2012年6月23日 Saturday ( day 2 )
今日，天晴，有人就用 iPhone 影咗呢張相，也文也武，話好過哂我用相機影嘅，之類。
咁我有我嘅 angle ，唔使同人比較。
有個黑影，高速喺腳下飄過，手快有，手慢冇。
尋日玩完浮潛，今日，去 Blue Lagoon ，係個自費活動。
話說，我以前讀嘅中學，可以話係通識嘅先驅，喺當時祇有兩間大學嘅年代，一切目標為本，考試至上，而且文理分明，但竟然讀理科而會考冇得揀 Geography 嘅，都要喺中四讀佢一年，到中五先又冇咗，奇奇怪怪咁。
但原來喺 Geography 學到嘅各種地貌、成因等等，到日後真係見到時，都會覺得特別有趣味，反而嗰啲 sin、cos ，做咗咁多年人，幾時有用過？
當年，喺書上面睇，就覺得 lagoon 好過引。點解喺海中心有堆沙，得幾呎高，但又唔會被水流冲咗去？
今日，我地出發去睇真啲。
去碼頭，又經過個泳池，我唔用 iPhone 都影到靚相。
喺行去碼頭嘅長橋上面，睇到，今日好晒。
呢位型男，一陣間，捉到條大魚。
呢個活動，包埋遊覽一個叫可樂島嘅地方，所以，雖然冇乜大興趣，我地都「被遊覽」咗成粒鐘。
可樂島上，求其週圍影吓。
有啲屋，用石砌出黎。
呢個，唔知乜？
成團人被帶去賣 souvenir 嘅店舖，各種貝殼擺設，幾十至幾百美元不等，我同 PM 去海邊行吓算。沙灘上面，有間好似係戲院嘅嘢。
我地喺隔籬有個涼亭度坐吓。
下一站，今日嘅主腳， Blue Lagoon 。
離好遠見到，真係得好淺嘅沙。（後面，有雨？）
近啲，「島」上應該有人喺度，好嘆咁。
再近啲，佢地見到有船埋緊去，好似好驚咁。
哈！我地落船，佢地就急急走。唔好意思，打搞晒。
其實，離遠睇，先見到個 lagoon 嘅地貌，行咗上去，就好似個沙灘咁。
咁呢度就真係水清沙幼喇。（ PM 隻蛙鞋，冇咗條帶，所以赤腳。）
離得遠啲，就有珊瑚礁，同埋好多魚。
我地又玩浮潛。
我又浮吓浮吓咁喺度乜都影吓。
呢個，似個波。
魚，依然係要斷估先撞彩影到。
頭先嗰位靚仔，好似徒手，就捉到條大魚，厲害。
回航，又要去 Sunset Bar 隊番幾杯嘢先。
今次有啲變化，唔淨係 Fruit Punch 。
泳池有 function ，好似跳緊舞，好熱鬧。
另一邊， zoom 遠啲，有帆船。
飲完嘢，返房冲個凉，先再去開餐。
今日天色勁好。
行到埋去啲水腳屋度，繼續影。
我地去 Velhi 度食 lunch ，佢又將啲是日推介擺哂出黎。
其實好似差唔多，我地食咗，包括呢啲。
有人（唔講邊個）繼續係亂黎，咖哩、漢堡、魚，又有火龍果。
食完，出番黎，咦？
好似冇話食完 Velhi ，唔可以再去 Kandu 度繼續喎。
我地就過去坐吓，嗰邊有海景嘛。
飲吓嘢，食啲菜。
掟舊麵包落水，好震撼。
鯊魚都黎襯熱鬧？
睇真啲，條鯊魚一埋黎，啲魚仔就四散，似乎，鯊魚想食嘅，並唔係麵包。
我地下一個節目，都係喺 Kandu 裏面進行，就係， cooking class 。
原來，係齋睇，冇得落手做。
有好多兜嘢，佢溝吓溝吓，就煮咗啲咖哩出黎，好似好易咁。
最後，落魚，完成。
既然冇得自己落手做，咁成個烹飪班，最有得着，就係呢一刻，試食。正。
出番黎，見 set up 咗個台，今晚，呢度有 function 。
我地跟住，去佢個 Spa 度，學手部按摩。
入到去，幾幽雅。
佢杯薑茶，幾好飲。
其實係 PM 攞隻手出黎俾佢按，即係，教緊我，但我學到好似張無忌學太極劍咁，呢頭學嗰頭就唔記得哂。
喺呢個 Spa 度，連埋等，飲杯薑茶，前後半個鐘多啲，我大概被蚊咬咗超過 30 啖。
餵完蚊，去補充番啲水份先。
呢個咁靚嘅泳池，聽日先幫襯佢。
今日，黃昏時候，有個市集。
慢慢，就有好多人。
賣嘅嘢，都係啲手工藝品。
呢個都放喺地上面，不過唔係賣，係俾人玩嘅。
行咗一陣個市集，返房梳洗吓。
途中，見到喺沙灘上面有人佈置枱椅，呢個沙灘の夕食，好似要 200 蚊美金。
又到日落，咁又一日，就快。
好快，就天黑。
我地去呢個祇 serve 水腳屋住客嘅 Manta Lounge 度，飲番杯嘢，咁見佢有啲 snacks ，我地又試吓。
離遠見到，嗰枱沙灘の夕食，已經開始咗。
我地又去 Kandu ，開餐。
食啲嘢，都係差唔多，有啲魚會有少少韌，但魚有魚味，都唔錯。
呢個，被指正，係啤酒。
前菜主菜其實都冇乜分。
繼續焦糖燉蛋、雪糕。
哈！食完 Kandu ，又行過去 Velhi 度睇吓先。
呢條魚好似好勁，攞番舊黎食。
都有攞啲其他嘢，少少咁啦。
今晚嘅活動，係個咪嘴歌唱比賽，播唱片，扮唱，演出嘅都係 staff 。
呢個，唔知扮乜組合。
呢個，扮 Whitney Houston ，唱 I will always love you ，七情上面。
結果，贏嘅，當然係 … ，要符合國情。
呢個爆炸頭，好頂引，不過今晚冇份演出。
Continue …
咁我有我嘅 angle ，唔使同人比較。
有個黑影，高速喺腳下飄過，手快有，手慢冇。
尋日玩完浮潛，今日，去 Blue Lagoon ，係個自費活動。
話說，我以前讀嘅中學，可以話係通識嘅先驅，喺當時祇有兩間大學嘅年代，一切目標為本，考試至上，而且文理分明，但竟然讀理科而會考冇得揀 Geography 嘅，都要喺中四讀佢一年，到中五先又冇咗，奇奇怪怪咁。
但原來喺 Geography 學到嘅各種地貌、成因等等，到日後真係見到時，都會覺得特別有趣味，反而嗰啲 sin、cos ，做咗咁多年人，幾時有用過？
當年，喺書上面睇，就覺得 lagoon 好過引。點解喺海中心有堆沙，得幾呎高，但又唔會被水流冲咗去？
今日，我地出發去睇真啲。
去碼頭，又經過個泳池，我唔用 iPhone 都影到靚相。
喺行去碼頭嘅長橋上面，睇到，今日好晒。
呢位型男，一陣間，捉到條大魚。
呢個活動，包埋遊覽一個叫可樂島嘅地方，所以，雖然冇乜大興趣，我地都「被遊覽」咗成粒鐘。
可樂島上，求其週圍影吓。
有啲屋，用石砌出黎。
呢個，唔知乜？
成團人被帶去賣 souvenir 嘅店舖，各種貝殼擺設，幾十至幾百美元不等，我同 PM 去海邊行吓算。沙灘上面，有間好似係戲院嘅嘢。
我地喺隔籬有個涼亭度坐吓。
下一站，今日嘅主腳， Blue Lagoon 。
離好遠見到，真係得好淺嘅沙。（後面，有雨？）
近啲，「島」上應該有人喺度，好嘆咁。
再近啲，佢地見到有船埋緊去，好似好驚咁。
哈！我地落船，佢地就急急走。唔好意思，打搞晒。
其實，離遠睇，先見到個 lagoon 嘅地貌，行咗上去，就好似個沙灘咁。
咁呢度就真係水清沙幼喇。（ PM 隻蛙鞋，冇咗條帶，所以赤腳。）
離得遠啲，就有珊瑚礁，同埋好多魚。
我地又玩浮潛。
我又浮吓浮吓咁喺度乜都影吓。
呢個，似個波。
魚，依然係要斷估先撞彩影到。
頭先嗰位靚仔，好似徒手，就捉到條大魚，厲害。
回航，又要去 Sunset Bar 隊番幾杯嘢先。
今次有啲變化，唔淨係 Fruit Punch 。
泳池有 function ，好似跳緊舞，好熱鬧。
另一邊， zoom 遠啲，有帆船。
飲完嘢，返房冲個凉，先再去開餐。
今日天色勁好。
行到埋去啲水腳屋度，繼續影。
我地去 Velhi 度食 lunch ，佢又將啲是日推介擺哂出黎。
其實好似差唔多，我地食咗，包括呢啲。
有人（唔講邊個）繼續係亂黎，咖哩、漢堡、魚，又有火龍果。
食完，出番黎，咦？
好似冇話食完 Velhi ，唔可以再去 Kandu 度繼續喎。
我地就過去坐吓，嗰邊有海景嘛。
飲吓嘢，食啲菜。
掟舊麵包落水，好震撼。
鯊魚都黎襯熱鬧？
睇真啲，條鯊魚一埋黎，啲魚仔就四散，似乎，鯊魚想食嘅，並唔係麵包。
我地下一個節目，都係喺 Kandu 裏面進行，就係， cooking class 。
原來，係齋睇，冇得落手做。
有好多兜嘢，佢溝吓溝吓，就煮咗啲咖哩出黎，好似好易咁。
最後，落魚，完成。
既然冇得自己落手做，咁成個烹飪班，最有得着，就係呢一刻，試食。正。
出番黎，見 set up 咗個台，今晚，呢度有 function 。
我地跟住，去佢個 Spa 度，學手部按摩。
入到去，幾幽雅。
佢杯薑茶，幾好飲。
其實係 PM 攞隻手出黎俾佢按，即係，教緊我，但我學到好似張無忌學太極劍咁，呢頭學嗰頭就唔記得哂。
喺呢個 Spa 度，連埋等，飲杯薑茶，前後半個鐘多啲，我大概被蚊咬咗超過 30 啖。
餵完蚊，去補充番啲水份先。
呢個咁靚嘅泳池，聽日先幫襯佢。
今日，黃昏時候，有個市集。
慢慢，就有好多人。
賣嘅嘢，都係啲手工藝品。
呢個都放喺地上面，不過唔係賣，係俾人玩嘅。
行咗一陣個市集，返房梳洗吓。
途中，見到喺沙灘上面有人佈置枱椅，呢個沙灘の夕食，好似要 200 蚊美金。
又到日落，咁又一日，就快。
好快，就天黑。
我地去呢個祇 serve 水腳屋住客嘅 Manta Lounge 度，飲番杯嘢，咁見佢有啲 snacks ，我地又試吓。
離遠見到，嗰枱沙灘の夕食，已經開始咗。
我地又去 Kandu ，開餐。
食啲嘢，都係差唔多，有啲魚會有少少韌，但魚有魚味，都唔錯。
呢個，被指正，係啤酒。
前菜主菜其實都冇乜分。
繼續焦糖燉蛋、雪糕。
哈！食完 Kandu ，又行過去 Velhi 度睇吓先。
呢條魚好似好勁，攞番舊黎食。
都有攞啲其他嘢，少少咁啦。
今晚嘅活動，係個咪嘴歌唱比賽，播唱片，扮唱，演出嘅都係 staff 。
呢個，唔知扮乜組合。
呢個，扮 Whitney Houston ，唱 I will always love you ，七情上面。
結果，贏嘅，當然係 … ，要符合國情。
呢個爆炸頭，好頂引，不過今晚冇份演出。
Continue …
沒有留言:
發佈留言