2011年2月18日 Friday ( day 7 )
起身， check out ，喺京都駅行一陣，在地下街買漬物。
呢架就係去白浜嘅特急，睇怕都唔慌會行得快。
去到白浜，已經中午，去 Tore Tore 市場食嘢。
如果每個 trip 都有啲敗筆嘅話，今次，就係呢度， Tore Tore 市場。
有師傅劏魚，見啲「魚有」幾樣好，買咗一盒黎食，正。
又買咗啲魚介，包括海老、帆立貝、大蜆、螺，去燒。
啲蜆，燒燒吓，就會自己打開。
啲螺，燒到滾會噴水，好驚，用枝竹籤拮舊肉出黎，又好難。
帆立貝舊肉散哂，原因，下面講。
整體黎講，同上次去八戶嘅八食市場冇得比。呢度個場又細，又少嘢賣，之外，最主要項目，燒海鮮，完全冇得比。個爐，八戶係燒炭嘅，呢度，燒 gas ，風味與炭香都冇得比。海鮮檔服務，八戶會幫你將隻螺起肉，切粒，用隻鮑魚殼裝住，呢度，毛。就算帆立貝咁簡單嘅嘢，其實都要用刀貼住其中一邊殼切甩舊肉，打開時，舊肉先會完整咁去咗另一邊，如果唔係，用力夾硬打開兩塊殼，會扯爛舊肉，好似上面張相咁。喺八戶，啲帆立貝幫你開好，呢度，毛。
其實， to be fair ，啲海鮮係好新鮮好好味嘅，不過服務唔夠好，扣哂分。
今晚住嘅酒店，叫做南紀白浜温泉旅館むさし，簡稱酒店。
間房，都幾大，算有海景同沙灘景，沙灘係呢度嘅名物
因為高層比較貴，冇揀，所以，海景沙灘景加送前面天台景。
哈！連咁細個嘅浴缸都可以打開窗望海景，唔該哂。
頭先喺 Tore Tore 市場食嘢時，唔太飽都冇再追加嘢，而家有啲空虛，就決定 KO 咗呢個九段斑鳩，杯麵黎講，佢都算正。
然後落去沙灘行吓。將近黃昏，天色好靚。個沙灘都好靚，可以想像，如果夏天黎，一定會更加靚，更加多靚嘢睇。
回頭望番酒店嗰邊，背向太陽，個天重好藍。中間就係我地住嗰間酒店，我地間房，喺高啲嗰座樓嘅中層位置，望到沙灘但有前面矮啲嘅樓嘅天台。都 ok 啦。
沙灘旁，有個足湯，但冇人浸，啲水好似唔係幾熱。
又夠鐘開飯，返酒店。呢餐，食酒店嘅會席，喺間房度食。
之前 check in 時，送咗一張女士浴衣 coupon ，靚過間房裏面提供嗰件，就攞返房，點知太複雜，唔識着。就同 serve 會席個阿姐講，揾酒店啲人幫手。
前菜三款。
跟住係刺身三款，包括「魚有」，白身魚，同埋 ise ebi ，正到冇嘢講。前者用一個冰造嘅碗裝住。
然後有活鮑，真係活嘅，篤佢會縮。呢隻係我嘅。
PM 嗰隻圓啲。
個鑊上有水同埋幾舊石仔，放隻鮑魚上去，衾埋個蓋，點火，其實即係等如用水蒸熟佢。
蒸到啱啱熟，加少少牛油同檸檬汁，冧得黎，少少彈牙，但完全唔韌，又滑又鮮味，超正，又係正到冇嘢講。
呢個時候，有人黎幫 PM 着嗰件浴衣，我就繼續食。
跟住食 shabu shabu ，所有嘢都好正，如果有埋麻醬就 perfect 喇。但冇都已經好正。
重有天婦羅，大海老。
最後，湯、飯、漬物、生果。
之後，有人爭功，話佢揀嘅酒店啲嘢零舍好食。
又有人唔捨得除嗰件浴衣，着住佢周圍去。
夜啲，冇咁飽啦，先去浸溫泉。
Continue …
呢架就係去白浜嘅特急，睇怕都唔慌會行得快。
去到白浜，已經中午，去 Tore Tore 市場食嘢。
如果每個 trip 都有啲敗筆嘅話，今次，就係呢度， Tore Tore 市場。
有師傅劏魚，見啲「魚有」幾樣好，買咗一盒黎食，正。
又買咗啲魚介，包括海老、帆立貝、大蜆、螺，去燒。
啲蜆，燒燒吓，就會自己打開。
啲螺，燒到滾會噴水，好驚，用枝竹籤拮舊肉出黎，又好難。
帆立貝舊肉散哂，原因，下面講。
整體黎講，同上次去八戶嘅八食市場冇得比。呢度個場又細，又少嘢賣，之外，最主要項目，燒海鮮，完全冇得比。個爐，八戶係燒炭嘅，呢度，燒 gas ，風味與炭香都冇得比。海鮮檔服務，八戶會幫你將隻螺起肉，切粒，用隻鮑魚殼裝住，呢度，毛。就算帆立貝咁簡單嘅嘢，其實都要用刀貼住其中一邊殼切甩舊肉，打開時，舊肉先會完整咁去咗另一邊，如果唔係，用力夾硬打開兩塊殼，會扯爛舊肉，好似上面張相咁。喺八戶，啲帆立貝幫你開好，呢度，毛。
其實， to be fair ，啲海鮮係好新鮮好好味嘅，不過服務唔夠好，扣哂分。
今晚住嘅酒店，叫做南紀白浜温泉旅館むさし，簡稱酒店。
間房，都幾大，算有海景同沙灘景，沙灘係呢度嘅名物
因為高層比較貴，冇揀，所以，海景沙灘景加送前面天台景。
哈！連咁細個嘅浴缸都可以打開窗望海景，唔該哂。
頭先喺 Tore Tore 市場食嘢時，唔太飽都冇再追加嘢，而家有啲空虛，就決定 KO 咗呢個九段斑鳩，杯麵黎講，佢都算正。
然後落去沙灘行吓。將近黃昏，天色好靚。個沙灘都好靚，可以想像，如果夏天黎，一定會更加靚，更加多靚嘢睇。
回頭望番酒店嗰邊，背向太陽，個天重好藍。中間就係我地住嗰間酒店，我地間房，喺高啲嗰座樓嘅中層位置，望到沙灘但有前面矮啲嘅樓嘅天台。都 ok 啦。
沙灘旁，有個足湯，但冇人浸，啲水好似唔係幾熱。
又夠鐘開飯，返酒店。呢餐，食酒店嘅會席，喺間房度食。
之前 check in 時，送咗一張女士浴衣 coupon ，靚過間房裏面提供嗰件，就攞返房，點知太複雜，唔識着。就同 serve 會席個阿姐講，揾酒店啲人幫手。
前菜三款。
跟住係刺身三款，包括「魚有」，白身魚，同埋 ise ebi ，正到冇嘢講。前者用一個冰造嘅碗裝住。
然後有活鮑，真係活嘅，篤佢會縮。呢隻係我嘅。
PM 嗰隻圓啲。
個鑊上有水同埋幾舊石仔，放隻鮑魚上去，衾埋個蓋，點火，其實即係等如用水蒸熟佢。
蒸到啱啱熟，加少少牛油同檸檬汁，冧得黎，少少彈牙，但完全唔韌，又滑又鮮味，超正，又係正到冇嘢講。
呢個時候，有人黎幫 PM 着嗰件浴衣，我就繼續食。
跟住食 shabu shabu ，所有嘢都好正，如果有埋麻醬就 perfect 喇。但冇都已經好正。
重有天婦羅，大海老。
最後，湯、飯、漬物、生果。
之後，有人爭功，話佢揀嘅酒店啲嘢零舍好食。
又有人唔捨得除嗰件浴衣，着住佢周圍去。
夜啲，冇咁飽啦，先去浸溫泉。
Continue …
沒有留言:
發佈留言