2011年2月14日 Monday ( day 3 )
星期六黎到，已經傍晚，然後星期日係休日，唔開，終於等到今日，星期一，可以去食銀座久兵衛。預早訂咗位，坐在遠山師傅前，他在寿司 bar 的角位，一人負責七個人的寿司。
其他幾位師傅，每人祇做四個人的寿司。
因為個子薑比較酸，就用海苔和蘿蔔絲黎清味，當然亦都因為個海苔好好食，我食咗 3 碗， PM 好似重多。
前菜我揀茶碗蒸， PM 揀魷魚味噌漬。
先黎中卜口，白身魚，魷魚。
然後見到赤貝和海老的材料。
跟住就有赤貝和海老寿司食，同時亦有味噌汁。
之後啲味漸濃，係海胆和大卜口。
蝦頭和蝦尾都燒好，跟住嗰舊好似係沙甸。
然後，見師傅做最後嗰兩舊，乜咁快就食完？
跟住有蘿蔔紫蘇葉，卷物四款，和卵。卵可以跟飯做寿司，但已經好飽，唔跟，就咁食。
甜品反而係變化得最大嘅，今次係 jelly ，隻杯超靚，係柑仔啫哩，好好食。
一路食一路諗，今個 trip 喺東京冇乜 lunch 位剩，得番最後走嗰日，要 3 點幾在新宿搭 N' EX （因為 check out 後會放個篋喺酒店，所以係新宿），嗰日要行超市掃貨，來回銀座搭車都個幾鐘，好痛苦 …
食飽，漫步過有樂町駅，雖然新橋駅近啲，但行嗰邊多啲嘢睇，又有和果子。一路行，影吓相。
呢間 Haagen Dazs 幾靚仔，但今次冇乜位，下次先諗。
買開栗最中嗰間和果子店，因應情人節，推出心形和果子，如煎餅。煎餅就冇乜興趣，買咗啲心形紅豆夾餅，返酒店食。
今晚情人節在星のや過，經東京駅搭新幹線入軽井沢時，去東京駅地下街 GRANSTA 買嘢今晚食，買咗盒 macaron ，有 5 個。
其實想試星のや好耐，不過嫌佢貴，一直冇去。今次適逢淡季，又冇春花，又冇秋葉，祇有漫天風雪，所以「冇咁」貴，再揀一間冇湖景，甚至山景都冇，又唔包食嘅，細房，去試吓。
入到軽井沢，勁大雪，重有個幾鐘先有酒店接駁巴士，就行一陣 outlet 先，影吓相，在這雪白的國度，人都忽然好夠詩意。
然後去軽井沢駅南口等車，見到呢個心，諗緊佢係咪會着燈發光呢，就即刻着俾你睇，原來我唔止有詩意，重有念力。
好快就去到星のや，呢間嘢，好似話係標榜洗滌心靈，讓人處於遠離塵世嘅幽美景色裏，享受寧靜，忘卻俗世的煩囂。
在酒店接待處，就有人彈奏洗滌心靈嘅音樂，在低沉延綿的銅鑼聲之間，夾集一串串的清脆鈴聲，聽慣城市嘈吵的耳朵，忽然被單純的樂韻溫柔地安撫，大珠小珠落玉盤，諗起都又一再洗滌。
搞 check in 後，有專人車我地返房，就係呢間，喺山邊嘅屋仔，嘅下層。
入到去，係咁嘅，留意間房係冇電視嘅。（因為房內啲燈光好黃，以此設定相機白平衡，室外嘅雪就變成藍色。）
露台有枱椅，但都積了雪，窗外是路景，但因有雪，都美化了。
專人話冲茶俾我地飲，當然好啦，跟住佢攞咗隻 CD 出黎，放落枱面架機度，播出輕音樂，頗舒服的，繼續洗滌心靈，然後先去冲茶。
在溫柔的輕音樂中喫茶，觀雪，心中一片空明。
專人準備走之際，忽然有人問，間房有冇 internet ，答案係 … 有嘅。冇電視睇，都可以用自己嘅 notebook 上網。睇怕都係洗滌唔到心靈，就攞啲 macaron 出黎食，頭先喺東京駅地下街 GRANSTA 買嘅。
超好食！喺香港覺得 agnes b. 嗰個好好食，點知呢個好食 n 倍，早知買多啲。
休息一陣，就 call 專人車我地去浸溫泉。本來唔係好遠，唔想太麻煩人地，但好大雪，都係要。
間房有兩個咁樣嘅布袋仔，用黎裝住啲嘢去浸溫泉，上面兩隻尖角係俾你打隻蝴蝶結嘅。個袋細細個，啱啱好，因為在溫泉處，大小毛巾都無料供應，唔使自己由房拎去，好方便，值得一讚。
專人話，兩個布袋都可以拎走，留作紀念，浴室個番梘都係，一白一黃，都幾靚，就唔客氣啦。
重有呢包咖啡 ，返香港先冲黎飲，都幾正。
去到溫泉，叫做星野溫泉，左邊係男湯，右邊係女湯，中間有水道分開，又有小橋連接兩邊。
浸溫泉冇得影相，浸完就行過隔籬村民食堂度食嘢。
PM 揀吉列豬扒，有個好好味嘅味噌醬點黎食，又可以撈飯。
我揀咗個叫村民定食嘅，有三層，分別係蒸菜，蒸肉，同蒸飯，都有嗰個好好味嘅味噌醬，右邊最深色嗰個。
再另外加咗一個，單品銀鱈魚西京燒。
食完飯，又由專人車我地返房。記得專人講過，湖的上方有另一個浸 spa 嘅地方，不過啲水冇咁熱，好似開到 11 點，但之後通宵都可以用密碼開門入去浸。在湖的另一邊，近大堂處，又有個 lounge ，有咖啡茶和糖果，無料的。不過今晚太大雪，又攰，都唔去啦。
返房，浸房內嗰個蘋果浴。專人話，將嗰三個蘋果放入熱水裏面，會令水散發出蘋果香，佢一再強調將蘋果放入水裏面，好似驚我地會攞黎食咁。
雖然，睇落都好似會幾好食。
Continue …
其他幾位師傅，每人祇做四個人的寿司。
因為個子薑比較酸，就用海苔和蘿蔔絲黎清味，當然亦都因為個海苔好好食，我食咗 3 碗， PM 好似重多。
前菜我揀茶碗蒸， PM 揀魷魚味噌漬。
先黎中卜口，白身魚，魷魚。
然後見到赤貝和海老的材料。
跟住就有赤貝和海老寿司食，同時亦有味噌汁。
之後啲味漸濃，係海胆和大卜口。
蝦頭和蝦尾都燒好，跟住嗰舊好似係沙甸。
然後，見師傅做最後嗰兩舊，乜咁快就食完？
跟住有蘿蔔紫蘇葉，卷物四款，和卵。卵可以跟飯做寿司，但已經好飽，唔跟，就咁食。
甜品反而係變化得最大嘅，今次係 jelly ，隻杯超靚，係柑仔啫哩，好好食。
一路食一路諗，今個 trip 喺東京冇乜 lunch 位剩，得番最後走嗰日，要 3 點幾在新宿搭 N' EX （因為 check out 後會放個篋喺酒店，所以係新宿），嗰日要行超市掃貨，來回銀座搭車都個幾鐘，好痛苦 …
食飽，漫步過有樂町駅，雖然新橋駅近啲，但行嗰邊多啲嘢睇，又有和果子。一路行，影吓相。
呢間 Haagen Dazs 幾靚仔，但今次冇乜位，下次先諗。
買開栗最中嗰間和果子店，因應情人節，推出心形和果子，如煎餅。煎餅就冇乜興趣，買咗啲心形紅豆夾餅，返酒店食。
今晚情人節在星のや過，經東京駅搭新幹線入軽井沢時，去東京駅地下街 GRANSTA 買嘢今晚食，買咗盒 macaron ，有 5 個。
其實想試星のや好耐，不過嫌佢貴，一直冇去。今次適逢淡季，又冇春花，又冇秋葉，祇有漫天風雪，所以「冇咁」貴，再揀一間冇湖景，甚至山景都冇，又唔包食嘅，細房，去試吓。
入到軽井沢，勁大雪，重有個幾鐘先有酒店接駁巴士，就行一陣 outlet 先，影吓相，在這雪白的國度，人都忽然好夠詩意。
然後去軽井沢駅南口等車，見到呢個心，諗緊佢係咪會着燈發光呢，就即刻着俾你睇，原來我唔止有詩意，重有念力。
好快就去到星のや，呢間嘢，好似話係標榜洗滌心靈，讓人處於遠離塵世嘅幽美景色裏，享受寧靜，忘卻俗世的煩囂。
在酒店接待處，就有人彈奏洗滌心靈嘅音樂，在低沉延綿的銅鑼聲之間，夾集一串串的清脆鈴聲，聽慣城市嘈吵的耳朵，忽然被單純的樂韻溫柔地安撫，大珠小珠落玉盤，諗起都又一再洗滌。
搞 check in 後，有專人車我地返房，就係呢間，喺山邊嘅屋仔，嘅下層。
入到去，係咁嘅，留意間房係冇電視嘅。（因為房內啲燈光好黃，以此設定相機白平衡，室外嘅雪就變成藍色。）
露台有枱椅，但都積了雪，窗外是路景，但因有雪，都美化了。
專人話冲茶俾我地飲，當然好啦，跟住佢攞咗隻 CD 出黎，放落枱面架機度，播出輕音樂，頗舒服的，繼續洗滌心靈，然後先去冲茶。
在溫柔的輕音樂中喫茶，觀雪，心中一片空明。
專人準備走之際，忽然有人問，間房有冇 internet ，答案係 … 有嘅。冇電視睇，都可以用自己嘅 notebook 上網。睇怕都係洗滌唔到心靈，就攞啲 macaron 出黎食，頭先喺東京駅地下街 GRANSTA 買嘅。
超好食！喺香港覺得 agnes b. 嗰個好好食，點知呢個好食 n 倍，早知買多啲。
休息一陣，就 call 專人車我地去浸溫泉。本來唔係好遠，唔想太麻煩人地，但好大雪，都係要。
間房有兩個咁樣嘅布袋仔，用黎裝住啲嘢去浸溫泉，上面兩隻尖角係俾你打隻蝴蝶結嘅。個袋細細個，啱啱好，因為在溫泉處，大小毛巾都無料供應，唔使自己由房拎去，好方便，值得一讚。
專人話，兩個布袋都可以拎走，留作紀念，浴室個番梘都係，一白一黃，都幾靚，就唔客氣啦。
重有呢包咖啡 ，返香港先冲黎飲，都幾正。
去到溫泉，叫做星野溫泉，左邊係男湯，右邊係女湯，中間有水道分開，又有小橋連接兩邊。
浸溫泉冇得影相，浸完就行過隔籬村民食堂度食嘢。
PM 揀吉列豬扒，有個好好味嘅味噌醬點黎食，又可以撈飯。
我揀咗個叫村民定食嘅，有三層，分別係蒸菜，蒸肉，同蒸飯，都有嗰個好好味嘅味噌醬，右邊最深色嗰個。
再另外加咗一個，單品銀鱈魚西京燒。
食完飯，又由專人車我地返房。記得專人講過，湖的上方有另一個浸 spa 嘅地方，不過啲水冇咁熱，好似開到 11 點，但之後通宵都可以用密碼開門入去浸。在湖的另一邊，近大堂處，又有個 lounge ，有咖啡茶和糖果，無料的。不過今晚太大雪，又攰，都唔去啦。
返房，浸房內嗰個蘋果浴。專人話，將嗰三個蘋果放入熱水裏面，會令水散發出蘋果香，佢一再強調將蘋果放入水裏面，好似驚我地會攞黎食咁。
雖然，睇落都好似會幾好食。
Continue …
沒有留言:
發佈留言