2011年2月19日 Saturday ( day 8 )
清晨近五點，被月光「殘」眼醒咗，天階夜色涼如水，影番張相先。
好快，就慢慢天光。
跟住，再去浸吓溫泉，然後又開餐。早餐，就冇乜特別。
食完早餐，出街行吓，呢度有個足湯橫丁，可以一路浸住對腳一路食麵，不過未開，連水都未有。
天色幾好。
再行多一陣，決定搭早一班車去浦島。
因為鐵路沿海岸線而建，沿途風景都好靚。但要在行駛中嘅火車影窗外景物，其實好難，甚至唔係有幾困難，而係完全撞彩。
明明呢一刻冇嘢，拑完掣，會多咗條電線桿。惟有影多啲，然後靠撞彩。
呢堆石頭陣，好特別，但祇能勉強影到咁。
到咗紀伊勝浦駅，已經中午，是但揾地方食嘢。
呢間食燒肉，叫咗兩個唔同嘅 set 。
網燒大量牛肉、牛舌，下圖係牛仔骨、雞肉同腸仔，都 ok 唔錯。
今晚住ホテル浦島，有個叫忘歸洞嘅名物。從碼頭望過去酒店，係咁嘅。今日又天晴，藍天白雲，正。
要搭呢隻烏龜船過去。
酒店有下面本館，又有山頂嘅山上館，中間有條好長嘅電梯連接。
周邊島嶼都幾靚。
呢間房，都幾大，雖然係低層，但向海，見到隻烏龜船泊喺出面。
有塊餅，都寫住忘歸洞，梗係唔客氣啦。
先去浸其中一個溫泉，途中見到呢個，叫狼煙山遊園嘅地方，就決定一陣去行吓。
其實係條行山徑，可以去一個浦島稻荷神社。我自己去行吓影吓相， PM 就去咗浸一個好似較削嘅溫泉，話如果真係削，我就唔使去。
結果，行咗都幾遠，成個山得我一個人，好驚，去到神社，都係得我一個人，要緊記，天黑前要閃。
再行，轉彎，就係神社。
從山上望番落去內港。
另一邊，見到呢間係喺隔籬島嘅ホテル中の島，都幾靚仔。
山後面係太平洋，一望無際。如果秋天，就會有秋水共長天一色。
然後，行咗去山上館嘅天台，見到再另一邊，有個泳池，似係依海岸嘅岩石「填」出黎，睇番酒店案內，應該係酒店設施之一，叫做千畳敷プール，不過祇在夏季開放使用。
影完相，就繼續喪浸溫泉，跟住呢張案內，每浸一個，就給一個印。
講到浸溫泉，因為有朋友黎過教路，話呢度有好多溫泉，雖然有好嘅又有普通嘅，但都一浸無妨，如果想浸哂咁多個，就要爭取時間。所以， check in 後，返房放低嘢，就第一時間去浸。
顏究完上面張案內，決定先去 ➄ 和 ➅ 。
搭嗰條好長嘅電梯，上去山上館。
行一陣，就到 ➅ 號，天海の湯。
冇人，忍唔住手 … ，小心 check 過哂冇嘢，先擺出黎。
向海嗰邊，係半開放，隔住啲矮樹可以望到海。浸約半個鐘，就夠，走得。喺溫泉門口，給番個印。跟住就 next 。
上一層樓，去 ➄ 號，遙峰の湯。呢個係室內嘅，但有好大落地玻璃，望到內港景色。又浸半個鐘，就返去。
原來有，可以直落返一階，唔使搭番嗰條長電梯。
由山頂，搭係垂直落，就去咗個山嘅中間，要行條好長嘅隧道出番去。
隧道牆壁，有「窗口」，可以望到窗外嘅岩石。
途中經過，見到忘歸洞入口，一陣先去浸佢。
呢個時候， PM 自己去浸 ➁ 號，我就去行狼煙山遊園，影吓相，諗住如果個 ➁ 號係削嘅，我就唔使去，雖然男同女嘅 ➁ 號係唔同嘅，但照計應該都 similar 。
結果，個 ➁ 號真係有啲削，或者應該話比較普通，喺其他地方唔會彈佢，喺呢度就有好啲嘅，唔使去浸佢。不過結果我都有入去望過吓，雖然冇浸到。
未夠鐘食飯，就去浸 ➀ 號仔，忘歸洞。我都算行過吓山，隔一隔， PM 就連續浸 4 個，勁呀。
期待咗好耐，終於，浸完， PM 話超正，但我祇覺一般，雖然在岩洞中，但都幾細，望到海但又離得遠，並冇海浪拍埋身嘅感覺。
尋日喺白浜食咗餐超正會席，今日普通啲，食大堂嘅 buffet 。
有真人表演，即場劏魚。
個魚頭用黎做炸物。
雖然睇落麻麻，都攞咗幾舊黎食。
又有煮物、炸物、蝦物、茄物、同杯物。
呢個，真係估佢唔到，雖然好玩多過好食，但啲菠蘿幾正，一於追加。
又有雪糕同夾餅，自製雪糕批。結果有人貪心，多得滯，凸哂出黎。
食物雖然一般，但勝在好玩。原來全場最受歡迎，都係呢個。
食完飯，周圍行，等落咗隔，然後先再浸。
呢幅圖，係咪以前古代嘅浦島溫泉呢？
可以去埋其餘嗰兩個， ➂ 號同 ➃ 號，玄武洞同磯の湯。
磯の湯祇一般，可能啲水質唔同掛，但個池就冇特別。
玄武洞就超正，祇一欄之隔，就係海，右邊係大海，左邊係佈滿岩石嘅海岸，近距離睇住啲巨浪一個一個從右至左拍過黎，打在岩石上，呯呯聲巨響同時激起衝天浪花，勁。偶然又會有海水洒到浸在溫泉水中嘅我，一樂也。
諗起天龍八部裏面所講嘅，「洞中無日月，人間至樂也。」
浸完，我覺得玄武洞好過忘歸洞， PM 就話忘歸洞好啲，於是，我地懷疑，忘歸洞男女兩邊係唔同嘅。睇番張案內，祇有忘歸洞寫明係會「朝夕男女湯入替」，聽朝再去。
Continue …
好快，就慢慢天光。
跟住，再去浸吓溫泉，然後又開餐。早餐，就冇乜特別。
食完早餐，出街行吓，呢度有個足湯橫丁，可以一路浸住對腳一路食麵，不過未開，連水都未有。
天色幾好。
再行多一陣，決定搭早一班車去浦島。
因為鐵路沿海岸線而建，沿途風景都好靚。但要在行駛中嘅火車影窗外景物，其實好難，甚至唔係有幾困難，而係完全撞彩。
明明呢一刻冇嘢，拑完掣，會多咗條電線桿。惟有影多啲，然後靠撞彩。
呢堆石頭陣，好特別，但祇能勉強影到咁。
到咗紀伊勝浦駅，已經中午，是但揾地方食嘢。
呢間食燒肉，叫咗兩個唔同嘅 set 。
網燒大量牛肉、牛舌，下圖係牛仔骨、雞肉同腸仔，都 ok 唔錯。
今晚住ホテル浦島，有個叫忘歸洞嘅名物。從碼頭望過去酒店，係咁嘅。今日又天晴，藍天白雲，正。
要搭呢隻烏龜船過去。
酒店有下面本館，又有山頂嘅山上館，中間有條好長嘅電梯連接。
周邊島嶼都幾靚。
呢間房，都幾大，雖然係低層，但向海，見到隻烏龜船泊喺出面。
有塊餅，都寫住忘歸洞，梗係唔客氣啦。
先去浸其中一個溫泉，途中見到呢個，叫狼煙山遊園嘅地方，就決定一陣去行吓。
其實係條行山徑，可以去一個浦島稻荷神社。我自己去行吓影吓相， PM 就去咗浸一個好似較削嘅溫泉，話如果真係削，我就唔使去。
結果，行咗都幾遠，成個山得我一個人，好驚，去到神社，都係得我一個人，要緊記，天黑前要閃。
再行，轉彎，就係神社。
從山上望番落去內港。
另一邊，見到呢間係喺隔籬島嘅ホテル中の島，都幾靚仔。
山後面係太平洋，一望無際。如果秋天，就會有秋水共長天一色。
然後，行咗去山上館嘅天台，見到再另一邊，有個泳池，似係依海岸嘅岩石「填」出黎，睇番酒店案內，應該係酒店設施之一，叫做千畳敷プール，不過祇在夏季開放使用。
影完相，就繼續喪浸溫泉，跟住呢張案內，每浸一個，就給一個印。
講到浸溫泉，因為有朋友黎過教路，話呢度有好多溫泉，雖然有好嘅又有普通嘅，但都一浸無妨，如果想浸哂咁多個，就要爭取時間。所以， check in 後，返房放低嘢，就第一時間去浸。
顏究完上面張案內，決定先去 ➄ 和 ➅ 。
搭嗰條好長嘅電梯，上去山上館。
行一陣，就到 ➅ 號，天海の湯。
冇人，忍唔住手 … ，小心 check 過哂冇嘢，先擺出黎。
向海嗰邊，係半開放，隔住啲矮樹可以望到海。浸約半個鐘，就夠，走得。喺溫泉門口，給番個印。跟住就 next 。
上一層樓，去 ➄ 號，遙峰の湯。呢個係室內嘅，但有好大落地玻璃，望到內港景色。又浸半個鐘，就返去。
原來有，可以直落返一階，唔使搭番嗰條長電梯。
由山頂，搭係垂直落，就去咗個山嘅中間，要行條好長嘅隧道出番去。
隧道牆壁，有「窗口」，可以望到窗外嘅岩石。
途中經過，見到忘歸洞入口，一陣先去浸佢。
呢個時候， PM 自己去浸 ➁ 號，我就去行狼煙山遊園，影吓相，諗住如果個 ➁ 號係削嘅，我就唔使去，雖然男同女嘅 ➁ 號係唔同嘅，但照計應該都 similar 。
結果，個 ➁ 號真係有啲削，或者應該話比較普通，喺其他地方唔會彈佢，喺呢度就有好啲嘅，唔使去浸佢。不過結果我都有入去望過吓，雖然冇浸到。
未夠鐘食飯，就去浸 ➀ 號仔，忘歸洞。我都算行過吓山，隔一隔， PM 就連續浸 4 個，勁呀。
期待咗好耐，終於，浸完， PM 話超正，但我祇覺一般，雖然在岩洞中，但都幾細，望到海但又離得遠，並冇海浪拍埋身嘅感覺。
尋日喺白浜食咗餐超正會席，今日普通啲，食大堂嘅 buffet 。
有真人表演，即場劏魚。
個魚頭用黎做炸物。
雖然睇落麻麻，都攞咗幾舊黎食。
又有煮物、炸物、蝦物、茄物、同杯物。
呢個，真係估佢唔到，雖然好玩多過好食，但啲菠蘿幾正，一於追加。
又有雪糕同夾餅，自製雪糕批。結果有人貪心，多得滯，凸哂出黎。
食物雖然一般，但勝在好玩。原來全場最受歡迎，都係呢個。
食完飯，周圍行，等落咗隔，然後先再浸。
呢幅圖，係咪以前古代嘅浦島溫泉呢？
可以去埋其餘嗰兩個， ➂ 號同 ➃ 號，玄武洞同磯の湯。
磯の湯祇一般，可能啲水質唔同掛，但個池就冇特別。
玄武洞就超正，祇一欄之隔，就係海，右邊係大海，左邊係佈滿岩石嘅海岸，近距離睇住啲巨浪一個一個從右至左拍過黎，打在岩石上，呯呯聲巨響同時激起衝天浪花，勁。偶然又會有海水洒到浸在溫泉水中嘅我，一樂也。
諗起天龍八部裏面所講嘅，「洞中無日月，人間至樂也。」
浸完，我覺得玄武洞好過忘歸洞， PM 就話忘歸洞好啲，於是，我地懷疑，忘歸洞男女兩邊係唔同嘅。睇番張案內，祇有忘歸洞寫明係會「朝夕男女湯入替」，聽朝再去。
Continue …
沒有留言:
發佈留言