2011年2月16日 Wednesday ( day 5 )
其實想去嘅係軽井沢嗰間星のや同埋有忘帰洞嘅浦島，因為都有朋友去過話正，要串埋佢地就要全國 JR Pass ，一買就 7 日，最後就 plan 咗呢個行法，經京都大阪，兜一個圈，每處停吓，食吓嘢，大原則是輕鬆、悠閒。
起身，搭地鐵出烏丸四条，漫步經河原町過祇園嗰邊，在寧靜的早上閒逛。
睇吓祇園嘅特色水道， … 小橋，流水，人家。
然後慢慢行過八坂神社嗰邊，沿途影吓相。
見到八坂神社，再向山上行。
都行咗幾遠，到山腰深處，先致見到今日嘅目的地，菊乃井本店。
我地準時 12 點到，已有職員在門口等，帶我地入去。經過走廊，落幾級樓梯，到某個位，拉開趟門，先開一道，有個空間，再在另一邊開另一道，經兩道趟門，便入到一間個室，都幾大。中間有張長枱，黑色漆面，光滑如鏡，得兩個位。（最左邊就係門口位置。）
另一邊有個小庭園，行埋去睇吓，再出去睇吓。
等食時，俾咗本「見本」我地睇，其中有幾頁用 post-it 貼住，原來係我地今日會食嘅嘢。
另外又有張英文嘅 menu ，標題是「 Menu for the Month of Change of Clothes (February) 」，原來二月係換衫月。
先上黎嘅，就係「見本」有嘅，好似同上圖一樣，係 assortment of appetizers 。因為呢樣嘢，有人之後去揾黑豆黎買。
跟住換咗杯茶。
呢個係 sashimi of tai (red sea bream) ，同埋 young maguro (bluefin tuna) ，其它嘢，包括嗰兩條紅色白色卷，都有講清楚，係 udo (wild mountain vegetable) curl, carrot curl 。雖然舊藍鰭吞拿並唔係大中卜口，似係赤身位置，但都超正，乜得兩舊咁少？另外個白身魚都好肥美，正。
呢碗係 minced duck 湯，當然一滴不剩，隻碗都好靚。
跟住係燒魚， grilled marinated flatfish ，上枱時先由另一隻大碟裝住兩舊魚，同埋舖咗好多草，好靚，但影唔切，阿姐好快手就分碟上，祇夾咗一條草做裝飾，又有塊柚子皮，又好睇又超好食。
然後有窩物，係豆乳窩，嗰三舊係 yellowtail 魚。第一舊未能拿揑得準，有點 overcook ，但係一啲都唔「鞋」，魚有魚味，之後控制到剛熟，正，個湯又係超正，我同 PM 都飲哂。
最後係蒸鰻魚飯，係 anago ，即係海鰻，個飯係糯米飯，又係食到一粒不剩。
牙籤好粗，好睇唔好用。個盒係青銅造，好靚。
甜品係 strawberry ice cream 同埋 strawberry soup 。
重有呢舊嘢係 menu 冇嘅，用枝竹棍拮住黎食，應該係送茶嘅茶點。
跟住阿姐揸住隻碗轉咗幾吓先擺上枱，睇怕就係茶道。
好 好 飲 ，雖然，並冇懷住一期一會嘅心情去欣賞。
除咗剩番嗰滴，杯底同杯身都係乾爽嘅，真神奇。
然後，阿姐喺個櫃度攞咗個電話出黎，叫我地隨便坐，想走就打俾佢。個電話係搞盤嘅，係真嘅，唔係拑掣扮搞盤，勁。
呢間嘢，如果要揾地方彈佢，就係牙籤太粗。
出番黎，睇吓錶，係 2 時 55 分，食咗成三個鐘，好在冇話 plan 咗要去邊度。落番山，已經三點幾，就近近哋，去行吓錦小路。
有大量漬物。
個炒栗子好似好正咁，但重好飽，食唔落。
八爪魚仔，要二百円（即係成廿蚊）一隻。
呢間舖，有懷舊海布。
呢間潮店，叫 LUPICIA ，唔係賣衫，係賣茶葉， PM 終於發市，買到嘢。
呢間三嶋亭，食 sukiyaki ，在其他 blog 見過，諗過食，原來今日休日，好在冇預到食佢。
又有呢隻熟口熟面嘅蟹，聽晚先致食。
佢個嘴好似某啲人。
夜晚，過神戶食牛，話遠又唔係太遠，有 JR Pass ，都好方便，去食呢間叫 Sakura 嘅鐵板燒。喺某個網頁見過推介，話係較 young 嘅鐵板燒料理，見佢個 menu 都幾「彈性」，特選神戶牛之外，又有特選黑毛和牛，後者又有 ise ebi ，好似幾正咁，就去試吓。
入到去，乜冇乜人？（我地冇包場，後面係有人嘅。）既來之，則安之。
左邊嗰格係岩鹽。
PM 拎起 menu ，睇咗約三秒，二話不說，就揀咗第一個 item ，即係特選神戶牛，我係咁咦睇咗一陣，唔食埋一樣，叫咗特選黑毛和牛配 ise ebi。
前菜有魚有肉，都好好食。
跟住有湯同沙律。
先燒一啲菜，同埋豆腐。
呢舊嘢，師傅直接放落個汁度。
但係個洋葱就繼續燒，冇俾我地。
另外又燒蒜片。
主角出場，但唔知邊舊打邊舊，好似左邊嗰舊靚仔啲，睇怕佢係特選神戶牛。
好驚。
（個洋葱重喺度，乜搞咁耐？）
然後切粒，上碟，兩舊牛師傅自動一人俾一半。
（乜上咗碟，好似咁少？）
呢個時候，有飯和漬物，點解又冇炒飯？
我地食緊飯，師傅先炒芽菜，然後同個洋葱一齊上。
好似食完咁，我細細聲問 PM ，覺唔覺有 ise ebi ？然後師傅先去拎出黎，乜啲次序咁亂，定係頭先漏咗？
燒熟咗係咁嘅，乜得咁少肉？
甜品係雪糕，有小片菠蘿。
整體黎講，係好食嘅，祇係冇炒飯，有啲美中不足。
明天，出大阪。
Continue …
起身，搭地鐵出烏丸四条，漫步經河原町過祇園嗰邊，在寧靜的早上閒逛。
睇吓祇園嘅特色水道， … 小橋，流水，人家。
然後慢慢行過八坂神社嗰邊，沿途影吓相。
見到八坂神社，再向山上行。
都行咗幾遠，到山腰深處，先致見到今日嘅目的地，菊乃井本店。
我地準時 12 點到，已有職員在門口等，帶我地入去。經過走廊，落幾級樓梯，到某個位，拉開趟門，先開一道，有個空間，再在另一邊開另一道，經兩道趟門，便入到一間個室，都幾大。中間有張長枱，黑色漆面，光滑如鏡，得兩個位。（最左邊就係門口位置。）
另一邊有個小庭園，行埋去睇吓，再出去睇吓。
等食時，俾咗本「見本」我地睇，其中有幾頁用 post-it 貼住，原來係我地今日會食嘅嘢。
另外又有張英文嘅 menu ，標題是「 Menu for the Month of Change of Clothes (February) 」，原來二月係換衫月。
先上黎嘅，就係「見本」有嘅，好似同上圖一樣，係 assortment of appetizers 。因為呢樣嘢，有人之後去揾黑豆黎買。
跟住換咗杯茶。
呢個係 sashimi of tai (red sea bream) ，同埋 young maguro (bluefin tuna) ，其它嘢，包括嗰兩條紅色白色卷，都有講清楚，係 udo (wild mountain vegetable) curl, carrot curl 。雖然舊藍鰭吞拿並唔係大中卜口，似係赤身位置，但都超正，乜得兩舊咁少？另外個白身魚都好肥美，正。
呢碗係 minced duck 湯，當然一滴不剩，隻碗都好靚。
跟住係燒魚， grilled marinated flatfish ，上枱時先由另一隻大碟裝住兩舊魚，同埋舖咗好多草，好靚，但影唔切，阿姐好快手就分碟上，祇夾咗一條草做裝飾，又有塊柚子皮，又好睇又超好食。
然後有窩物，係豆乳窩，嗰三舊係 yellowtail 魚。第一舊未能拿揑得準，有點 overcook ，但係一啲都唔「鞋」，魚有魚味，之後控制到剛熟，正，個湯又係超正，我同 PM 都飲哂。
最後係蒸鰻魚飯，係 anago ，即係海鰻，個飯係糯米飯，又係食到一粒不剩。
牙籤好粗，好睇唔好用。個盒係青銅造，好靚。
甜品係 strawberry ice cream 同埋 strawberry soup 。
重有呢舊嘢係 menu 冇嘅，用枝竹棍拮住黎食，應該係送茶嘅茶點。
跟住阿姐揸住隻碗轉咗幾吓先擺上枱，睇怕就係茶道。
好 好 飲 ，雖然，並冇懷住一期一會嘅心情去欣賞。
除咗剩番嗰滴，杯底同杯身都係乾爽嘅，真神奇。
然後，阿姐喺個櫃度攞咗個電話出黎，叫我地隨便坐，想走就打俾佢。個電話係搞盤嘅，係真嘅，唔係拑掣扮搞盤，勁。
呢間嘢，如果要揾地方彈佢，就係牙籤太粗。
出番黎，睇吓錶，係 2 時 55 分，食咗成三個鐘，好在冇話 plan 咗要去邊度。落番山，已經三點幾，就近近哋，去行吓錦小路。
有大量漬物。
個炒栗子好似好正咁，但重好飽，食唔落。
八爪魚仔，要二百円（即係成廿蚊）一隻。
呢間舖，有懷舊海布。
呢間潮店，叫 LUPICIA ，唔係賣衫，係賣茶葉， PM 終於發市，買到嘢。
呢間三嶋亭，食 sukiyaki ，在其他 blog 見過，諗過食，原來今日休日，好在冇預到食佢。
又有呢隻熟口熟面嘅蟹，聽晚先致食。
佢個嘴好似某啲人。
夜晚，過神戶食牛，話遠又唔係太遠，有 JR Pass ，都好方便，去食呢間叫 Sakura 嘅鐵板燒。喺某個網頁見過推介，話係較 young 嘅鐵板燒料理，見佢個 menu 都幾「彈性」，特選神戶牛之外，又有特選黑毛和牛，後者又有 ise ebi ，好似幾正咁，就去試吓。
入到去，乜冇乜人？（我地冇包場，後面係有人嘅。）既來之，則安之。
左邊嗰格係岩鹽。
PM 拎起 menu ，睇咗約三秒，二話不說，就揀咗第一個 item ，即係特選神戶牛，我係咁咦睇咗一陣，唔食埋一樣，叫咗特選黑毛和牛配 ise ebi。
前菜有魚有肉，都好好食。
跟住有湯同沙律。
先燒一啲菜，同埋豆腐。
呢舊嘢，師傅直接放落個汁度。
但係個洋葱就繼續燒，冇俾我地。
另外又燒蒜片。
主角出場，但唔知邊舊打邊舊，好似左邊嗰舊靚仔啲，睇怕佢係特選神戶牛。
好驚。
（個洋葱重喺度，乜搞咁耐？）
然後切粒，上碟，兩舊牛師傅自動一人俾一半。
（乜上咗碟，好似咁少？）
呢個時候，有飯和漬物，點解又冇炒飯？
我地食緊飯，師傅先炒芽菜，然後同個洋葱一齊上。
好似食完咁，我細細聲問 PM ，覺唔覺有 ise ebi ？然後師傅先去拎出黎，乜啲次序咁亂，定係頭先漏咗？
燒熟咗係咁嘅，乜得咁少肉？
甜品係雪糕，有小片菠蘿。
整體黎講，係好食嘅，祇係冇炒飯，有啲美中不足。
明天，出大阪。
Continue …
沒有留言:
發佈留言