2012年6月22日 Friday ( day 1 )
咁多年黎，都比較少去陽光海灘，今年，都唔知係咪真係會世界末日，而呢度又成日被講成係人間天堂，唔信還唔信，都想去過，先末日。
早一日，6 月 21日，搭下晝機，先去新加坡，去到已 7 點幾，轉機去到馬爾代夫，夜晚 10 點幾到，計埋時差慢香港 3 個鐘，等於我地點幾鐘，所以，好眼瞓。
喺機場就有個 Club Med 嘅 counter，埋去報到，然後一齊行出海邊，再坐大飛，約半個鐘就到佢嘅 Kani 島。
返到房，接近 12 點，我地再加 3 個鐘，所以，勁眼瞓。
佢喺間房度預備咗有啲 refreshments，以便我地肚餓時可以宵夜，幾周到。
但我地眼瞓多過肚餓，即刻去冲凉。
然後，就 …
致於佢有個心形喺張牀上面 … ，咪阻住哂啦。
瞓足精神，聽日，paradise。
聲明：以上相片乃某 PM 氏以其 iPhone 拍攝，據稱，比其他人使用相機所拍攝的更好，此乃部分人士之個人意見，不代表本 Blog 主立場。
瞓夠先起身，3 個鐘嘅時差亦不難適應。
先講吓我地住嘅地方，叫做 Kani 島，係 Club Med 嘅。我唔知呢個字喺當地解乜，但喺日文就係蟹，所以，有啲親切，亦有啲幻想（但結果呢度係冇蟹食嘅）。
而我地住嘅房，叫做 Lagoon Suites，又稱水上屋，喺呢個案內，就見到佢喺島嘅一端。
我地住 134 號房。
由 Club Med 網頁嘅鳥瞰圖，睇到我地間屋嘅位置，都算係個好位置。
遠睇，水上屋，係咁。
要行呢條橋返房，一邊有欄干，一邊冇。
我地就係住呢間。
間房幾簡單，主要部分，係張大牀，對住個露台，近門口嗰邊，就有個偏廳，喺嗰度食早餐，另一邊就係浴室洗手間。
大牀，幾靚咁。
打開露台嘅門，喺張牀就可以直接望到海。
浴室嗰邊，除咗有花洒嘅 shower room，重有個浴缸，都有無敵海景。
房內，衣櫃，有兩件救生衣。吓！連麻雀都有？（而喺呢幾日，我地的確聽到有麻雀聲。）
呢個，就啱使好多。
行出露台，有條木梯，先行落去一個平台，再有條鋼梯，用黎落水。
喺露台望出去，個 view 好正，不過今日多雲，天色一般。
望番岸嗰邊，心諗，喺第一間，由條梯落去，係沙而唔係海，都幾冇引。
雖然有個 warning，但都係將件救生衣放喺長凳度算。
落水，呢架幾年前買落嘅第一代防水機仔，終於叻番次。
我重喺露台影吓影吓，有人已經去到老連咁遠。
我都快快落水。水好清，但並唔係水清沙幼。
所以，一定要著鞋。
出面有啲淺水位，得幾吋深。
亦都有個好長嘅深水位，有人就係咁游。
回望我地間水上屋，係咁。
我冇乜興趣游水，就探索吓水底有乜。
主要係沙石，但間唔中都會有一兩舊珊瑚。
呢度搵到個小社區，好多魚。
後面，有幾隻海胆，可惜，有得睇冇得食。
水上屋，又叫做水腳屋，因為有好多腳。
差唔多够鐘食早餐，上返間屋，冲凉，佢啲洗頭水梘液，都好靚。
早餐要喺前一晚預訂，睇其他 blog 知道，中式日式都勁唔掂，所以我地祇揀歐式，穩陣食飽算。
我地又諗住今日會瞓得妟，不過就一早起咗身，所以，落完水先再食早餐。
簡簡單單，不過不失咁啦。
食完早餐，出去個島度行吓，又經過呢條橋。
離遠見到，呢間祇供 Lagoon Suites 住客使用嘅 Lounge。
由條橋望落水，近岸邊處，有好多鯊魚同魔鬼魚，Club Med 嘅人同我地講，鯊魚係 baby shark，冇危險性，但落水玩，就要小心唔好踩到啲 stingfish，佢以為受襲，會用條尾拮人，條刺有毒，可能會幾大劑。
繼續行去個島中間，去佢個 Reception 度問吓啲活動項目。
樓梯度，有小強個 friend，大強。
問咗活動嘅資料，呢度幾熱，有啲口渴，行去海邊間 Bar 飲番杯嘢先。
經過呢個泳池，好靚。（第二日，藍天白雲，重靚。）
呢間 Bar，叫做 The Sunset，睇怕係對住日落。
對住尋晚落船嘅碼頭。
先黎兩杯 fruit punch，每人一杯。
一路飲，一路 hea 吓。
呢個，幾靈異。
喺 Sunset Bar 對住個海灘， 喺度 hea，有人 hea 咗落水。
隔籬枱，有人食剩嘢走咗，即刻就有賊。
跟住，去環島遊。
我地沿海邊行去島嘅另一邊盡頭。
海灘埋便嘅中間位置，就係其他屋。
沿途，都有好多嘢可以玩，連 gym 都有。
鬼佬，係好奇怪嘅動物，山長水遠，千里迢迢，黎呢度，帶住副超睇書，重係鬼死咁厚嘅書。
（鬼佬：果啲人真奇怪，山長水遠，千里迢迢，黎呢度，唔好好休息吓，反而不停咁搵活動，結果重忙過返工。）
喺個島嘅另一端，有好多長凳，但就冇乜人行黎呢頭。
島嘅另一邊，個沙灘比較窄，個海亦比較大浪。
所以，有人玩滑浪。
哈！中間，有個籃球場。
行完個島一個圈，又返去中間 Reception 嗰度，準備開餐。
呢個時候，我返房攞啲嘢，PM 留喺 Reception 上吓網。
我返房，就見到，啲海水，好奇怪咁有啲污漬浮喺水面，水流都幾急，嗰啲污漬就以頗快速由屋下面流過。
結果，我地都冇問到 Club Med 嘅人嗰啲係乜。
呢度有兩間餐廳，叫 Velhi 同 Kandu，我地去 Velhi 度食 lunch，係自助餐。
一行入去，就見佢將啲是日推介擺哂出黎。
我地坐近窗，幾好陽光。
都有幾多嘢。
佢有好多魚，但多數都幾韌。
呢個廚師推介，係雞。
攞咗舊雞，但隻碟重有位，再加啲咖哩雞。
香腸咖哩雞魚。
食完飯，去玩浮潛，但未玩過嘅，要先做個游水測驗，所以，頭先冇食得太飽。
個測驗好簡單，由碼頭游去個波度，再返轉頭，不限時間。
PM 先，佢落水，游，然後上返黎。
跟住到我，落水，游，再游，再游，乜重未到？好在到底打開街波，冇技術都重有啲氣力，繼續游，游，終於游到個波度，佢好似冇話要繞過個波喎，咁我用隻手掂吓個波，就返轉頭，然後又再拼命游，但水流好強，打橫將我冲離原本係直線嘅航道，冲咗埋邊，我用手扶吓，佢就話：You have to finish it，otherwise you will fail。
我心諗：「你老味。」
出發。
我地玩浮潛嘅地方，離水腳屋唔係好遠。有啲藍天白雲喇，但亦唔太晒。
嗰啲游水叻嘅人，懶神氣咁。
我浮吓浮吓，影吓水底啲嘢。
珊瑚礁唔係好大，去到個邊皮，會特然好深水。
其實，都有好多魚，不過幾難影，佢地游得快，相機對焦又靠估，因為喺水裏面，根本乜都睇唔到。
好喇，浮咗大約一粒鐘，就夠皮。
回航途中，由海上面望番去 Sunset Bar，快啲埋去隊番杯嘢先。
玩浮潛，點都會有啲鹹水入口，快快整杯 Fruit Punch。冇錯，又係 Fruit Punch，佢整得幾好飲，而我地又對有酒嘅 Cocktail 興趣唔大。
喺度食件餅，抖番陣。
沿沙灘行返房，返去冲個凉。
就黎日落，好快，又開餐。
黃昏日落，啲雲好似隻 donut 咁，中間有個。
另一個角度，個，喺啲屋上面。
天色變得好快。
我地慢慢行番出去，散吓步，然後，就夠鐘開餐。
哈！有人玩火。我估佢喺度驅蚊，但老實講，成個島蚊多過人 n 倍，做乜都唔會有用，不過，人生本來就有好多事係徒勞無功嘅，就當做吓樣好過啲。
我地食晚餐嘅地方，叫做 Kandu，有人 serve，唔使自助。
（啲相係今朝環島遊嘅時候影嘅）
我地入到去，已經天黑，坐海邊位，黑到已經冇乜 view，但有海浪聲，就喺身邊腳下。
我地唔飲酒，飲橙汁同蘋果汁。
磨菇湯 ok，麵包就一般。
啲嘢其實同 Velhi 嗰邊差唔多，不過有人 serve，就感覺好啲。
甜品，有焦糖燉蛋，同雪糕。
食完，尋晚瞓得比較少，今日又玩浮潛幾攰，所以，早啲返去休息。
今晚，個天好清。
滿天星，對我地香港人黎講，係幾奢侈嘅事。
我冇用單反，又冇帶腳架，是但影，都影到，滿天星。
我俟喺欄杆（小心唔好跌咗落水），望住啲星，印象中，喺香港，好似讀中學嗰時去分流露營先見過咁多星。
今晚，張牀嘅裝飾又唔同咗。
Other ●● Next Day→
咁多年黎，都比較少去陽光海灘，今年，都唔知係咪真係會世界末日，而呢度又成日被講成係人間天堂，唔信還唔信，都想去過，先末日。
早一日，6 月 21日，搭下晝機，先去新加坡，去到已 7 點幾，轉機去到馬爾代夫，夜晚 10 點幾到，計埋時差慢香港 3 個鐘，等於我地點幾鐘，所以，好眼瞓。
喺機場就有個 Club Med 嘅 counter，埋去報到，然後一齊行出海邊，再坐大飛，約半個鐘就到佢嘅 Kani 島。
返到房，接近 12 點，我地再加 3 個鐘，所以，勁眼瞓。
佢喺間房度預備咗有啲 refreshments，以便我地肚餓時可以宵夜，幾周到。
但我地眼瞓多過肚餓，即刻去冲凉。
然後，就 …
致於佢有個心形喺張牀上面 … ，咪阻住哂啦。
瞓足精神，聽日，paradise。
聲明：以上相片乃某 PM 氏以其 iPhone 拍攝，據稱，比其他人使用相機所拍攝的更好，此乃部分人士之個人意見，不代表本 Blog 主立場。
瞓夠先起身，3 個鐘嘅時差亦不難適應。
先講吓我地住嘅地方，叫做 Kani 島，係 Club Med 嘅。我唔知呢個字喺當地解乜，但喺日文就係蟹，所以，有啲親切，亦有啲幻想（但結果呢度係冇蟹食嘅）。
而我地住嘅房，叫做 Lagoon Suites，又稱水上屋，喺呢個案內，就見到佢喺島嘅一端。
我地住 134 號房。
由 Club Med 網頁嘅鳥瞰圖，睇到我地間屋嘅位置，都算係個好位置。
遠睇，水上屋，係咁。
要行呢條橋返房，一邊有欄干，一邊冇。
我地就係住呢間。
間房幾簡單，主要部分，係張大牀，對住個露台，近門口嗰邊，就有個偏廳，喺嗰度食早餐，另一邊就係浴室洗手間。
大牀，幾靚咁。
打開露台嘅門，喺張牀就可以直接望到海。
浴室嗰邊，除咗有花洒嘅 shower room，重有個浴缸，都有無敵海景。
房內，衣櫃，有兩件救生衣。吓！連麻雀都有？（而喺呢幾日，我地的確聽到有麻雀聲。）
呢個，就啱使好多。
行出露台，有條木梯，先行落去一個平台，再有條鋼梯，用黎落水。
喺露台望出去，個 view 好正，不過今日多雲，天色一般。
望番岸嗰邊，心諗，喺第一間，由條梯落去，係沙而唔係海，都幾冇引。
雖然有個 warning，但都係將件救生衣放喺長凳度算。
落水，呢架幾年前買落嘅第一代防水機仔，終於叻番次。
我重喺露台影吓影吓，有人已經去到老連咁遠。
我都快快落水。水好清，但並唔係水清沙幼。
所以，一定要著鞋。
出面有啲淺水位，得幾吋深。
亦都有個好長嘅深水位，有人就係咁游。
回望我地間水上屋，係咁。
我冇乜興趣游水，就探索吓水底有乜。
主要係沙石，但間唔中都會有一兩舊珊瑚。
呢度搵到個小社區，好多魚。
後面，有幾隻海胆，可惜，有得睇冇得食。
水上屋，又叫做水腳屋，因為有好多腳。
差唔多够鐘食早餐，上返間屋，冲凉，佢啲洗頭水梘液，都好靚。
早餐要喺前一晚預訂，睇其他 blog 知道，中式日式都勁唔掂，所以我地祇揀歐式，穩陣食飽算。
我地又諗住今日會瞓得妟，不過就一早起咗身，所以，落完水先再食早餐。
簡簡單單，不過不失咁啦。
食完早餐，出去個島度行吓，又經過呢條橋。
離遠見到，呢間祇供 Lagoon Suites 住客使用嘅 Lounge。
由條橋望落水，近岸邊處，有好多鯊魚同魔鬼魚，Club Med 嘅人同我地講，鯊魚係 baby shark，冇危險性，但落水玩，就要小心唔好踩到啲 stingfish，佢以為受襲，會用條尾拮人，條刺有毒，可能會幾大劑。
繼續行去個島中間，去佢個 Reception 度問吓啲活動項目。
樓梯度，有小強個 friend，大強。
問咗活動嘅資料，呢度幾熱，有啲口渴，行去海邊間 Bar 飲番杯嘢先。
經過呢個泳池，好靚。（第二日，藍天白雲，重靚。）
呢間 Bar，叫做 The Sunset，睇怕係對住日落。
對住尋晚落船嘅碼頭。
先黎兩杯 fruit punch，每人一杯。
一路飲，一路 hea 吓。
呢個，幾靈異。
喺 Sunset Bar 對住個海灘， 喺度 hea，有人 hea 咗落水。
隔籬枱，有人食剩嘢走咗，即刻就有賊。
跟住，去環島遊。
我地沿海邊行去島嘅另一邊盡頭。
海灘埋便嘅中間位置，就係其他屋。
沿途，都有好多嘢可以玩，連 gym 都有。
鬼佬，係好奇怪嘅動物，山長水遠，千里迢迢，黎呢度，帶住副超睇書，重係鬼死咁厚嘅書。
（鬼佬：果啲人真奇怪，山長水遠，千里迢迢，黎呢度，唔好好休息吓，反而不停咁搵活動，結果重忙過返工。）
喺個島嘅另一端，有好多長凳，但就冇乜人行黎呢頭。
島嘅另一邊，個沙灘比較窄，個海亦比較大浪。
所以，有人玩滑浪。
哈！中間，有個籃球場。
行完個島一個圈，又返去中間 Reception 嗰度，準備開餐。
呢個時候，我返房攞啲嘢，PM 留喺 Reception 上吓網。
我返房，就見到，啲海水，好奇怪咁有啲污漬浮喺水面，水流都幾急，嗰啲污漬就以頗快速由屋下面流過。
結果，我地都冇問到 Club Med 嘅人嗰啲係乜。
呢度有兩間餐廳，叫 Velhi 同 Kandu，我地去 Velhi 度食 lunch，係自助餐。
一行入去，就見佢將啲是日推介擺哂出黎。
我地坐近窗，幾好陽光。
都有幾多嘢。
佢有好多魚，但多數都幾韌。
呢個廚師推介，係雞。
攞咗舊雞，但隻碟重有位，再加啲咖哩雞。
香腸咖哩雞魚。
食完飯，去玩浮潛，但未玩過嘅，要先做個游水測驗，所以，頭先冇食得太飽。
個測驗好簡單，由碼頭游去個波度，再返轉頭，不限時間。
PM 先，佢落水，游，然後上返黎。
跟住到我，落水，游，再游，再游，乜重未到？好在到底打開街波，冇技術都重有啲氣力，繼續游，游，終於游到個波度，佢好似冇話要繞過個波喎，咁我用隻手掂吓個波，就返轉頭，然後又再拼命游，但水流好強，打橫將我冲離原本係直線嘅航道，冲咗埋邊，我用手扶吓，佢就話：You have to finish it，otherwise you will fail。
我心諗：「你老味。」
出發。
我地玩浮潛嘅地方，離水腳屋唔係好遠。有啲藍天白雲喇，但亦唔太晒。
嗰啲游水叻嘅人，懶神氣咁。
我浮吓浮吓，影吓水底啲嘢。
珊瑚礁唔係好大，去到個邊皮，會特然好深水。
其實，都有好多魚，不過幾難影，佢地游得快，相機對焦又靠估，因為喺水裏面，根本乜都睇唔到。
好喇，浮咗大約一粒鐘，就夠皮。
回航途中，由海上面望番去 Sunset Bar，快啲埋去隊番杯嘢先。
玩浮潛，點都會有啲鹹水入口，快快整杯 Fruit Punch。冇錯，又係 Fruit Punch，佢整得幾好飲，而我地又對有酒嘅 Cocktail 興趣唔大。
喺度食件餅，抖番陣。
沿沙灘行返房，返去冲個凉。
就黎日落，好快，又開餐。
黃昏日落，啲雲好似隻 donut 咁，中間有個。
另一個角度，個，喺啲屋上面。
天色變得好快。
我地慢慢行番出去，散吓步，然後，就夠鐘開餐。
哈！有人玩火。我估佢喺度驅蚊，但老實講，成個島蚊多過人 n 倍，做乜都唔會有用，不過，人生本來就有好多事係徒勞無功嘅，就當做吓樣好過啲。
我地食晚餐嘅地方，叫做 Kandu，有人 serve，唔使自助。
（啲相係今朝環島遊嘅時候影嘅）
我地入到去，已經天黑，坐海邊位，黑到已經冇乜 view，但有海浪聲，就喺身邊腳下。
我地唔飲酒，飲橙汁同蘋果汁。
磨菇湯 ok，麵包就一般。
啲嘢其實同 Velhi 嗰邊差唔多，不過有人 serve，就感覺好啲。
甜品，有焦糖燉蛋，同雪糕。
食完，尋晚瞓得比較少，今日又玩浮潛幾攰，所以，早啲返去休息。
今晚，個天好清。
滿天星，對我地香港人黎講，係幾奢侈嘅事。
我冇用單反，又冇帶腳架，是但影，都影到，滿天星。
我俟喺欄杆（小心唔好跌咗落水），望住啲星，印象中，喺香港，好似讀中學嗰時去分流露營先見過咁多星。
今晚，張牀嘅裝飾又唔同咗。
Other ●● Next Day→
沒有留言:
發佈留言