2011年10月12日 Wednesday ( day 1 )
咁多年來，都有唔少次諗過去新加坡，祇係，一般都覺得嗰度會幾悶，而且又唔便宜，便情願去即使已去過多次的日本。
點知，今年日本不幸地發生了 311 事件，而之前，又咁啱喺 2 月，去咗個幾長嘅日本之旅，便又重新考慮去新加坡，雖然，去新加坡已經變得越來越貴。
早機，但唔代表想早起，一路匆匆忙忙地，入咗禁區先食早餐，隨隨便便的，去食翠華，貪佢方便，亦唔使食好多，一陣上飛機好快又有得食。一個餐配凍檸茶，再加一件奶油脆脆，就夠。
然後，係飛機上嘅早餐。
約 11 點幾，就到咗新加坡樟宜國際機場。
搭地下鐵去 Harbour Front 站，先喺 Vivo City 食嘢，然後先過 Sentosa 。
每一處地方，都有佢嘅名勝，新加坡嘅名勝，就係胡椒蟹。喺 Vivo City 頂樓，經過佢地一律叫做「 foodrepublic 大食代」嘅 food court ，就見到呢間無招牌。
入到去，乜又冇乜人？原來都幾貴，但點解好似有 blog 話佢價錢大眾化？算數。
一隻白胡椒蟹，佢話有約 1 kg ，但又好似咁細隻咁，幾棵葱就遮哂咁滯。撥開啲葱再影真啲先。
想食麥片蝦，又冇，叫咗蒜蓉蒸。（返黎香港之後，嗰啲人又話其實有。）
都 OK 大隻，又彈牙。
又有個杰撻撻黑色甜豉油，原來唔止點海南雞，點蝦都咁正。
又食咗個福建炒麵，英文就係「 Fucking Fried Noodle 」，同我地嘅福建炒飯完全唔同。
阿姐極速分碗上，所以冇影到全碟。
第一餐，食住 3 樣嘢先。都好食，當然，隻蟹最好食。嗰 D 叫起肉怪嘅人，又出動。
叫嘢嗰時，我地先講英文，又問隻蟹大約價錢（因為以重量計），又問點煮，然後阿姐同我地講國語，咁我地又講國語啦，點知，到覆單嗰時，佢先講同我地一樣嘅廣東話。
食完，天色麻麻，先喺 Vivo City 行一陣。
再經呢條橋，徙步行過去 Sentosa 。
一如以往，有人掛住影相，有人自己行咗去。
咁佢又真係有好多即使有時會覺得造作但都幾好影嘅嘢。
行完條橋，頂！原來就算自己行，都要俾「入島費」。
聖淘沙 Sentosa ，成個島都係 for 渡假同玩樂，有多間酒店，多項玩樂設施，和環球影城。
我地住兩晚 Hotel Hard Rock ，中間嗰日去環球影城，夜晚睇 show ，有充足時間，唔使趕頭趕命。
先返酒店放低嘢，離遠睇到，幾靚仔，有個好大嘅 pool ，重有扮沙灘，聽朝先游。
佢叫做 Hard Rock ，喺個 reception 嘅人都好很 rock 。
上房，走廊有好多 rock star 嘅相。
間房都算大，如果同鄉下（ e.g. 新宿）嗰啲比，大成倍。
浴室有個結他形嘅架，貫徹佢嘅 rock 味。
放低啲嘢，洗個面，就行得。先去 Underwater World 。
Sentosa 島上有幾條無料穿梳巴士線，連接各處設施。行去巴士站，先經過 Festive Hotel ，都知呢間嘢適合小朋友多啲，果然幾低能。
搭無料穿梳巴士，個幾字就到。
入到去，先有 touchpool ，觸摸池，有人唔客氣，摸星。
呢啲都係可以摸嘅，但佢地游得快，好難摸。
所以，淨係摸咗隻星星。
繼續行入去，有好多唔同嘅深海生物。雖然有好多魚，但好難影，太暗，對焦慢，對得黎已經走咗。所以，祇影啲唔係好郁嘅。
嘩！好多蟹，有人睇到流哂口水（除咗最後嗰隻）。尤其，第三隻有好大隻箝。
又有好多 jelly 魚。
繼續行，有條水底走廊，睇住啲魚喺身邊游過。
跟住去睇海豚，叫做 Dolphin Suite 。
由看台望番過 Vivo City 嗰邊，有幾座怪樓。
先有靚女加海豹，打招呼，頂圈， bye bye ，都係指定動作。
又有請現場觀眾落去同隻海豚玩，不過，冇諗過，要濕身到咁嘅程度。前面綠色衫嗰個就係現場觀眾，佢又好似玩得好開心噃。
都有海豚跳圈、頂波、排排跳等指定動作。
呢個 Underwater World 都唔錯。跟住，行去後面個沙灘。
途中，經過停車場，有幾隻孔雀喺度行黎行去。
後面個沙灘，叫做 Siloso Beach ，有好多個似乎係人工建成嘅小沙島，好似避風塘咁形成多個小小內灣，出面，就係公海？有大量貨船，都幾殺風景。
喺沙灘行一陣，又搭架無料巴士去個島嘅較中間位置。沿途，有人揸嗰啲好似叫 Segway 嘅嘢喺度行過，幾牙煙。
跟住，去玩 Luge ，先搭架 Skyride 上山，再搭嗰隻 Luge 滑番落黎。
搭 Skyride 時，因為祇係隻兜，兩隻腳吊吊 fing 好似滑雪場嗰啲，冇諗過佢會去到咁高，最高處，我諗有成七至八樓高。
佢又行得慢，啲風吹埋黎，搖吓搖吓，好彩我冇畏高啫，但都有啲腳軟。
天開始黑，回頭望番海灘嗰邊，晚霞都唔錯。
個 Luge 都幾好玩，可以去得好快，我地玩咗兩次，啱啱好佢有兩條滑道，每條行一次。
玩 Luge 冇影相，玩完就去醫肚，是但搵間就腳嘅。
食咗個海南雞飯，串燒沙嗲，同埋炒通菜。冇諗過呢度真係是但求其嘅海南雞都已經幾好食。
餐廳出面有呢座叫 iFly 玩 sky diving 嘅嘢，貴到無倫，梗係冇玩。
食完，去一間叫 4D Magix 嘅 Cine Blast 嘢度睇一套叫 Pirates 嘅嘢。
完全係 completely rubbish ，千祈，千祈，千祈，千祈，千祈唔好去，每人俾成舊水（港幣），超垃圾，勁搵笨，直情係呃錢。
睇完個仆街 4D ，就返酒店。途中，行去睇吓嗰隻獅子，冇水噴出黎，但有會變色嘅燈光。講真，都有啲恐怖。
又經過 Festive Hotel 同埋 Festive Walk，咁鍾意 Festive，唔怪得我地又一城都俾佢地買埋喇。
中間水池，有疑似幻彩 fing 香江。
呢隻獅子好過頭先嗰隻。
呢間叫 candylicious ，可見爛食字係無分國界種族，全世界無處不在嘅。
我懷疑，好睇多過好食。
返酒店，樓下真係有隊 band 喺度玩 rock 。
聽日，去 USS 環球影城。
Continue …
點知，今年日本不幸地發生了 311 事件，而之前，又咁啱喺 2 月，去咗個幾長嘅日本之旅，便又重新考慮去新加坡，雖然，去新加坡已經變得越來越貴。
早機，但唔代表想早起，一路匆匆忙忙地，入咗禁區先食早餐，隨隨便便的，去食翠華，貪佢方便，亦唔使食好多，一陣上飛機好快又有得食。一個餐配凍檸茶，再加一件奶油脆脆，就夠。
然後，係飛機上嘅早餐。
約 11 點幾，就到咗新加坡樟宜國際機場。
搭地下鐵去 Harbour Front 站，先喺 Vivo City 食嘢，然後先過 Sentosa 。
每一處地方，都有佢嘅名勝，新加坡嘅名勝，就係胡椒蟹。喺 Vivo City 頂樓，經過佢地一律叫做「 foodrepublic 大食代」嘅 food court ，就見到呢間無招牌。
入到去，乜又冇乜人？原來都幾貴，但點解好似有 blog 話佢價錢大眾化？算數。
一隻白胡椒蟹，佢話有約 1 kg ，但又好似咁細隻咁，幾棵葱就遮哂咁滯。撥開啲葱再影真啲先。
想食麥片蝦，又冇，叫咗蒜蓉蒸。（返黎香港之後，嗰啲人又話其實有。）
都 OK 大隻，又彈牙。
又有個杰撻撻黑色甜豉油，原來唔止點海南雞，點蝦都咁正。
又食咗個福建炒麵，英文就係「 Fucking Fried Noodle 」，同我地嘅福建炒飯完全唔同。
阿姐極速分碗上，所以冇影到全碟。
第一餐，食住 3 樣嘢先。都好食，當然，隻蟹最好食。嗰 D 叫起肉怪嘅人，又出動。
叫嘢嗰時，我地先講英文，又問隻蟹大約價錢（因為以重量計），又問點煮，然後阿姐同我地講國語，咁我地又講國語啦，點知，到覆單嗰時，佢先講同我地一樣嘅廣東話。
食完，天色麻麻，先喺 Vivo City 行一陣。
再經呢條橋，徙步行過去 Sentosa 。
一如以往，有人掛住影相，有人自己行咗去。
咁佢又真係有好多即使有時會覺得造作但都幾好影嘅嘢。
行完條橋，頂！原來就算自己行，都要俾「入島費」。
聖淘沙 Sentosa ，成個島都係 for 渡假同玩樂，有多間酒店，多項玩樂設施，和環球影城。
我地住兩晚 Hotel Hard Rock ，中間嗰日去環球影城，夜晚睇 show ，有充足時間，唔使趕頭趕命。
先返酒店放低嘢，離遠睇到，幾靚仔，有個好大嘅 pool ，重有扮沙灘，聽朝先游。
佢叫做 Hard Rock ，喺個 reception 嘅人都好很 rock 。
上房，走廊有好多 rock star 嘅相。
間房都算大，如果同鄉下（ e.g. 新宿）嗰啲比，大成倍。
浴室有個結他形嘅架，貫徹佢嘅 rock 味。
放低啲嘢，洗個面，就行得。先去 Underwater World 。
Sentosa 島上有幾條無料穿梳巴士線，連接各處設施。行去巴士站，先經過 Festive Hotel ，都知呢間嘢適合小朋友多啲，果然幾低能。
搭無料穿梳巴士，個幾字就到。
入到去，先有 touchpool ，觸摸池，有人唔客氣，摸星。
呢啲都係可以摸嘅，但佢地游得快，好難摸。
所以，淨係摸咗隻星星。
繼續行入去，有好多唔同嘅深海生物。雖然有好多魚，但好難影，太暗，對焦慢，對得黎已經走咗。所以，祇影啲唔係好郁嘅。
嘩！好多蟹，有人睇到流哂口水（除咗最後嗰隻）。尤其，第三隻有好大隻箝。
又有好多 jelly 魚。
繼續行，有條水底走廊，睇住啲魚喺身邊游過。
跟住去睇海豚，叫做 Dolphin Suite 。
由看台望番過 Vivo City 嗰邊，有幾座怪樓。
先有靚女加海豹，打招呼，頂圈， bye bye ，都係指定動作。
又有請現場觀眾落去同隻海豚玩，不過，冇諗過，要濕身到咁嘅程度。前面綠色衫嗰個就係現場觀眾，佢又好似玩得好開心噃。
都有海豚跳圈、頂波、排排跳等指定動作。
呢個 Underwater World 都唔錯。跟住，行去後面個沙灘。
途中，經過停車場，有幾隻孔雀喺度行黎行去。
後面個沙灘，叫做 Siloso Beach ，有好多個似乎係人工建成嘅小沙島，好似避風塘咁形成多個小小內灣，出面，就係公海？有大量貨船，都幾殺風景。
喺沙灘行一陣，又搭架無料巴士去個島嘅較中間位置。沿途，有人揸嗰啲好似叫 Segway 嘅嘢喺度行過，幾牙煙。
跟住，去玩 Luge ，先搭架 Skyride 上山，再搭嗰隻 Luge 滑番落黎。
搭 Skyride 時，因為祇係隻兜，兩隻腳吊吊 fing 好似滑雪場嗰啲，冇諗過佢會去到咁高，最高處，我諗有成七至八樓高。
佢又行得慢，啲風吹埋黎，搖吓搖吓，好彩我冇畏高啫，但都有啲腳軟。
天開始黑，回頭望番海灘嗰邊，晚霞都唔錯。
個 Luge 都幾好玩，可以去得好快，我地玩咗兩次，啱啱好佢有兩條滑道，每條行一次。
玩 Luge 冇影相，玩完就去醫肚，是但搵間就腳嘅。
食咗個海南雞飯，串燒沙嗲，同埋炒通菜。冇諗過呢度真係是但求其嘅海南雞都已經幾好食。
餐廳出面有呢座叫 iFly 玩 sky diving 嘅嘢，貴到無倫，梗係冇玩。
食完，去一間叫 4D Magix 嘅 Cine Blast 嘢度睇一套叫 Pirates 嘅嘢。
完全係 completely rubbish ，千祈，千祈，千祈，千祈，千祈唔好去，每人俾成舊水（港幣），超垃圾，勁搵笨，直情係呃錢。
睇完個仆街 4D ，就返酒店。途中，行去睇吓嗰隻獅子，冇水噴出黎，但有會變色嘅燈光。講真，都有啲恐怖。
又經過 Festive Hotel 同埋 Festive Walk，咁鍾意 Festive，唔怪得我地又一城都俾佢地買埋喇。
中間水池，有疑似幻彩 fing 香江。
呢隻獅子好過頭先嗰隻。
呢間叫 candylicious ，可見爛食字係無分國界種族，全世界無處不在嘅。
我懷疑，好睇多過好食。
返酒店，樓下真係有隊 band 喺度玩 rock 。
聽日，去 USS 環球影城。
Continue …
沒有留言:
發佈留言