2011年10月13日 Thursday ( day 2 )
今日去 USS 環球影城。
之前，先去酒店個 pool 游番陣先。
佢有個扮沙灘，都幾靚。啲沙都好軟，隻腳踩哂入去咁滯。
又有好多沙灘椅。
「行」去個池中間，望番轉頭，啲水都好靚，不過比較淺水。
旁邊就有個深水啲嘅直池，有 1.4 m 深。
有人就走去搏命游。
當有人游過嗰時，池邊就好似瀑布咁。根據亞基米德定律，排水量應該同水中物體嘅某啲物理數值有一定關係。
有人又話我唔游，查實我係游「天使魚式」，特點係保特身體垂直，以方便手持相機，祇不過水太淺，以致我雙腳着地，未有天使般優美。
佢又有個 massage 池，啲水幾勁，又有個 coliseum 。
旁邊再有啲池仔，但又唔係溫泉，唔知做乜。
「游」咗約一個鐘，走得。
游完水，返房冲個凉，頂，乜冇咗熱水？唔係冇哂，係弱到洗面都唔夠咪話冲凉，而且整體水力都好弱，又得微微暖，結果，冲得好唔暢快。
咁我打落去 counter 問，佢就講咗啲好難聽嘅英文，好依稀咁聽到少少然後估估吓咁知道佢係要按一啲規定去節能。
尋晚知佢冇 Wi-Fi ，經 network 線上網又要收錢，都覺得佢好鬼小家，而家連熱水都咁孤寒，真係 hopeless 。
去食早餐，簡簡單單，麵包講嘢。
食花生醬多士同埋肉鬆多士，佢切開 9 塊，拮住黎食，幾方便，又好食。
食完，行過去 USS 環球影城，唔使一個字。今日星期四，比較少人啲，我地酒店套票連埋飛，唔使排隊，直入。
Shrek 4-D Adventure
先去睇 4D （尋晚嗰套太差），呢套係史力加。
睇嗰時冇得影，入去同埋等嗰時，影咗幾張。
跟住，行番過入口大街嘅另一邊。
Lights, Camera, Action !
跟住，去呢個由 Steven Spielberg 真人錄影介紹嘅，模擬特技效果示範。
哈！唔使排隊。
入到去，有個船廠室內場景，先風平浪靜，然後出現風暴，再火燭。
最後，有隻船撞入黎。
跟住，又行去後邊，去睇一日得幾場嘅特技表演。
今日好晒，好熱，小朋友在噴霧處避暑。我地慢慢行，影吓相。
WaterWorld
呢個係扮未來水世界電影，我地行得慢，入得遲，就坐得高。好彩！如果唔係，分分鐘人同相機都濕哂。
我唔知係咪每個觀眾都接受到，我就 no 喇。
我地雖然坐到接近山頂位，都要好小心個相機。
開始， show time 。
睇完水世界嘅 stunt show ，行番出去，經過侏羅紀公園。
Dino-Soarin
呢個，又冇人排隊？雖然係極無聊嘅坐喺隻兜度齋轉，加控制上上落落，但唔使排，可以即玩， why not ？
轉到個肚好空洞，就去食 lunch ，行番過入口大街嗰邊。
咁都玩咗幾耐喇，係時候開餐。近近地，喺番 USS 裏面食。
KT's Grill
要行樓梯，上樓上。
我地坐卡位，對住佢個水巴，另一邊係開放式廚房。
先黎兩大杯冰水，啱哂。麵包，就幾一般。
有人叫牛扒，經我教唆後，加咗隻大蝦。
雖然個汁唔似我地食開嘅 style ，但舊扒就好好食。食牛扒，有呢把利刀。
我就食 ribs ，唔係牛扒，冇得加蝦。啲連住骨嘅肉好厚，超正。
又叫咗個 mashed potato ，可以撈我啲 ribs 汁黎食。
呢隻就係大蝦，嗰啲叫起肉怪嘅人，又出動。
食完，出番黎，對面好似有個 show 就黎開始，喺度叫緊人，最後召集，我地就去咗睇。
Monster Rock
原來係個歌舞表演，現場載歌載舞，以 rock 為主。都有啲悶，又啱啱食飽，好在音樂夠勁，冇瞓着。
幾一般，相都唔記得影，就撇特。
跟住，行去 Ancient Egypt 嗰邊睇吓。
諗住搵個似滴滴尼嘅 Indiana Jones Adventure 嘅坐喺架車度自己行上上落落嘅嘢，點知，係冇嘅。
佢嗰個 Revenge of the Mummy ，係個室內過山車，唔啱我地一把年紀嘅人。
於是，去咗呢個。
Treasure Hunters
坐喺架車度自己行，但係，係室外嘅，幾熱，啲佈置又唔係好吸引。唯一好處，都係，唔使排隊。
又經過 The Lost World 嘅侏羅紀公園，諗住玩佢個 Canopy Flyer ，但係，行到一半，聽見佢話暫停，跟住，見啲吉車喺度郁。
咁繼續行，有啲攰，又經過 Far Far Away ，又冇人排，就去睇多次 4D ，當坐吓休息吓。
出番黎，見有個室內小形唔摩天嘅摩天輪， for 小朋友的，哈，冇話大人唔玩得。
Magic Potion Spin
佢係個籠，而且幾細，好迫。
哈，斜對面，有呢個。
King Julien's Beach Party-Go-Round
反正低能開，唔爭在。
然後，咦？好番囉喎，玩得。
Canopy Flyer
係個好溫和嘅過山兜，好似一分鐘唔使， fing 兩 fing ，就完。
然後，行番過 Madagascar 嗰邊，坐艇。
Madagascar: A Crate Adventure
睇清楚啲人玩完出番黎，係冇濕身嘅，先玩。
好似都未喺 Sci-Fi City 玩過嘢，兜番過入口大街，再行過去。
沿途，又乜都影吓。
呢隻，都有啲似我地嗰隻，不過我地嗰隻，呢排就似隻死貓多啲。
黎到 Sci-Fi City ，呢度最主要有兩架過山車，一紅一藍，太勁喇，廿年前就或者會去玩。
哈！又有低能嘢。
Accelerator
呢架黃咁咁嘅洗衣機，有啲似以前啟德嘅咖啡杯，為咗懷舊，一於玩。
轉到暈吓暈吓，天都開始黑，走得。
離開環球影城，見到呢間朱古力店，行咗陣。
然後，先返酒店冲個凉，再去睇 show 。
一入房，見到有兜生果，同一封信。
「 Please accept our sincere apology for the inconvenient caused this morning. We have specially arranged a fruit basket as a gesture of apology. 」
原來係因為今朝冇熱水，佢地做番啲嘢，啲生果都幾靚， OK 啦。
酒店套票，連環球影城入場券，重有呢場 show ，叫做 Voyage de la Vie 。
劇院喺 Festive Walk 嘅下層，由酒店行幾分鐘就到。
劇院內禁止攝影，但當啲表演者，喺開始前，由觀眾席後面，徒手兼赤腳，由椅背爬向前面舞臺時，我就手快兼手震咁影咗張。
個 show 由好多部分組成，有魔術，雜技，有歌，又有舞，雖然同個主題「生之旅」好似冇乜大關係，但係，幾好睇。
睇完， 10 點幾，開餐， Seafood Republic 。
呢張相，係日頭經過影嘅。
夜晚，就係咁。
之前，唔知點解，有人一落機，就收到個咁嘅 SMS ，食滿百五蚊就減五十。點解我收唔到？
反正我地本身都會食到一百蚊，冇難度，所以，就等於佢送咗隻蟹俾我地。
咁我地，就一於叫兩隻蟹。
前菜，係沙爹撈菠蘿，好食。
會食兩隻蟹，所以，我飲啤酒，清熱氣， PM 就飲凍檸茶。
有朋友話，茘茸帆立貝，超正，必食。果然冇老點。
尋日冇食麥片蝦，今日，食番。
佢有個餐廳推介，係一條骨，心諗，一條啫，大極有限，唔怕食唔落。但，祇一般。
尋日食咗白胡椒蟹，今日食兩隻，可以試齊黑白胡椒。
先黎，黑胡椒蟹。
再黎，白胡椒蟹。
結論係，白胡椒好食過黑胡椒，而尋日無招牌嗰隻白胡椒蟹，好食過呢度一啲。
總括，呢餐，超滿足。兩日食咗 3 隻蟹，超額完成。
Continue …
之前，先去酒店個 pool 游番陣先。
佢有個扮沙灘，都幾靚。啲沙都好軟，隻腳踩哂入去咁滯。
又有好多沙灘椅。
「行」去個池中間，望番轉頭，啲水都好靚，不過比較淺水。
旁邊就有個深水啲嘅直池，有 1.4 m 深。
有人就走去搏命游。
當有人游過嗰時，池邊就好似瀑布咁。根據亞基米德定律，排水量應該同水中物體嘅某啲物理數值有一定關係。
有人又話我唔游，查實我係游「天使魚式」，特點係保特身體垂直，以方便手持相機，祇不過水太淺，以致我雙腳着地，未有天使般優美。
佢又有個 massage 池，啲水幾勁，又有個 coliseum 。
旁邊再有啲池仔，但又唔係溫泉，唔知做乜。
「游」咗約一個鐘，走得。
游完水，返房冲個凉，頂，乜冇咗熱水？唔係冇哂，係弱到洗面都唔夠咪話冲凉，而且整體水力都好弱，又得微微暖，結果，冲得好唔暢快。
咁我打落去 counter 問，佢就講咗啲好難聽嘅英文，好依稀咁聽到少少然後估估吓咁知道佢係要按一啲規定去節能。
尋晚知佢冇 Wi-Fi ，經 network 線上網又要收錢，都覺得佢好鬼小家，而家連熱水都咁孤寒，真係 hopeless 。
去食早餐，簡簡單單，麵包講嘢。
食花生醬多士同埋肉鬆多士，佢切開 9 塊，拮住黎食，幾方便，又好食。
食完，行過去 USS 環球影城，唔使一個字。今日星期四，比較少人啲，我地酒店套票連埋飛，唔使排隊，直入。
Shrek 4-D Adventure
先去睇 4D （尋晚嗰套太差），呢套係史力加。
睇嗰時冇得影，入去同埋等嗰時，影咗幾張。
跟住，行番過入口大街嘅另一邊。
Lights, Camera, Action !
跟住，去呢個由 Steven Spielberg 真人錄影介紹嘅，模擬特技效果示範。
哈！唔使排隊。
入到去，有個船廠室內場景，先風平浪靜，然後出現風暴，再火燭。
最後，有隻船撞入黎。
跟住，又行去後邊，去睇一日得幾場嘅特技表演。
今日好晒，好熱，小朋友在噴霧處避暑。我地慢慢行，影吓相。
WaterWorld
呢個係扮未來水世界電影，我地行得慢，入得遲，就坐得高。好彩！如果唔係，分分鐘人同相機都濕哂。
我唔知係咪每個觀眾都接受到，我就 no 喇。
我地雖然坐到接近山頂位，都要好小心個相機。
開始， show time 。
睇完水世界嘅 stunt show ，行番出去，經過侏羅紀公園。
Dino-Soarin
呢個，又冇人排隊？雖然係極無聊嘅坐喺隻兜度齋轉，加控制上上落落，但唔使排，可以即玩， why not ？
轉到個肚好空洞，就去食 lunch ，行番過入口大街嗰邊。
咁都玩咗幾耐喇，係時候開餐。近近地，喺番 USS 裏面食。
KT's Grill
要行樓梯，上樓上。
我地坐卡位，對住佢個水巴，另一邊係開放式廚房。
先黎兩大杯冰水，啱哂。麵包，就幾一般。
有人叫牛扒，經我教唆後，加咗隻大蝦。
雖然個汁唔似我地食開嘅 style ，但舊扒就好好食。食牛扒，有呢把利刀。
我就食 ribs ，唔係牛扒，冇得加蝦。啲連住骨嘅肉好厚，超正。
又叫咗個 mashed potato ，可以撈我啲 ribs 汁黎食。
呢隻就係大蝦，嗰啲叫起肉怪嘅人，又出動。
食完，出番黎，對面好似有個 show 就黎開始，喺度叫緊人，最後召集，我地就去咗睇。
Monster Rock
原來係個歌舞表演，現場載歌載舞，以 rock 為主。都有啲悶，又啱啱食飽，好在音樂夠勁，冇瞓着。
幾一般，相都唔記得影，就撇特。
跟住，行去 Ancient Egypt 嗰邊睇吓。
諗住搵個似滴滴尼嘅 Indiana Jones Adventure 嘅坐喺架車度自己行上上落落嘅嘢，點知，係冇嘅。
佢嗰個 Revenge of the Mummy ，係個室內過山車，唔啱我地一把年紀嘅人。
於是，去咗呢個。
Treasure Hunters
坐喺架車度自己行，但係，係室外嘅，幾熱，啲佈置又唔係好吸引。唯一好處，都係，唔使排隊。
又經過 The Lost World 嘅侏羅紀公園，諗住玩佢個 Canopy Flyer ，但係，行到一半，聽見佢話暫停，跟住，見啲吉車喺度郁。
咁繼續行，有啲攰，又經過 Far Far Away ，又冇人排，就去睇多次 4D ，當坐吓休息吓。
出番黎，見有個室內小形唔摩天嘅摩天輪， for 小朋友的，哈，冇話大人唔玩得。
Magic Potion Spin
佢係個籠，而且幾細，好迫。
哈，斜對面，有呢個。
King Julien's Beach Party-Go-Round
反正低能開，唔爭在。
然後，咦？好番囉喎，玩得。
Canopy Flyer
係個好溫和嘅過山兜，好似一分鐘唔使， fing 兩 fing ，就完。
然後，行番過 Madagascar 嗰邊，坐艇。
Madagascar: A Crate Adventure
睇清楚啲人玩完出番黎，係冇濕身嘅，先玩。
好似都未喺 Sci-Fi City 玩過嘢，兜番過入口大街，再行過去。
沿途，又乜都影吓。
呢隻，都有啲似我地嗰隻，不過我地嗰隻，呢排就似隻死貓多啲。
黎到 Sci-Fi City ，呢度最主要有兩架過山車，一紅一藍，太勁喇，廿年前就或者會去玩。
哈！又有低能嘢。
Accelerator
呢架黃咁咁嘅洗衣機，有啲似以前啟德嘅咖啡杯，為咗懷舊，一於玩。
轉到暈吓暈吓，天都開始黑，走得。
離開環球影城，見到呢間朱古力店，行咗陣。
然後，先返酒店冲個凉，再去睇 show 。
一入房，見到有兜生果，同一封信。
「 Please accept our sincere apology for the inconvenient caused this morning. We have specially arranged a fruit basket as a gesture of apology. 」
原來係因為今朝冇熱水，佢地做番啲嘢，啲生果都幾靚， OK 啦。
酒店套票，連環球影城入場券，重有呢場 show ，叫做 Voyage de la Vie 。
劇院喺 Festive Walk 嘅下層，由酒店行幾分鐘就到。
劇院內禁止攝影，但當啲表演者，喺開始前，由觀眾席後面，徒手兼赤腳，由椅背爬向前面舞臺時，我就手快兼手震咁影咗張。
個 show 由好多部分組成，有魔術，雜技，有歌，又有舞，雖然同個主題「生之旅」好似冇乜大關係，但係，幾好睇。
睇完， 10 點幾，開餐， Seafood Republic 。
呢張相，係日頭經過影嘅。
夜晚，就係咁。
之前，唔知點解，有人一落機，就收到個咁嘅 SMS ，食滿百五蚊就減五十。點解我收唔到？
反正我地本身都會食到一百蚊，冇難度，所以，就等於佢送咗隻蟹俾我地。
咁我地，就一於叫兩隻蟹。
前菜，係沙爹撈菠蘿，好食。
會食兩隻蟹，所以，我飲啤酒，清熱氣， PM 就飲凍檸茶。
有朋友話，茘茸帆立貝，超正，必食。果然冇老點。
尋日冇食麥片蝦，今日，食番。
佢有個餐廳推介，係一條骨，心諗，一條啫，大極有限，唔怕食唔落。但，祇一般。
尋日食咗白胡椒蟹，今日食兩隻，可以試齊黑白胡椒。
先黎，黑胡椒蟹。
再黎，白胡椒蟹。
結論係，白胡椒好食過黑胡椒，而尋日無招牌嗰隻白胡椒蟹，好食過呢度一啲。
總括，呢餐，超滿足。兩日食咗 3 隻蟹，超額完成。
Continue …
沒有留言:
發佈留言