2013年4月4日 Thursday ( day 6 )
今日離開京都，起身，就見到天晴。次次都係臨走先天晴。
由京都去天橋立，有架特急車直去，即係呢架。
不過呢架車，前一段係 JR，後一段係北近畿，而我地手上祇有 JR Pass。
而諗住買嘅天橋立 Pass，京都大阪都冇得賣，所以，惟有搭早一班車去福知山駅，落車去買 Pass，然後再搭番呢架特急車去天橋立。
先去酒店放低嘢，呢晚，住文珠莊。
放低嘢，就去開餐，就喺酒店對面。
美加茂
佢厨窗 display 有好多魚介食物。
有期間限定嘅蟹烏冬。
入到去，有個大魚缸，好多活魚。
我地睇緊個 Menu 嘅時候，有個疑似老闆娘嘅人埋黎，用（以日本人標準）非常好嘅英文，同我地講解，同介紹呢個係期間限定嘅魚，話係而家先有，好有特色。
又帶我地去個魚缸度睇，指住啲魚講：「You eat it alive and you can feel it dancing down your throat。」
兜魚上枱，重游緊水。
比夾乒乓波更難。
老闆娘話，先將條魚放落啲淡醋度，浸一浸，然後就食得。
以下動作，經嚴格訓練，小朋友勿學。
佢好似好可憐咁望住我 … ，我惟有避開佢目光，由條尾啜佢入口。
食夠（其實係玩夠）喇，就會幫我地將剩低嘅炸熟。
我地又叫咗個刺身盛，啲魚雖然唔係好高檔嘅，但勝在夠新鮮，所以，好正。
其中呢個白身魚，好肥美。
另外，又有個醬汁煮唔知乜魚，正。佢亦自動幫我地切開兩截。
最後，都有叫嗰個期間限定嘅蟹烏冬。
夾哂出黎，有好多蟹。
食完晏，就慢慢行過去搭艇，去傘松公園。
呢條水道，前面，就係我地住嘅酒店。
有依岸而建嘅店舖，而呢張枱，就好親近個海。
我地唔行出去天橋立，而沿住岸繼續行，就可以隔岸咁睇條天橋立。
離遠望番頭先嗰條橋。
碼頭旁，有間寺，未有船，就去逛吓。
呢度祈福，用紙扇仔，滿掛松樹上面。
呢個案內，show 咗觀光船嘅路線，而我地祇搭最近嘅，由天橋立嘅呢邊，去天橋立嘅嗰邊。
上船，由呢邊，去嗰邊。
去到盡頭，見到有屋喇。
離遠見到，上山嘅纜車同吊兜。
纜車站旁，有個元伊勢籠神社。
係好古舊嘅木建築物。
由簷篷引雨水落地，係呢啲，好特別。
合格，永遠都有 market。
有個水琴窟，係用竹筒將水滴聲擴大，兼有啲迴音效果，都幾特別。
我地搭纜車上山。
上山途中，望番落去，已經可以見到條天橋立。
上到山上面，少不免，要去嗰個指定位置，影張相，不過今日天氣不算好。
然後，都擺番個 ass up pose 去望吓，同影張相。畢竟，喺電腦將張相掉轉，同真係掉轉去影，未必會一樣，既然一場黎到，一試無妨。
都有去玩吓個掟飛碟，三次，都唔中。
呢度嘅另一特色，係呢個。
我地搭纜車上山，落山，就坐吊兜。
哈！坐呢個吊兜原來幾爽，我地又有 Pass，就坐多次上去，再落番黎。
呢區，盛產雞泡魚，我地今晚嘅夕食都揀咗有雞泡魚，果然喺條街都見到有好多。
由傘松公園落返黎，沿岸邊，行去條天橋立。
好，一於，行返過去。
好平，幾好行。
旁邊，係松樹林。
行去海邊，都有沙灘。
繼續行。
踩單車，又真係幾爽。
沿途，有啲松樹，因為個樣比較特別，所以，有個名堂。
當然，都會有神社。
亦有唔少特別景色，約半個鐘多啲嘅散步，一啲都唔悶。
最後，過埋呢條迴旋橋，就到番呢邊岸。
都攰喇，返酒店，今晚，住文珠莊。
大堂，好寬敞。
後面，係除鞋區，有紀念品店。
返房，我地間房，叫紅絹，係不知不覺間 upgrade 咗，比我地 book 嘅大啲靚啲，而且向海。
好 standard 嘅榻榻米，分兩邊。
枱上面，已經有啲好嘢等緊我地。
呢間房係喺 1 階，可以打開啲趟門，行出去，係庭園。
外面，就係之前見嗰條水道，重有人喺度釣魚。
行出去睇吓，一邊，係頭先嗰條迴旋橋，另一邊，就見唔到盡頭。
由外面望我地間房，都幾靚。
休息吓，hea 吓，好快，就開餐。呢餐，喺番間房度食會席，河豚料理。
咁多年來，黎日本，都冇正式食過河豚，喺街唔知邊間好，平嘅多數唔會好，貴嘅又驚中伏，今次黎呢度，係盛產河豚嘅地區，酒店又有得揀，就試吓。
喺自己房度食，好處係，可以自備飲品。
先有呢盤嘢。
有餐前酒。
八寸盛。
河豚刺身，冇講到咁甜噃。
又有灼過嘅皮同肉。
個皮，好爽脆，同彈牙。
又有呢啲。
呢杯，係燒河豚嘅魚鰭，用清酒浸，幾甜。
呢個，燒白子，其實即係河豚嘅 … ，好在燒到燶燶地，唔多覺，而且幾鮮甜。
呢個，奇奇怪怪咁。
重有個，河豚鍋物。
唔錯，河豚食落有啲似雞肉，不過甜啲。
最後，加飯做粥。
個湯夠鮮甜，個粥就好食。
最後，甜品。
食完晚飯，攤抖吓，夜啲，去浸溫泉。
哈！殿方，我又包場。
浸完溫泉，喺呢度坐吓，有杯紅豆湯，凍嘅，好正。
返房，牀舖已做好。
Continue …
今日離開京都，起身，就見到天晴。次次都係臨走先天晴。
由京都去天橋立，有架特急車直去，即係呢架。
不過呢架車，前一段係 JR，後一段係北近畿，而我地手上祇有 JR Pass。
而諗住買嘅天橋立 Pass，京都大阪都冇得賣，所以，惟有搭早一班車去福知山駅，落車去買 Pass，然後再搭番呢架特急車去天橋立。
先去酒店放低嘢，呢晚，住文珠莊。
放低嘢，就去開餐，就喺酒店對面。
美加茂
佢厨窗 display 有好多魚介食物。
有期間限定嘅蟹烏冬。
入到去，有個大魚缸，好多活魚。
我地睇緊個 Menu 嘅時候，有個疑似老闆娘嘅人埋黎，用（以日本人標準）非常好嘅英文，同我地講解，同介紹呢個係期間限定嘅魚，話係而家先有，好有特色。
又帶我地去個魚缸度睇，指住啲魚講：「You eat it alive and you can feel it dancing down your throat。」
兜魚上枱，重游緊水。
比夾乒乓波更難。
老闆娘話，先將條魚放落啲淡醋度，浸一浸，然後就食得。
以下動作，經嚴格訓練，小朋友勿學。
佢好似好可憐咁望住我 … ，我惟有避開佢目光，由條尾啜佢入口。
食夠（其實係玩夠）喇，就會幫我地將剩低嘅炸熟。
我地又叫咗個刺身盛，啲魚雖然唔係好高檔嘅，但勝在夠新鮮，所以，好正。
其中呢個白身魚，好肥美。
另外，又有個醬汁煮唔知乜魚，正。佢亦自動幫我地切開兩截。
最後，都有叫嗰個期間限定嘅蟹烏冬。
夾哂出黎，有好多蟹。
食完晏，就慢慢行過去搭艇，去傘松公園。
呢條水道，前面，就係我地住嘅酒店。
有依岸而建嘅店舖，而呢張枱，就好親近個海。
我地唔行出去天橋立，而沿住岸繼續行，就可以隔岸咁睇條天橋立。
離遠望番頭先嗰條橋。
碼頭旁，有間寺，未有船，就去逛吓。
呢度祈福，用紙扇仔，滿掛松樹上面。
呢個案內，show 咗觀光船嘅路線，而我地祇搭最近嘅，由天橋立嘅呢邊，去天橋立嘅嗰邊。
上船，由呢邊，去嗰邊。
去到盡頭，見到有屋喇。
離遠見到，上山嘅纜車同吊兜。
纜車站旁，有個元伊勢籠神社。
係好古舊嘅木建築物。
由簷篷引雨水落地，係呢啲，好特別。
合格，永遠都有 market。
有個水琴窟，係用竹筒將水滴聲擴大，兼有啲迴音效果，都幾特別。
我地搭纜車上山。
上山途中，望番落去，已經可以見到條天橋立。
上到山上面，少不免，要去嗰個指定位置，影張相，不過今日天氣不算好。
然後，都擺番個 ass up pose 去望吓，同影張相。畢竟，喺電腦將張相掉轉，同真係掉轉去影，未必會一樣，既然一場黎到，一試無妨。
都有去玩吓個掟飛碟，三次，都唔中。
呢度嘅另一特色，係呢個。
我地搭纜車上山，落山，就坐吊兜。
哈！坐呢個吊兜原來幾爽，我地又有 Pass，就坐多次上去，再落番黎。
呢區，盛產雞泡魚，我地今晚嘅夕食都揀咗有雞泡魚，果然喺條街都見到有好多。
由傘松公園落返黎，沿岸邊，行去條天橋立。
好，一於，行返過去。
好平，幾好行。
旁邊，係松樹林。
行去海邊，都有沙灘。
繼續行。
踩單車，又真係幾爽。
沿途，有啲松樹，因為個樣比較特別，所以，有個名堂。
當然，都會有神社。
亦有唔少特別景色，約半個鐘多啲嘅散步，一啲都唔悶。
最後，過埋呢條迴旋橋，就到番呢邊岸。
都攰喇，返酒店，今晚，住文珠莊。
大堂，好寬敞。
後面，係除鞋區，有紀念品店。
返房，我地間房，叫紅絹，係不知不覺間 upgrade 咗，比我地 book 嘅大啲靚啲，而且向海。
好 standard 嘅榻榻米，分兩邊。
枱上面，已經有啲好嘢等緊我地。
呢間房係喺 1 階，可以打開啲趟門，行出去，係庭園。
外面，就係之前見嗰條水道，重有人喺度釣魚。
行出去睇吓，一邊，係頭先嗰條迴旋橋，另一邊，就見唔到盡頭。
由外面望我地間房，都幾靚。
休息吓，hea 吓，好快，就開餐。呢餐，喺番間房度食會席，河豚料理。
咁多年來，黎日本，都冇正式食過河豚，喺街唔知邊間好，平嘅多數唔會好，貴嘅又驚中伏，今次黎呢度，係盛產河豚嘅地區，酒店又有得揀，就試吓。
喺自己房度食，好處係，可以自備飲品。
先有呢盤嘢。
有餐前酒。
八寸盛。
河豚刺身，冇講到咁甜噃。
又有灼過嘅皮同肉。
個皮，好爽脆，同彈牙。
又有呢啲。
呢杯，係燒河豚嘅魚鰭，用清酒浸，幾甜。
呢個，燒白子，其實即係河豚嘅 … ，好在燒到燶燶地，唔多覺，而且幾鮮甜。
呢個，奇奇怪怪咁。
重有個，河豚鍋物。
唔錯，河豚食落有啲似雞肉，不過甜啲。
最後，加飯做粥。
個湯夠鮮甜，個粥就好食。
最後，甜品。
食完晚飯，攤抖吓，夜啲，去浸溫泉。
哈！殿方，我又包場。
浸完溫泉，喺呢度坐吓，有杯紅豆湯，凍嘅，好正。
返房，牀舖已做好。
Continue …
沒有留言:
發佈留言