2011年10月15日 Saturday ( day 4 )
補充吓間房，張牀夠大之餘，重夠哂枕頭。
浴室都好大，一邊浴缸，另一邊又有花洒浴。
各項用品，供應齊備。
Sands Hotel 有三幢，天台相連，好似個有 3 隻腳嘅 π 字，簡稱，三叉 π 。
咁佢舊番梘，都係一個三叉 π 。
間房可以話又大又靚，不過，又係冇得無料上網。
酒店 package 包早餐，又知道 Sands 嘅早餐幾得，就一早落去食。反正，尋晚喺老巴剎唔係食咗好多嘢。我地去呢間， rise 。
呢度係喺中空嘅大廈裏面，所以，有高到無倫嘅樓底，好舒服。
自助餐，有好多嘢食，水準算唔錯。主要係亞洲 style ，種類繁多，麵包、沙律、港式點心、粥粉麵、蛋、火腿、煙肉、香腸、生果、等等，未能盡錄。
一坐低，就有人拎咖啡埋黎。
咖啡完全唔得，嘥都冇辦法，冇飲到。改飲果汁， PM 飲西柚汁，我飲橙汁，都好正，一再追加。
麵包睇落幾新鮮，枱面又有幾樽果 jam ，就攞咗兩個。
開始，作戰。
PM 攞呢碟，有奄列、肉碎、鬆餅、煙肉、香腸、火腿、炸魚、煙三文、重有炒銀針粉，簡稱，九唔搭八組合。
我係簡約主義，奄列、蝦餃、燒賣。
其實，兩分食，都唔使分邊個打邊個。
炒麵，又有隻丹麥酥，貫徹地凌亂。
佢個火腿嘅肉質都幾有層次。
香港嘅魚蛋粉，呢度叫魚圓，配麵。
其實想食個魚圓，有人，就出馬去攞個淨魚圓。
蝦餃同燒賣都好正，追加。
又可以行出去，有露天座位，不過，又晒又熱，係冇人嘅。
呢度向上望，好高。
食完早餐，返房，換衫，去游水。
喺我地住嘅三十幾樓嘅 lift lobby 望出去，向 city view 嗰邊，幾好景。
見到榴槤劇院， avalon ，同嗰朵嘢。
祇要係 Sands 嘅住客，就可以上去 Sands SkyPark Pool 嗰度游水。
我地先搵個靚位，放低嘢，就落水。
喺水裏面，望番去「岸」嗰邊。
行去（用天使魚式游過去）前面盡頭，再回望。
遠睇無邊嘅泳池，條邊係咁樣嘅。
中間有個平台，得幾吋水，上面啲人，好似水上飄。
有得冲背脊。
忽然，有人睇唔開。
由呢度望番落去 Marina Bay 內灣，對面有 Fullerton 。
左邊有個唔知乜，好似個模型，尤其，上面一個人都冇。
腳下，就有 LV ，同嗰朵嘢。
玩咗個零鐘，走得。
個好飽嘅早餐，已經灰飛煙滅，又可以開餐。
跟住呢餐，可能係，從來食過，最抵嘅。
呢間 JAAN ，喺 Swissotel ，都有諗過住呢間酒店，但為咗去 Sands SkyPark Pool ，就要住 Sands ，又唔想搬，就住兩晚。
餐廳喺頂樓，係 70 樓。
上到去，有個 sitting area ，然後，經條走廊入去。
其實佢唔係好大，得幾張枱。
我地冇包場，重有其他兩枱人，但加埋我地一共都唔夠 10 個人。
我地坐近窗，大地就在腳下。
阿 waiter 哥哥見我地係遊客，問我地住邊， PM 就指住對面。
而左邊，就可以望到摩天輪。
先黎兩杯冰水，啱哂。
我地叫佢個 3 courses set lunch ，究竟，所謂 3 courses ，有啲乜嘢呢？
先有個米餅，咁就算餐前小吃？
唔係嘅。跟住再黎嘅，都幾氣勢懾人。
左邊，有枝棍，上面，好似寿司咁，係舊魚，上面，又有一片啫喱。
中間，有幾塊脆片，放喺舊有幾條罅嘅石頭度，又有樽似但唔係味噌，應該係一啲香草同米做嘅醬。
右邊，就有兩個吉列波波，有蕃茄同肉，用枝膠籤拮黎食。
上面嗰幾樣，已經好正啦，點知，重有呢壇嘢。
有個咖啡壺，但唔係裝咖啡，而係裝住松茸雜菌湯，個咖啡壺就用黎隔開啲松茸雜菌，以便倒啲湯出黎。
倒落去嗰杯白色濃湯度，松茸湯沈底，將個白湯浮上面。虧佢諗到。
當然都有麵包同牛油。
搞咗咁耐，終於到 3 個 courses 嘅第一個，前菜。
PM 叫花瓜，係個花瓜醬，又有舊兔肉。
花瓜又跟個好脆嘅多士，搽上去食，再黐啲脆粒粒。
咁我就食個魚嘅前菜。
到主菜，冇牛，咁 PM 惟有叫豬，係用好多種煮法，去炮製唔同部位嘅豬肉。
呢舊，好似我地嘅燒腩仔。
呢舊，似叉燒，但係唔甜嘅。
咁我，就繼續食魚。
有個用冰鎮住嘅汁，上枱先倒落去。
舊魚兩邊，又有豐富配菜，包括炸到香脆嘅魷魚圈仔，野菌，同埋都係炸脆咗嘅紫菜。
主菜同 desert 之間，又有個 pre-desert 。
然後先到正式 desert ，我同 PM 都揀朱古力。
然後 coffee and tea 。
重有 petit fours 。
左邊嗰兩個波波，係脆皮雪糕波。
食咗咁多嘢，盛惠哂，一共 122.40 坡幣，即係每人三百幾蚊港幣。
除咗咖啡同茶係比較普通之外，所有都好食，又好睇，又考功夫，係咪為興趣多過賺錢呢？係一個迷。
而且，都重未計佢個 70 樓嘅 view 。
食完超正嘅一餐，落番街，行過去榴槤劇院嗰邊，經過呢間嘢。
近睇，陽光下，嘅榴槤外殼。
跟住，再行過去噴水獅子嗰邊。尋晚都去過，影過夜景，而家日頭再去行吓。
途中，回頭望吓個榴槤先。其實，好似，似大樹菠蘿多啲。
離遠見到隻獅子，好多人。
Sands ，喺對面岸。
呢個構圖，幾乎係指定動作。
如果喺香港，又會擺隻乜呢？我揀燒鵝。
行去呢個地鐵站，搭車去搵林志玲。
其實係去搵林志源。
嘩！好多人，排哂隊。
咁我喺出面影吓相。
買肉乾肉鬆，然後，又過番去烏節路，去呢間好大嘅 TWG ，諗住食佢嘅 afternoon tea 。
佢有好多茶，同埋茶味嘅 macaron 。
可惜，等咗幾個字，都冇進展，下午茶時段又就快完，就無奈地愔然離開。
食唔成下午茶，就早啲去開餐， CHATTERBOX 。
其實，幾貴，但係就啱我地口味，反而一啲「正宗」嘅就未必，佢嘅環境又比較舒適，好過尋日見到嘅逸群好多。
主角，海南雞飯定食。
個湯入面，有豆腐。
又叫咗個炒貴刁，都咁好食。
又叫咗，一碟菜。
食完，返去 Sands ，行吓佢個 Mall ，重點，係去 LV 。
佢海傍，有好多人坐哂喺度。
對面係 Fullerton 。
LV ，則在水中央。
入到去，再落樓梯，成間嘢係喺水底嘅，好大。
再落，有條長廊。
有呢隻擺設。
哈！原來條長廊通番入去個 Mall 嗰度，如果條廊係玻璃造嘅就冇得頂喇。
入番個 Mall ，又周圍行。佢個 Mall 入面，有條水道。
水道盡頭，有個水滴。
原來後面係個 foodrepublic ，咁我地去睇吓，又見到黃亞細肉骨茶，整番碗先。
本店好食好多。
返房，換衫，又上去 Sands SkyPark Pool 度游吓夜水。
冇帶大機上去，用機仔，祇能好勉強咁影到啲又暗又朦嘅相。
望落去，對面， city view 係好多樓嘅夜景。
近呢邊，下面，又有嗰朵嘢。
好似開始咗幻彩 fing 香江。
有人，又搏命游。
聽朝，都會再黎。
Continue …
浴室都好大，一邊浴缸，另一邊又有花洒浴。
各項用品，供應齊備。
Sands Hotel 有三幢，天台相連，好似個有 3 隻腳嘅 π 字，簡稱，三叉 π 。
咁佢舊番梘，都係一個三叉 π 。
間房可以話又大又靚，不過，又係冇得無料上網。
酒店 package 包早餐，又知道 Sands 嘅早餐幾得，就一早落去食。反正，尋晚喺老巴剎唔係食咗好多嘢。我地去呢間， rise 。
呢度係喺中空嘅大廈裏面，所以，有高到無倫嘅樓底，好舒服。
自助餐，有好多嘢食，水準算唔錯。主要係亞洲 style ，種類繁多，麵包、沙律、港式點心、粥粉麵、蛋、火腿、煙肉、香腸、生果、等等，未能盡錄。
一坐低，就有人拎咖啡埋黎。
咖啡完全唔得，嘥都冇辦法，冇飲到。改飲果汁， PM 飲西柚汁，我飲橙汁，都好正，一再追加。
麵包睇落幾新鮮，枱面又有幾樽果 jam ，就攞咗兩個。
開始，作戰。
PM 攞呢碟，有奄列、肉碎、鬆餅、煙肉、香腸、火腿、炸魚、煙三文、重有炒銀針粉，簡稱，九唔搭八組合。
我係簡約主義，奄列、蝦餃、燒賣。
其實，兩分食，都唔使分邊個打邊個。
炒麵，又有隻丹麥酥，貫徹地凌亂。
佢個火腿嘅肉質都幾有層次。
香港嘅魚蛋粉，呢度叫魚圓，配麵。
其實想食個魚圓，有人，就出馬去攞個淨魚圓。
蝦餃同燒賣都好正，追加。
又可以行出去，有露天座位，不過，又晒又熱，係冇人嘅。
呢度向上望，好高。
食完早餐，返房，換衫，去游水。
喺我地住嘅三十幾樓嘅 lift lobby 望出去，向 city view 嗰邊，幾好景。
見到榴槤劇院， avalon ，同嗰朵嘢。
祇要係 Sands 嘅住客，就可以上去 Sands SkyPark Pool 嗰度游水。
我地先搵個靚位，放低嘢，就落水。
喺水裏面，望番去「岸」嗰邊。
行去（用天使魚式游過去）前面盡頭，再回望。
遠睇無邊嘅泳池，條邊係咁樣嘅。
中間有個平台，得幾吋水，上面啲人，好似水上飄。
有得冲背脊。
忽然，有人睇唔開。
由呢度望番落去 Marina Bay 內灣，對面有 Fullerton 。
左邊有個唔知乜，好似個模型，尤其，上面一個人都冇。
腳下，就有 LV ，同嗰朵嘢。
玩咗個零鐘，走得。
個好飽嘅早餐，已經灰飛煙滅，又可以開餐。
跟住呢餐，可能係，從來食過，最抵嘅。
呢間 JAAN ，喺 Swissotel ，都有諗過住呢間酒店，但為咗去 Sands SkyPark Pool ，就要住 Sands ，又唔想搬，就住兩晚。
餐廳喺頂樓，係 70 樓。
上到去，有個 sitting area ，然後，經條走廊入去。
其實佢唔係好大，得幾張枱。
我地冇包場，重有其他兩枱人，但加埋我地一共都唔夠 10 個人。
我地坐近窗，大地就在腳下。
阿 waiter 哥哥見我地係遊客，問我地住邊， PM 就指住對面。
而左邊，就可以望到摩天輪。
先黎兩杯冰水，啱哂。
我地叫佢個 3 courses set lunch ，究竟，所謂 3 courses ，有啲乜嘢呢？
先有個米餅，咁就算餐前小吃？
唔係嘅。跟住再黎嘅，都幾氣勢懾人。
左邊，有枝棍，上面，好似寿司咁，係舊魚，上面，又有一片啫喱。
中間，有幾塊脆片，放喺舊有幾條罅嘅石頭度，又有樽似但唔係味噌，應該係一啲香草同米做嘅醬。
右邊，就有兩個吉列波波，有蕃茄同肉，用枝膠籤拮黎食。
上面嗰幾樣，已經好正啦，點知，重有呢壇嘢。
有個咖啡壺，但唔係裝咖啡，而係裝住松茸雜菌湯，個咖啡壺就用黎隔開啲松茸雜菌，以便倒啲湯出黎。
倒落去嗰杯白色濃湯度，松茸湯沈底，將個白湯浮上面。虧佢諗到。
當然都有麵包同牛油。
搞咗咁耐，終於到 3 個 courses 嘅第一個，前菜。
PM 叫花瓜，係個花瓜醬，又有舊兔肉。
花瓜又跟個好脆嘅多士，搽上去食，再黐啲脆粒粒。
咁我就食個魚嘅前菜。
到主菜，冇牛，咁 PM 惟有叫豬，係用好多種煮法，去炮製唔同部位嘅豬肉。
呢舊，好似我地嘅燒腩仔。
呢舊，似叉燒，但係唔甜嘅。
咁我，就繼續食魚。
有個用冰鎮住嘅汁，上枱先倒落去。
舊魚兩邊，又有豐富配菜，包括炸到香脆嘅魷魚圈仔，野菌，同埋都係炸脆咗嘅紫菜。
主菜同 desert 之間，又有個 pre-desert 。
然後先到正式 desert ，我同 PM 都揀朱古力。
然後 coffee and tea 。
重有 petit fours 。
左邊嗰兩個波波，係脆皮雪糕波。
食咗咁多嘢，盛惠哂，一共 122.40 坡幣，即係每人三百幾蚊港幣。
除咗咖啡同茶係比較普通之外，所有都好食，又好睇，又考功夫，係咪為興趣多過賺錢呢？係一個迷。
而且，都重未計佢個 70 樓嘅 view 。
食完超正嘅一餐，落番街，行過去榴槤劇院嗰邊，經過呢間嘢。
近睇，陽光下，嘅榴槤外殼。
跟住，再行過去噴水獅子嗰邊。尋晚都去過，影過夜景，而家日頭再去行吓。
途中，回頭望吓個榴槤先。其實，好似，似大樹菠蘿多啲。
離遠見到隻獅子，好多人。
Sands ，喺對面岸。
呢個構圖，幾乎係指定動作。
如果喺香港，又會擺隻乜呢？我揀燒鵝。
行去呢個地鐵站，搭車去搵林志玲。
其實係去搵林志源。
嘩！好多人，排哂隊。
咁我喺出面影吓相。
買肉乾肉鬆，然後，又過番去烏節路，去呢間好大嘅 TWG ，諗住食佢嘅 afternoon tea 。
佢有好多茶，同埋茶味嘅 macaron 。
可惜，等咗幾個字，都冇進展，下午茶時段又就快完，就無奈地愔然離開。
食唔成下午茶，就早啲去開餐， CHATTERBOX 。
其實，幾貴，但係就啱我地口味，反而一啲「正宗」嘅就未必，佢嘅環境又比較舒適，好過尋日見到嘅逸群好多。
主角，海南雞飯定食。
個湯入面，有豆腐。
又叫咗個炒貴刁，都咁好食。
又叫咗，一碟菜。
食完，返去 Sands ，行吓佢個 Mall ，重點，係去 LV 。
佢海傍，有好多人坐哂喺度。
對面係 Fullerton 。
LV ，則在水中央。
入到去，再落樓梯，成間嘢係喺水底嘅，好大。
再落，有條長廊。
有呢隻擺設。
哈！原來條長廊通番入去個 Mall 嗰度，如果條廊係玻璃造嘅就冇得頂喇。
入番個 Mall ，又周圍行。佢個 Mall 入面，有條水道。
水道盡頭，有個水滴。
原來後面係個 foodrepublic ，咁我地去睇吓，又見到黃亞細肉骨茶，整番碗先。
本店好食好多。
返房，換衫，又上去 Sands SkyPark Pool 度游吓夜水。
冇帶大機上去，用機仔，祇能好勉強咁影到啲又暗又朦嘅相。
望落去，對面， city view 係好多樓嘅夜景。
近呢邊，下面，又有嗰朵嘢。
好似開始咗幻彩 fing 香江。
有人，又搏命游。
聽朝，都會再黎。
Continue …
沒有留言:
發佈留言