，係榴槤劇院。
內灣對面，就係我地住嘅 Sands Hotel 。
左邊係嗰朵嘢，同埋摩天輪。
到咗約 11 點，就有好似我地嘅幻彩 fing 香江。
Close up 影，嗰朵嘢。
Continue …
沒有留言:
發佈留言