2012年6月25日 Monday ( day 4 )
今日起身，個天好番哂，唔係見到地上面嘅毛巾，可能就唔記得尋晚曾經狂風暴雨過。
望出去，又回復，之前咁正。
話說，今日係第 4 日食佢嘅早餐，而佢啲麵包實在係唔得，我尋晚就喺張紙度，寫住話唔要。
結果，今朝黎到 …
佢送咗枝香檳仔俾我地，今日 last day ，就開黎飲咗佢。
今日要 check out ， PM 執篋，我就行出去影吓相。
之前都影過，但一來今日要走喇，二來，經過尋晚嘅狂風暴雨，啲水好似零舍清咁，不過，都可能係心理作用。
出面啲魚，好似針咁。
然後，都要玩吓個無敵海景浴缸。
我地帶咗包浴鹽，係啤啤熊。
開猛水，由佢自已溶。
浴鹽溶咗，啲水有少少綠色。
瞓喺浴缸度，浸住自家製扮溫泉，有超無敵海景，一樂也。
我地將個篋放喺房門口，去 Manta Lounge 度搞掂 check out ，就行出去，諗住 hea 吓，然後，又可以開餐。
我地今晚夜機走，而 Club Med 嘅好處，係祇要重喺個島度，都可以繼續享用所有設施，包括所有餐廳。
行出去途中，見到，喺水腳屋旁嘅沙灘上面，有 … 污糟嘢。
唔知關唔關見到污糟嘢事，有人口渴，就經過喺 Sunset Bar 度飲番杯嘢先。
去 Reception 度坐吓上吓網，見到，嘩！如果由其他房轉去住 Lagoon Suite ，一晚要俾成五舊水美金。呢個係 on top of 原本間房已經俾咗嘅價，真離奇。但睇佢所用嘅語文，雖然唔係簡體，但係為乜人而設，都幾呼之欲出。
其實呢度上網勁慢，慢過以前用電話線加 modem 嘅年代。（又暴露年紀添）
夠鐘，食飯。
今日，有個講廣東話嘅廚師，整燒雞，見我地自己友，就話個燒雞好正，叫我地攞，果然冇老點，係港式燒雞，皮脆肉嫩。
我地一再追加，但，有人（唔講邊個）又攞個燒雞去加咖哩，我驚個廚師見到會嘔血。
食完飯，返去 Manta Lounge 度坐。
之前，都冇落過個網度，而家就試吓。
其實，坐落去個網度，又唔係話好舒服。
而家嘅天色，又好過今朝。
下晝，去做 Spa ，係送嘅。
又飲嗰個薑茶。
枱底有蚊香，但作用唔大，估計有效範圍大約係直徑 5 cm 。
佢拎咗幾款按摩油黎俾我地揀，我地都揀咗隻冇咁大氣味嘅。
揀好咗按摩油，就帶我地去對面嘅屋仔度。
入面有兩張牀，我同 PM 一人一邊，開始。
本來，我對呢家嘢，係冇乜興趣嘅，甚至，有啲抗拒，因為 n 年前，喺泰國試過嗰次，被佢左拗右拗，又唔係舒服，又驚佢拗傷我，貼錢買難受。
所以，今次佢送，我就姑且陪 PM 做吓，而佢送 50 分鐘，我重諗住有排挨，點知，呢度唔同泰國嗰啲，冇拗左拗右，齋按，而且係順住肌肉嘅紋理去按，好鬼舒服同消除疲勞。
當 50 分鐘完結時，我就同 PM 講：「乜咁快？」
PM 話呢隻係 Bali 式，齋按，冇拗。我就諗，下次不如去峇厘。
我地今晚要 8 點喺碼頭集合，搭八點三船走，但今晚嘅 function 係戶外 dinner ， 7 點先開始，所以想早啲開餐都唔得。
做完 Spa ，出番黎，就見佢開始佈置。
經過 Sunset Bar ，哈！又飲嘢。今次，搵咗張有垂簾嘅凳。
已經 check out 咗，冇得返房，又冇活動可做，咁我地又知道 Manta Lounge 喺臨近黃昏時，會有嘢食，就行番過去睇吓。
今日，又係班戟，但係 … ，煎班戟嘅人，同尋日嘅好唔同，所以，食起上黎感覺都會好唔同，今次，我搶住去攞。
都係攞兩個，不過，今次就兩個都落晒焦糖同朱古力。
又攞啲嘢飲，再摺埋個 crepe 黎食。
好快，又日落。
雖然冇得返房，但佢喺 Reception 嗰度有個冲凉房，好方便。
我同 PM 計啱時間行番出去，各自冲個靚凉，然後先去開餐，今晚夜機，就唔使黐立立。
我地約 6 點九就搵好位，重未開始，就影番幾張相先。
咁都得？
又有好多魚。
又有人玩火。
一到 7 點開始，就快快食，所以，冇影到相，除咗呢個，燒雞鎚，好好食，一再追加。
我地約 7 點踏十一走，其他人重 enjoy 緊， bye bye 喇。
要講 bye bye 喇， Kani 島。
做個好簡單嘅 sum up ，呢度嘅一大好處，係俾咗個 package 嘅價錢，就乜都全包（除咗啲自費活動），其中，最緊要係可以無限飲嘢，呢度係熱帶地方，又係玩水上活動，好緊要。
另外， check out 祇係交番間房俾佢，但所有活動飲食仍然繼續享用，加哂分，超滿意。
雖然，呢個桃源，唔係好夠世外，但舒適同世外某程度上係對立嘅，要並存就要更高嘅代價，所以，冇 complain 啦。
除此之外，我地呢幾日飲嘅 Fruit Punch ，多過過去 10 年加埋嘅。不過，呢幾日被蚊咬，對 PM 黎講，睇怕都係多過佢過去 10 年加埋嘅。（我就因為每星期打波，都成日被蚊咬，所以應該多唔過。）
多蚊，就係呢度嘅缺點。我地黎之前都知，買定驅蚊帶。結果，條驅蚊帶好有效咁保護咗佢覆蓋嘅 area ，被覆蓋住嘅地方，都冇被蚊咬過。
今晚凌晨機，飛 3 個鐘，再加番 3 個鐘時差，去到新加坡，就啱啱天光。
Continue …
望出去，又回復，之前咁正。
話說，今日係第 4 日食佢嘅早餐，而佢啲麵包實在係唔得，我尋晚就喺張紙度，寫住話唔要。
結果，今朝黎到 …
佢送咗枝香檳仔俾我地，今日 last day ，就開黎飲咗佢。
今日要 check out ， PM 執篋，我就行出去影吓相。
之前都影過，但一來今日要走喇，二來，經過尋晚嘅狂風暴雨，啲水好似零舍清咁，不過，都可能係心理作用。
出面啲魚，好似針咁。
然後，都要玩吓個無敵海景浴缸。
我地帶咗包浴鹽，係啤啤熊。
開猛水，由佢自已溶。
浴鹽溶咗，啲水有少少綠色。
瞓喺浴缸度，浸住自家製扮溫泉，有超無敵海景，一樂也。
我地將個篋放喺房門口，去 Manta Lounge 度搞掂 check out ，就行出去，諗住 hea 吓，然後，又可以開餐。
我地今晚夜機走，而 Club Med 嘅好處，係祇要重喺個島度，都可以繼續享用所有設施，包括所有餐廳。
行出去途中，見到，喺水腳屋旁嘅沙灘上面，有 … 污糟嘢。
唔知關唔關見到污糟嘢事，有人口渴，就經過喺 Sunset Bar 度飲番杯嘢先。
去 Reception 度坐吓上吓網，見到，嘩！如果由其他房轉去住 Lagoon Suite ，一晚要俾成五舊水美金。呢個係 on top of 原本間房已經俾咗嘅價，真離奇。但睇佢所用嘅語文，雖然唔係簡體，但係為乜人而設，都幾呼之欲出。
其實呢度上網勁慢，慢過以前用電話線加 modem 嘅年代。（又暴露年紀添）
夠鐘，食飯。
今日，有個講廣東話嘅廚師，整燒雞，見我地自己友，就話個燒雞好正，叫我地攞，果然冇老點，係港式燒雞，皮脆肉嫩。
我地一再追加，但，有人（唔講邊個）又攞個燒雞去加咖哩，我驚個廚師見到會嘔血。
食完飯，返去 Manta Lounge 度坐。
之前，都冇落過個網度，而家就試吓。
其實，坐落去個網度，又唔係話好舒服。
而家嘅天色，又好過今朝。
下晝，去做 Spa ，係送嘅。
又飲嗰個薑茶。
枱底有蚊香，但作用唔大，估計有效範圍大約係直徑 5 cm 。
佢拎咗幾款按摩油黎俾我地揀，我地都揀咗隻冇咁大氣味嘅。
揀好咗按摩油，就帶我地去對面嘅屋仔度。
入面有兩張牀，我同 PM 一人一邊，開始。
本來，我對呢家嘢，係冇乜興趣嘅，甚至，有啲抗拒，因為 n 年前，喺泰國試過嗰次，被佢左拗右拗，又唔係舒服，又驚佢拗傷我，貼錢買難受。
所以，今次佢送，我就姑且陪 PM 做吓，而佢送 50 分鐘，我重諗住有排挨，點知，呢度唔同泰國嗰啲，冇拗左拗右，齋按，而且係順住肌肉嘅紋理去按，好鬼舒服同消除疲勞。
當 50 分鐘完結時，我就同 PM 講：「乜咁快？」
PM 話呢隻係 Bali 式，齋按，冇拗。我就諗，下次不如去峇厘。
我地今晚要 8 點喺碼頭集合，搭八點三船走，但今晚嘅 function 係戶外 dinner ， 7 點先開始，所以想早啲開餐都唔得。
做完 Spa ，出番黎，就見佢開始佈置。
經過 Sunset Bar ，哈！又飲嘢。今次，搵咗張有垂簾嘅凳。
已經 check out 咗，冇得返房，又冇活動可做，咁我地又知道 Manta Lounge 喺臨近黃昏時，會有嘢食，就行番過去睇吓。
今日，又係班戟，但係 … ，煎班戟嘅人，同尋日嘅好唔同，所以，食起上黎感覺都會好唔同，今次，我搶住去攞。
都係攞兩個，不過，今次就兩個都落晒焦糖同朱古力。
又攞啲嘢飲，再摺埋個 crepe 黎食。
好快，又日落。
雖然冇得返房，但佢喺 Reception 嗰度有個冲凉房，好方便。
我同 PM 計啱時間行番出去，各自冲個靚凉，然後先去開餐，今晚夜機，就唔使黐立立。
我地約 6 點九就搵好位，重未開始，就影番幾張相先。
咁都得？
又有好多魚。
又有人玩火。
一到 7 點開始，就快快食，所以，冇影到相，除咗呢個，燒雞鎚，好好食，一再追加。
我地約 7 點踏十一走，其他人重 enjoy 緊， bye bye 喇。
要講 bye bye 喇， Kani 島。
做個好簡單嘅 sum up ，呢度嘅一大好處，係俾咗個 package 嘅價錢，就乜都全包（除咗啲自費活動），其中，最緊要係可以無限飲嘢，呢度係熱帶地方，又係玩水上活動，好緊要。
另外， check out 祇係交番間房俾佢，但所有活動飲食仍然繼續享用，加哂分，超滿意。
雖然，呢個桃源，唔係好夠世外，但舒適同世外某程度上係對立嘅，要並存就要更高嘅代價，所以，冇 complain 啦。
除此之外，我地呢幾日飲嘅 Fruit Punch ，多過過去 10 年加埋嘅。不過，呢幾日被蚊咬，對 PM 黎講，睇怕都係多過佢過去 10 年加埋嘅。（我就因為每星期打波，都成日被蚊咬，所以應該多唔過。）
多蚊，就係呢度嘅缺點。我地黎之前都知，買定驅蚊帶。結果，條驅蚊帶好有效咁保護咗佢覆蓋嘅 area ，被覆蓋住嘅地方，都冇被蚊咬過。
今晚凌晨機，飛 3 個鐘，再加番 3 個鐘時差，去到新加坡，就啱啱天光。
Continue …
沒有留言:
發佈留言