2013年4月2日 Tuesday ( day 4 )
今日，早餐好豐富。
尋晚喺 french o∙mo∙ya 東洞院買嘅，正。
之前，喺京都駅買嘅。
重有，之前喺福寿園買嘅，皮皮餅。
今日，原本諗住去吉野山賞櫻，但係，今日預測大阪同奈良大部分時間都落雨（雨勢有時頗大、海有中浪），兼且山上會大風，担遮都睇怕冇乜用，所以，改去逛酒廠，月桂冠大倉記念館。
先搭車去中書島，再徒步。
其間，要過一條河，又有好靚櫻花。究竟，京都有冇邊度係冇櫻花嘅呢？
有好多人坐艇賞櫻。
其實呢，係落緊雨嘅。
過咗河，好快就到。
入門口，有啲擺設。
當然，有呢啲招牌酒桶。
買飛入館，送一罐酒。
先入館逛，主要係介紹以前點樣造酒。
呢啲圖，有啲似 … 春宮畫 … ，乜嘢人睇乜嘢嘢。
呢條 … ，又係乜嘢人睇乜嘢嘢。
展館嘅尾段，係製成品，同埋啲好舊嘅海報。
戶外，亦有酒桶、櫻花。
行完出黎，就有得試飲。
跟住，去佢個 shop 度逛。
近期嘅代言，有紀香姐。
最後，見到呢啲桃酒，有興趣，不過唔喺呢度買喇，費事要拎住佢一日，之後喺 Yodobashi 地庫超市買番。
逛完酒館，今日個 plan 亂咗，但夜晚去奈良食嘢，就唔改。所以，唔返京都，就又去咗宇治。
宇治駅外，又有好靚櫻花。
入去 7 仔逛吓，嘩！呢個杯麵正呀。
AKB48 真人發聲，提你夠鐘食得。
我地又去中村藤吉，呢度除咗甜品，都有啲輕食，當 lunch 可也。
中村藤吉
上次冇留意，佢入咗門口都有啲擺設，春風入萬物。
然後，係庭園、室外枱椅。
我地入去茶室，坐入面。
叫咗個有魚嘅蕎麥麵 set。
嗰兩舊魚好好食。
個 set 都有個小形紅豆、綠茶啫喱、白玉。
小形嘅，當然唔夠喉，所以，再叫一個正常嘅紅豆、綠茶啫喱、白玉，重有雪糕。
呢個，有杯綠茶同朱古力。
食飽，去逛吓佢間 shop。
嘩！呢個綠茶年輪蛋糕好正呀。
咦？可以常溫存放 10 日，夠我地拎返香港噃，買。
結果，返黎香港兩日就 KO 咗佢。
綠茶年輪蛋糕，外面有層又厚又脆嘅糖衣，正。
食完餐頗輕量嘅 lunch，繼續喺宇治逛吓。
經過平等院，行去宇治川。
我地行去條橋嗰度，再去川中間嘅公園。
有好多觀光船。
另一邊，再上游啲，再有另一條橋。
川中間嘅公園，冇乜人。
我地喺呢度，可以遠眺到我地下一個目的地。
睇真啲 …
我地再過多條橋，到咗川嘅另一邊，就到。
有瓷器作品展，朝日燒，入去逛吓。
然後，去食番個 tea。
福寿園
原本，一共有兩個人，然後，走咗，我地又包場喇。
呢度嘅所有瓷器，都係頭先嗰個作品展嘅好出名嘅唔知乜水嘅作品，靚，而且冇兩件係相同嘅。
我食呢個，有壺黑糖，自己加。
PM 就揀咗呢個。
食完，落去佢舖逛吓。
行返出去個駅，開始落雨喇。
去到奈良，雨，亦開始大。不過，都重可以去奈良公園，近近地走一轉，睇吓見唔見到鹿。
因為落雨，影相都灰灰蒙蒙。
終於，見到鹿喇。
外星人襲擊地星鹿事件。
人地有嘢餵俾啲鹿，自然大受歡迎。
雨越來越大，我地返去駅旁嘅購物街度逛。
然後，夠鐘就去開餐，由奈良搭番一個駅去新大宮，今晚，食三星米芝蓮。
和やまむら
呢間，食割烹，但網頁上嘅 Menu 又寫住懷石，都唔理有乜分別喇。
入到去，一邊係 counter 位，我地坐另一邊嘅 table，似乎佢同懷石料理嘅一個分別，係冇咁講究環境，冇話一定要個室，亦冇庭園。
坐低，先飲杯茶。
呢度冇英文 Menu，佢地就用寫紙仔同我地溝通，而且都費事介紹單品嘢，就直接俾 3 個 set 我地揀。
我地揀咗第 3 個，「和」。
哈！諗唔到佢跟住每道菜都用張紙仔介紹，好搞嘢。
先附，係鮑魚。
哈！有兩片，正。
跟住，有個碗物。
隻碗夠靚，打開重靚，而且，海胆配腐皮再加啫喱，正正正正正！
跟住，又有另一個碗物。
睇個名，唔知係乜，原來係魚、豆腐、冬菇。
碗蓋，都好靚。
然後，有平目刺身。
食完一個刺身，又有另一個刺身。
呢個葫蘆上面嘅，係二人份量，佢俾咗 4 隻碟仔我地，每人兩隻。啲碟，好鬼靚。
每人都有兩片卜口，兩隻海老，同兩片烏賊。
佢冇講個卜口係大定係中，睇色澤，係漸變，應該係中至少少大。不過，分類似乎係多餘，因為，超好食。
跟住呢個，八寸，勁呀！
個蠟燭臺，係蘿蔔造嘅。
對面有人食吓呢樣，又食吓嗰樣，我就有系統咁逐樣食，先食呢隻長碟。
呢個，飯團嘅葉上面嘅小片蘿蔔，經過我仔細顏究，係由個蠟燭臺度彫出黎嘅。
炸白魚，同 ground cherry。
胡麻豆腐，大根，魷魚。
呢個櫻花，呃唔到我嘅，拎開啲花，果然，有得食。
食完，枝蠟燭亦都燒完，見到個底。
懷石，點能夠冇燒魚呢？
正！
食完熱嘅魚，又有冷嘅帆立貝同車海老。
鮮甜到，如果可以嘅，我會飲埋個汁。
哈！係咪因為調理長對住靚女，所以整啲嘢零舍有 heart 呢？
跟住，又有個碗物。
打開，呢個冇肉嘅。
但係，都好好食。
終於食完哂啲餸喇，rice，有 4 樣揀，包括飯同粥。
PM 揀咗第一個，蟹粥，好正。
我唔揀埋一樣，就揀咗第二個，鱈魚籽湯飯，都唔錯。
啲昆布幾好食。
我地食完，佢又遞張紙仔埋黎，好明顯，係網上翻譯，不過我地都知佢講乜，祇係，已經好飽，有心無力，而且，重有甜品呢。
甜品，又有士多啤梨啫喱，超正。
哈！呢度冇抹茶同小菓子，而祇係普通嘅茶，果然同懷石有啲唔同。
兩晚前先食完 HANA 吉兆，少不免要比較吓。
HANA 吉兆啲嘢都好食，但價錢比呢度貴啲（但都祇係個喺佢度嘅平 set），而食物就少好多而且普通啲。
呢度價錢比 HANA 吉兆平啲，但就係呢度嘅貴 set，有好多嘢食，而且有較高檔食材（e.g. 鮑魚、卜口）。
所以，呢度完全徹底地 KO 哂 HANA 吉兆，驘好多條街。
而米芝蓮三星嘅定義，就係值得專程去食佢，果然如此。
Continue …
今日，早餐好豐富。
尋晚喺 french o∙mo∙ya 東洞院買嘅，正。
之前，喺京都駅買嘅。
重有，之前喺福寿園買嘅，皮皮餅。
今日，原本諗住去吉野山賞櫻，但係，今日預測大阪同奈良大部分時間都落雨（雨勢有時頗大、海有中浪），兼且山上會大風，担遮都睇怕冇乜用，所以，改去逛酒廠，月桂冠大倉記念館。
先搭車去中書島，再徒步。
其間，要過一條河，又有好靚櫻花。究竟，京都有冇邊度係冇櫻花嘅呢？
有好多人坐艇賞櫻。
其實呢，係落緊雨嘅。
過咗河，好快就到。
入門口，有啲擺設。
當然，有呢啲招牌酒桶。
買飛入館，送一罐酒。
先入館逛，主要係介紹以前點樣造酒。
呢啲圖，有啲似 … 春宮畫 … ，乜嘢人睇乜嘢嘢。
呢條 … ，又係乜嘢人睇乜嘢嘢。
展館嘅尾段，係製成品，同埋啲好舊嘅海報。
戶外，亦有酒桶、櫻花。
行完出黎，就有得試飲。
跟住，去佢個 shop 度逛。
近期嘅代言，有紀香姐。
最後，見到呢啲桃酒，有興趣，不過唔喺呢度買喇，費事要拎住佢一日，之後喺 Yodobashi 地庫超市買番。
逛完酒館，今日個 plan 亂咗，但夜晚去奈良食嘢，就唔改。所以，唔返京都，就又去咗宇治。
宇治駅外，又有好靚櫻花。
入去 7 仔逛吓，嘩！呢個杯麵正呀。
AKB48 真人發聲，提你夠鐘食得。
我地又去中村藤吉，呢度除咗甜品，都有啲輕食，當 lunch 可也。
中村藤吉
上次冇留意，佢入咗門口都有啲擺設，春風入萬物。
然後，係庭園、室外枱椅。
我地入去茶室，坐入面。
叫咗個有魚嘅蕎麥麵 set。
嗰兩舊魚好好食。
個 set 都有個小形紅豆、綠茶啫喱、白玉。
小形嘅，當然唔夠喉，所以，再叫一個正常嘅紅豆、綠茶啫喱、白玉，重有雪糕。
呢個，有杯綠茶同朱古力。
食飽，去逛吓佢間 shop。
嘩！呢個綠茶年輪蛋糕好正呀。
咦？可以常溫存放 10 日，夠我地拎返香港噃，買。
結果，返黎香港兩日就 KO 咗佢。
綠茶年輪蛋糕，外面有層又厚又脆嘅糖衣，正。
食完餐頗輕量嘅 lunch，繼續喺宇治逛吓。
經過平等院，行去宇治川。
我地行去條橋嗰度，再去川中間嘅公園。
有好多觀光船。
另一邊，再上游啲，再有另一條橋。
川中間嘅公園，冇乜人。
我地喺呢度，可以遠眺到我地下一個目的地。
睇真啲 …
我地再過多條橋，到咗川嘅另一邊，就到。
有瓷器作品展，朝日燒，入去逛吓。
然後，去食番個 tea。
福寿園
原本，一共有兩個人，然後，走咗，我地又包場喇。
呢度嘅所有瓷器，都係頭先嗰個作品展嘅好出名嘅唔知乜水嘅作品，靚，而且冇兩件係相同嘅。
我食呢個，有壺黑糖，自己加。
PM 就揀咗呢個。
食完，落去佢舖逛吓。
行返出去個駅，開始落雨喇。
去到奈良，雨，亦開始大。不過，都重可以去奈良公園，近近地走一轉，睇吓見唔見到鹿。
因為落雨，影相都灰灰蒙蒙。
終於，見到鹿喇。
外星人襲擊地星鹿事件。
人地有嘢餵俾啲鹿，自然大受歡迎。
雨越來越大，我地返去駅旁嘅購物街度逛。
然後，夠鐘就去開餐，由奈良搭番一個駅去新大宮，今晚，食三星米芝蓮。
和やまむら
呢間，食割烹，但網頁上嘅 Menu 又寫住懷石，都唔理有乜分別喇。
入到去，一邊係 counter 位，我地坐另一邊嘅 table，似乎佢同懷石料理嘅一個分別，係冇咁講究環境，冇話一定要個室，亦冇庭園。
坐低，先飲杯茶。
呢度冇英文 Menu，佢地就用寫紙仔同我地溝通，而且都費事介紹單品嘢，就直接俾 3 個 set 我地揀。
我地揀咗第 3 個，「和」。
哈！諗唔到佢跟住每道菜都用張紙仔介紹，好搞嘢。
先附，係鮑魚。
哈！有兩片，正。
跟住，有個碗物。
隻碗夠靚，打開重靚，而且，海胆配腐皮再加啫喱，正正正正正！
跟住，又有另一個碗物。
睇個名，唔知係乜，原來係魚、豆腐、冬菇。
碗蓋，都好靚。
然後，有平目刺身。
食完一個刺身，又有另一個刺身。
呢個葫蘆上面嘅，係二人份量，佢俾咗 4 隻碟仔我地，每人兩隻。啲碟，好鬼靚。
每人都有兩片卜口，兩隻海老，同兩片烏賊。
佢冇講個卜口係大定係中，睇色澤，係漸變，應該係中至少少大。不過，分類似乎係多餘，因為，超好食。
跟住呢個，八寸，勁呀！
個蠟燭臺，係蘿蔔造嘅。
對面有人食吓呢樣，又食吓嗰樣，我就有系統咁逐樣食，先食呢隻長碟。
呢個，飯團嘅葉上面嘅小片蘿蔔，經過我仔細顏究，係由個蠟燭臺度彫出黎嘅。
炸白魚，同 ground cherry。
胡麻豆腐，大根，魷魚。
呢個櫻花，呃唔到我嘅，拎開啲花，果然，有得食。
食完，枝蠟燭亦都燒完，見到個底。
懷石，點能夠冇燒魚呢？
正！
食完熱嘅魚，又有冷嘅帆立貝同車海老。
鮮甜到，如果可以嘅，我會飲埋個汁。
哈！係咪因為調理長對住靚女，所以整啲嘢零舍有 heart 呢？
跟住，又有個碗物。
打開，呢個冇肉嘅。
但係，都好好食。
終於食完哂啲餸喇，rice，有 4 樣揀，包括飯同粥。
PM 揀咗第一個，蟹粥，好正。
我唔揀埋一樣，就揀咗第二個，鱈魚籽湯飯，都唔錯。
啲昆布幾好食。
我地食完，佢又遞張紙仔埋黎，好明顯，係網上翻譯，不過我地都知佢講乜，祇係，已經好飽，有心無力，而且，重有甜品呢。
甜品，又有士多啤梨啫喱，超正。
哈！呢度冇抹茶同小菓子，而祇係普通嘅茶，果然同懷石有啲唔同。
兩晚前先食完 HANA 吉兆，少不免要比較吓。
HANA 吉兆啲嘢都好食，但價錢比呢度貴啲（但都祇係個喺佢度嘅平 set），而食物就少好多而且普通啲。
呢度價錢比 HANA 吉兆平啲，但就係呢度嘅貴 set，有好多嘢食，而且有較高檔食材（e.g. 鮑魚、卜口）。
所以，呢度完全徹底地 KO 哂 HANA 吉兆，驘好多條街。
而米芝蓮三星嘅定義，就係值得專程去食佢，果然如此。
Continue …
沒有留言:
發佈留言